નિવેદન / મસ્જિદો પર લાઉડસ્પીકર વિવાદમાં સોનુ નિગમે ફરી આપ્યું નિવેદન, આ વખતે જુઓ શું કહ્યું

• લાઉડસ્પીકર અજાન વિવાદ હવે આખા દેશમાં ગુંજી રહ્યો છે
• મનોરંજન જગતની સેલિબ્રિટીઓ પોતાની રાય મુકી રહી છે
• સોનુ નિગમે લાઉડસ્પીકર પર આપ્યું પોતાનુ નિવેદન

સોનુ નિગમે લાઉડસ્પીકર વિવાદ પર મુકી વાત

હાલમાં લોકપ્રિય ગાયિકા અનુરાધા પૌડવાલે આ વિવાદ પર દિલ ખોલીને પોતાની વાત કહી હતી અને હવે સિંગર સોનુ નિગમે પણ આ મુદ્દે પોતાનો અભિપ્રાય મુક્યો છે. લાઉડસ્પીકર વિવાદ પર ઘણી સેલિબ્રિટીઓએ પોતાના મંતવ્ય મુક્યા છે અને હવે આ ક્રમમાં સોનુ નિગમનુ પણ નામ જોડાઈ ગયુ છે. સોનુ નિગમે હાલમાં એક ન્યુઝ ચેનલને આ મુદ્દે પોતાનો મેસેજ મોકલ્યો અને કહ્યું કે જે અવાજ તેમણે ઉઠાવ્યો છે, તેનો પડઘો હવે પડવા માડ્યો છે. નાગરિકો હવે આ મુદ્દે વાત કરી રહ્યાં છે. વર્ષ 2017માં સોનુ નિગમે લાઉડસ્પીકર પર વગાડવામાં આવતી અજાન પર તેની રાય મુકી હતી. 

અનુરાધા પૌડવાલે પણ રાખ્યો પોતાનો મત

લાઉડસ્પીકર મુદ્દે સોનુ નિગમ સિવાય હાલમાં અનુરાધા પૌડવાલે પણ તેનુ મંતવ્ય મુક્યુ હતુ. અનુરાધા પૌડવાલે એક ન્યુઝ ચેનલને આપેલા ઈન્ટરવ્યુમાં કહ્યું હતુ કે તે વિશ્વની ઘણી જગ્યાએ ફરી ચૂકી છે, પરંતુ જેવુ અહીં છે તેવુ ક્યાય નથી. હું કોઈ ધર્મની વિરુદ્ધમાં નથી. પરંતુ અહીં કોઈ પણ વાતને અનાવશ્યક રીતે વધારી દેવામાં આવે છે. ઉંચા-ઉંચા અવાજમાં લાઉડસ્પીકર પર અજાન વગાડવામાં આવે છે, જેના કારણે બીજા લોકોને લાગે છે કે આપણે આપણુ લાઉડસ્પીકર કેમ ના ચલાવવુ જોઈએ. અનુરાધાએ વધુમાં કહ્યું કે તેઓ મધ્ય પૂર્વના દેશોમાં પણ ગયા છે, ત્યાં લાઉડસ્પીકર પર અજાન પ્રતિબંધ છે. જ્યારે મુસ્લિમ દેશોમાં લાઉડસ્પીકર પર અજાન કેમ ચલાવવામાં આવતી નથી તો અમારે અહીં કેમ?