'કાશ્મીર ગાઝા નથી' / PM મોદી વિરુદ્ધ ઝેર ફૂંકનારા ઘણા લોકોની 10 વર્ષમાં માનસિકતા બદલાઈ ગઈ, ઝરાયલ-હમાસ યુદ્ધ વચ્ચે શેહલા રાશિદે મોદી સરકારના કર્યા વખાણ

• કલમ 370 નાબૂદ કરવાનો નિર્ણય એકદમ યોગ્ય હતો: શેહલા રાશિદ
• ખીણમાં હિંસા રોકવા માટે વ્યાપક પરિવર્તનની જરૂર હતીઃ શેહલા રશીદ
• શેહલા રાશિદ છેલ્લા કેટલાક મહિનાઓથી કરી રહી છે મોદી સરકારના વખાણ

શેહલા રાશિદે પીએમ મોદીના વખાણ કર્યા. દસ વર્ષમાં પીએમ મોદી વિરુદ્ધ ઝેર ફૂંકનારા ઘણા લોકોની માનસિકતા બદલાઈ ગઈ છે. જેએનયુ સ્ટુડન્ટ્સ યુનિયનની પૂર્વ ઉપાધ્યક્ષ શેહલા રાશિદ જેવા ઘણા લોકો આજે પીએમ મોદીના પ્રશંસક બની ગયા છે. ગત દિવસોમાં શેહલા રાશિદે મોદી સરકારની પીઠ થપથપાવી હતી અને કહ્યું હતું કે કાશ્મીરમાંથી કલમ 370 નાબૂદ કરવાનો મોદી સરકારનો નિર્ણય એકદમ સાચો હતો. આજે કાશ્મીરમાં શાંતિનો માહોલ છે. શેહલાએ ફરી એકવાર કાશ્મીરને લઈને પોતાની પ્રતિક્રિયા આપી છે. તેમણે કહ્યું કે કાશ્મીર ગાઝા નથી.  તમને જણાવી દઈએ કે શેહલા રાશિદ જમ્મુ અને કાશ્મીર (J&K) ના વિશેષ દરજ્જાને નાબૂદ કરવાના નિર્ણયને લઈને કેન્દ્રની નરેન્દ્ર મોદીની આગેવાનીવાળી સરકારની કટ્ટર ટીકા કરતી રહી છે, પરંતુ તાજેતરમાં જ જેએનયુની ભૂતપૂર્વ વિદ્યાર્થીનીએ કેન્દ્ર સરકારના વખાણ કર્યા છે. 

કાશ્મીર ગાઝા નથીઃ શેહલા રાશિદ

શેહલા રશીદે એક ન્યૂઝ એજન્સી સાથે આ મામલે વિગતવાર ચર્ચા કરી હતી. તેમણે કહ્યું કે, કાશ્મીરની વર્તમાન સ્થિતિ માટે તેઓ પીએમ મોદી અને અમિત શાહના ખૂબ આભારી છે. આજે જ્યારે હું કાશ્મીરની સ્થિતિ જોઉં છું ત્યારે મને સંતોષ થાય છે. આજે એ સ્પષ્ટ થઈ ગયું છે કે કાશ્મીર ગાઝા નથી. તેમણે આગળ કહ્યું, ખીણમાં હિંસા રોકવા માટે વ્યાપક પરિવર્તનની જરૂર હતી. પીએમ મોદી અને ગૃહ પ્રધાન અમિત શાહે આ કર્યું. શેહલા રશીદે વધુમાં કહ્યું કે પીએમ મોદી અને અમિત શાહે કાશ્મીર સમસ્યાનો ઉકેલ શોધી કાઢ્યો અને આ ઉકેલ લોહિયાળ કે હિંસક નહોતો.

કાશ્મીરમાં માનવાધિકારનો રેકોર્ડ સતત સુધરી રહ્યો છેઃ શેહલા રાશિદ

અગાઉ આ વર્ષે 15 ઓગસ્ટના રોજ, શેહલાએ એક ટ્વિટ (X) માં કહ્યું હતું કે કાશ્મીરમાં માનવાધિકારના રેકોર્ડમાં સતત સુધારો થઈ રહ્યો છે. તેમણે વધુમાં કહ્યું કે વર્તમાન સરકારે એક જ પ્રયાસમાં કાશ્મીરીઓની ઓળખની કટોકટીનો અંત લાવી દીધો છે.

JNUમાં ભારત વિરોધી સૂત્રોચ્ચાર થયા નથી

શેહલા રશીદે ફેબ્રુઆરી 2016માં દિલ્હીની જવાહરલાલ નહેરુ યુનિવર્સિટીમાં "ભારત વિરોધી" સૂત્રોચ્ચાર કર્યા હોવાના આરોપોને પણ ફગાવી દીધા હતા. શેહલા રશીદે કહ્યું કે યુનિવર્સિટીમાં ભારત વિરોધી નારા લગાવવામાં આવ્યા ન હતા.