IND vs AUS 3rd Day / શુભમનની સદીએ રંગ રાખ્યો, ઓસ્ટ્રેલિયા હજુ આગળ પણ ટીમ ઈન્ડિયા મજબૂત સ્થિતિમાં, જુઓ હાઈલાઈટ્સ

• ભારતે પહેલી ઈનિંગમાં 289 રન કર્યા
• શુભમન ગિલે ટેસ્ટ કરિઅરની બીજા સદી ફટકારી
• ઓસ્ટ્રેલિયાએ પહેલી ઈનિંગમાં 480 રન કર્યા

ભારત અને ઓસ્ટ્રેલિયા વચ્ચે ચાર ટેસ્ટ મેચની છેલ્લી અને અંતિમ મેચ રમવામાં આવી રહી છે. ઓસ્ટ્રેલિયાએ પહેલી ઈનિંગમાં ઉસ્માન ખ્વાજાના 180 રનની ઈનિંગની મદદથી પ્રથમ દાવમાં 480 રન બનાવ્યા હતા, તો ભારતે પહેલી ઈનિંગમાં 289 રન કર્યા છે. આ મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. અંતિમ મેચના ત્રીજા દિવસે શુભમન ગિલે ટેસ્ટ કરિઅરની બીજા સદી ફટકારી છે. શુભમન ગિલે 10 ચોગ્ગા અને 1 છગ્ગાની મદદથી 101 રનની ઈનિંગ કરી છે. શુભમન ગિલ ભારતીય ટીમનો સ્ટાર યુવા બેટ્સમેન છે.  અગાઉ શુભમન ગિલે વર્ષ 2023માં T20 સદી અને વનડેમાં બેવડી સદી ફટકારી ચૂક્યો છે.  

શુભમન ગિલે ટેસ્ટ કરિઅરમાં બીજી સદી મારી છે. અગાઉ શુભમન ગિલે ડિસેમ્બરમાં બાંગ્લાદેશ સામે રમાયેલી ટેસ્ટ મેચમાં, ટેસ્ટ કેરિયરની પહેલી સદી ફટકારી હતી, આજે ઓસ્ટ્રેલિયા સામેની ટેસ્ટ મેચમાં ટેસ્ટ કરિઅરની બીજી ટેસ્ટ સદી  કરી છે. આ વર્ષે 3 મહિનામાં ત્રણેય ફોર્મેટમાં સદીની ઇનિંગ્સ રમીને શુભમન ગિલે એક મોટો રેકોર્ડ બનાવ્યો છે.  વર્ષ 2023માં ત્રણેય ફોર્મેટમાં સદી ફટકારનાર શુભમન ગિલ પ્રથમ બેટ્સમેન બની ગયો છે. શુભમન ગિલે નરેન્દ્ર મોદી ક્રિકેટ સ્ટેડિયમમાં જ ન્યૂઝીલેન્ડ સામે 54 બોલમાં T20 આંતરરાષ્ટ્રીય કરિઅરની સદી પૂરી કરી હતી. 

ઓસ્ટ્રેલિયાએ પહેલી ઈનિંગમાં 480 રન કર્યા હતા, જ્યારે ભારતે પહેલી ઈનિંગમાં 289 રન કર્યા છે અને ત્રણ વિકેટ ગુમાવી છે. શુભમન ગિલે શાનદાર પ્રદર્શન કર્યું છે સદી ફટકારી છે. વિરાટ કોહલીએ એક વર્ષ કરતા વધુ સમય પછી પહેલી વાર અડધી સદી ફટકારી છે. 

પહેલા બે દિવસની સરખામણીએ ત્રીજા દિવસે સ્પિનરોને થોડી મદદ મળવાની શરૂ થઈ છે. ભારતીય બેટ્સમેનોએ નાથન લાયનના અનેક બોલ પર છગ્ગા ફટકાર્યા છે. ઓસ્ટ્રેલિયાની તગડી બોલિંગ અને ટાઈટ ફીલ્ડિંગના કારણે ભારત ખુલીને રમી શક્યું નથી. ઓસ્ટ્રેલિયા હજુ પણ 191 રનથી પાછળ છે. 

અમદાવાદ ટેસ્ટ મેચ

ભારતીય ટીમે અંતિમ ટેસ્ટ મેચના ત્રીજા દિવસે દબદબો જાળવી રાખ્યો છે અને 3 વિકેટ ગુમાવીને 253 રન કર્યા છે. ભારતીય ટીમે ત્રણ સેશનમાં એક એક વિકેટ ગુમાવી છે. પહેલા સેશનમાં રોહિત શર્મા, બીજા સેશનમાં ચેતેશ્વર પૂજારા અને ત્રીજા સેશનમાં શુભમન ગિલ સદી ફટકારીને આઉટ થયા હતા.