રાહતનો શ્વાસ / અમદાવાદ સિવિલ હોસ્પિટલમાં મહામારીમાં પ્રથમ વખત ઓક્સિજનના આટલા બેડ ખાલી

• કોરોનાને લઈને અમદાવાદમાં થોડા રાહતના સમાચાર
• થોડા દિવસથી કોરોનાના કેસોમાં નોંધાઈ રહ્યો છે ઘટાડો
• આજે પ્રથમ વખત 30 કરતા વધુ ઓક્સિજન બેડ સિવિલમાં ખાલી

કોરોનાને લઈને અમદાવાદમાં થોડા રાહતના સમાચાર સામે આવ્યા છે. અમદાવાદમાં થોડા દિવસથી કોરોનાના કેસોમાં ઘટાડો નોંધાઈ રહ્યો છે. ગઈકાલે vtvના રિપોર્ટરે કરેલા અહેવાલમાં 1200 બેડની સિવિલમાં એકપણ એમ્બ્યૂલન્સ લાઈનમાં જોવા મળી નહોતી. તો આજે પ્રથમ વખત 30 કરતા વધુ ઓક્સિજન બેડ સિવિલમાં ખાલી હોવાના સમાચાર સામે આવ્યા છે. અમદાવાદના સિવિલ હોસ્પિટલના ડોક્ટરો, મેનેજમેન્ટ દિવસ રાત મહેનત કરી રહ્યા છે. મહામારીમાં 80થી 100 એમ્બ્યૂલન્સની લાઈનો હોવા છતાં સારવાર માટે દોડાદોડી ચાલી રહી હતી.

શાબાશ છે અમદાવાદના સિવિલ હોસ્પિટલના ડોક્ટરો અને મેનેજમેન્ટને અને ખાસ કરીને સુપ્રિટેન્ડેનને જામણે રાત દિવસ જોયા વગત સતત  કામ કર્યું અને સિવિલ હોસ્પિટલની બહાર પડી રહેલા એમ્બ્યુલન્સના કાફલાને ઓછો કરવા માટે સતત મહેનત કરી. એક પણ ફરિયાદ વગર સિવિલ હોસ્પિટલની તામામ ટીમો સતત કામ કરી રહી છે અને કદાચ એના કારણે જ આવી મહામારીમાં 80થી 100 એમ્બ્યુલન્સ લાઈનમાં હોવા છતાં તેઓએ હિંમ્મત હાર્યા વગર કામ કર્યું અને કરી રહ્યા છે જેના લીધે જ સિવિલમાંથી દર્દીઓ જલ્દી રિકવર થઈ ઘરે જઈ રહ્યા છે. અને સિવિલમાં આજે ૩0 કરતા વધુ ઓક્સિજન બેડ ખાલી છે.

મંજુશ્રી કિડની હોસ્પિટલ કોરોના દર્દીઓ માટે શરુ કર્યાને એક મહિનો થઇ ગયો છે. ત્યારે અવિરત કોરોના દર્દીઓનો ઘસારો જોવા મળી રહ્યો છે. એક મહિનામાં 2400 કોરોના દર્દીઓએ સારવાર લીધી છે. સિવિલમાં 1200 બેડ ફુલ થતા દર્દીઓ માટે આશાનું કિરણ મંજુશ્રી હોસ્પિટલ બની હતી. મંજુશ્રી કિડની હોસ્પિટલમાં સૌથી વધુ ઓકસીજનની જરૂરિયાત વાળા દર્દીઓ વધુ આવ્યા છે. સિવિલ હોસ્પિટલના સેવાના સુપર  સ્પ્રેડર્સ દ્વારા અનેક જીંદગીઓ બચાવી લેવાઈ છે. આજે પણ મંજુશ્રી કિડની હોસ્પિટલમાં 371 દર્દીઓ દાખલ છે. અને 72 જેટલા ઓકસીજન બેડ હાલ ખાલી છે.