બોલિવુડ / સોનૂ સૂદે યુક્રેનમાં ફસાયેલ બાળકોની આ રીતે કરી મદદ, ભારત સરકારે પણ કર્યા વખાણ

• સોનૂ સૂદે કરી યુક્રેનમાં ફસાયલ ભારતીય છાત્રોની મદદ 
• 'ભારત સરકારને ધન્યવાદ તથા સપોર્ટ ' સોનૂ સૂદ 
• જાણો રશિયા-યુક્રેન વચ્ચે યુદ્ધની શું છે પરિસ્થિતિ 

જંગ છે ચરમસીમા પર 

રશિયા તથા યુક્રેન વચ્ચે જંગ ચરમ સીમા પર છે. આ બંને દેશને લઈને દુનિયા વહેંચાયેલ પણ જોવા મળી રહી છે. ત્યાં જ બીજી બાજુ યુક્રેનમાં ભણી રહેલા ભારતીય છાત્રોને ત્યાંથી બહાર કાઢવા માટે ભારત સંભવ કોશિશ કરી રહ્યું છે. હવે યુક્રેનમાં ફસાયેલ છાત્રો માટે બોલિવુડ અભિનેતા સોનૂ સૂદે પણ હાથ આગળ વધાર્યો છે. સોનૂ સૂદ કોરોના કાળમાં પરેશાન, ગરીબ તથા જરૂરીયાતમંદ લોકોને મદદ કરતા રહ્યા. 

સોનૂ સૂદ આવ્યા મદદે 

તેમને ઘણા લોકો પોતાના મસિહા પણ માને છે. આવામાં સોનૂ સૂદ યુક્રેનની સીમા પર ફસાયેલ છાત્રો માટે મસિહા જ બન્યા છે. આ વાતની જાણકારી ખુદ અભિનેતાએ જ આપી છે. તેમણે પોતાના આધિકારિક ટ્વીટર પર બે ટ્વીટ કર્યા જેથી સ્પષ્ટ થાય છે કે સોનૂ સૂદે યુક્રેનમાં ફસાયેલ લોકોની મદદ કરી છે. એક વ્યક્તિએ સોનૂ સૂદની મદદથી ભારત આવેલ છાત્રોનો વીડિયો પણ શેર કર્યો છે. 

Tough times for our students in Ukraine & probably my toughest assignment till date. Fortunately we managed to help many students cross the border to safe territory. Lets keep trying. They need us. Thank You @eoiromania🇮🇳 @IndiaInPoland @meaindia for your prompt help.
Jai Hind🇮🇳 https://t.co/q9oJ428pHu

— sonu sood (@SonuSood) March 2, 2022

સોનૂ સૂદનું ટ્વીટ 

આ વ્યક્તિનાં ટ્વીટ પર પ્રતિક્રિયા આપતા અભિનેતા લખે છે કે આ તો મારું કર્તવ્ય છે, મને  ખુશી છે કે હું આ કરવા સક્ષમ હતો. ભારત સરકારનો ધન્યવાદ તથા સપોર્ટ, જય હિંદ. જ્યારે પોતાના બીજા ટ્વીટ પર સોનૂ સૂદ લખે છે કે યુક્રેનમાં આપણા છાત્રો માટે ખરાબ સમય તથા કદાચ અત્યાર સુધીનું મારું સૌથી અઘરું કામ. સૌભાગ્યથી અમે ઘણા છાત્રોને સીમા પાર કરીને સુરક્ષિત ક્ષેત્રમાં જાવામાં મદદ કરવામાં સફળ રહ્યા. આવો કોશિશ કરતા રહીએ. તેમને આપણી જરૂર છે. તમારી સહાયતા માટે ધન્યવાદ. 

That's my job.
I am glad that I was able to do my bit,
Big thank you to Government of India for all the support.
Jai hind 🇮🇳 https://t.co/KWhf7R4pP9

— sonu sood (@SonuSood) March 2, 2022

પોતાના આ ટ્વીટમાં સોનૂ સૂદે રોમાનિયા, પોલેંડનાં દૂતાવાસને ટેગ કર્યા છે. સોશિયલ મીડિયા પર સોનૂ સૂદનું આ ટ્વીટ ઝડપથી વાયરલ થઇ રહ્યું છે. અભિનેતાનાં ફેંસ તેમના ટ્વીટને ખૂબ જ પસંદ કરી રહ્યા છે. સાથે જ કમેન્ટ અરીને પોતાની પ્રતિક્રિયા આપી રહ્યા છે. 

શું છે હાલ પરિસ્થિતિ? 

વાત કરીએ રશિયા તથા યુક્રેન વચ્ચેનાં યુદ્ધની તો આજે યુદ્ધનોન આઠમો દિવસ છે. યુદ્ધ વચ્ચે એક વાર ફરી રશિયા તથા યુક્રેન વાતચીત કરશે. બંને દેશ વચ્ચે ગુરુવારે પોલેંડ-બેલારુસ બોર્ડર પર વાતચીત થશે. જ્યારે, આ વચ્ચે યુક્રેનમાં ફસાયેલ બારતીય નાગરીકોને બહાર લાવવા માટે ભારતીય વાયુ સેનાએ પણ અભિયાન ઝડપી કર્યું છે. 

ગુરુવારે પોલેંડથી ભારતીય વાયુ સેનાનો ત્રીજો C-17 વિમાન હિંડન એરપોર્ટ પહોંચ્યું.. કેન્દ્રીય રાજ્ય મંત્રી અજય ભટ્ટે ભારતીય નાગરીકોનું સ્વાગત કર્યું. આ વચ્ચે માસ્કોએ કહ્યું કે યુક્રેનમાં તેના 498 સૈનિક મરાયા છે. જોકે, સંયુક્ત રાષ્ટ્ર દ્વારા જાહેર આંકડાઓ અનુસાર, અત્યાર સુધી યુક્રેનમાં 227  મૃત્યુ થઇ ચુક્યા છે જ્યારે 525 લોકો ઘાયલ છે. યુક્રેનમાં ફસાયેલ છાત્રોને લઈને ભારતીય વાયુસેનાનું ચોથું વિમાન બુખારેસ્ટથી હિંડન એરપોર્ટ પહોંચ્યું. એરપોર્ટ પર કેન્દ્રીય રાજ્ય મંત્રી અજય ભટ્ટે છાત્રોનું સ્વાગત કર્યું હતું.