શનિ આરાધના / આ શનિવારે અમાસ હોવાથી કરો આ ઉપાય, શનિદેવની કૃપાથી થશે સુખ-સમૃદ્ધિની પ્રાપ્તિ

• વૈશાખ મહિનાના કૃષ્ણ પક્ષની અમાસનું ઘણુ વધારે મહત્વ
• ન્યાયના દેવતા શનિની પૂજા વિધિ પૂર્વક કરવામાં આવશે
• કરો આ ઉપાય, જીવનના તમામ દુ:ખો થશે દૂર

શનિશ્ચરી અમાસનું શુભમૂહુર્ત 

માન્યતા છે કે શનિદેવ માણસને કર્મોના હિસાબ પ્રમાણે સારું અથવા ખરાબ ફળ આપે છે. જ્યોતિષ શાસ્ત્ર મુજબ, અમાસના દિવસે કેટલાંક ખાસ ઉપાય કરીને જીવનની દરેક પરેશાનીમાંથી છૂટકારો મેળવી શકો છો. વૈશાખ અમાસ શનિવારે 30 એપ્રિલ બપોરે 12 વાગ્યેને 59 મિનિટથી શરૂ થઇને 1 મે બપોરે 1 વાગ્યેને 59 મિનિટે પૂર્ણ થશે. 30 એપ્રિલે ઉદયા તિથિ હોવાના કારણે આ દિવસે પૂજા-અર્ચના કરવામાં આવશે. 

શનિ અમાવસ્યાના દિવસે કરો આ ઉપાય 

1. શનિ અમાસના દિવસે શનિદેવની સાથે-સાથે ભગવાન હનુમાનજીની પૂજા કરવી લાભકારી સાબિત થશે. આ દિવસે હનુમાનજીને બૂંદીના લાડ્ડુ અથવા પછી ચણાની દાળ અને ગોળનો પ્રસાદ ચઢાવો. જેનાથી બજરંગબલીની કૃપા પ્રાપ્ત થશે. 
2. દરેક પ્રકારના દુ:ખમાંથી છૂટકારો મેળવવા માટે શનિશ્ચરી અમાસના દિવસે સાત મુખી રૂદ્રાક્ષને ગંગાજળથી ધોઈને 108 વખત ઓમ પ્રાં પ્રીં પ્રોં સ: શનૈશ્ચરાય નમ: અથવા પછી ઓમ શં શનૈશ્ચરાય નમ: મંત્રનો જાપ કર્યા બાદ ધારણ કરી લો. 
3. સુખ-સમૃદ્ધી માટે શનિશ્ચરી અમાસના એક દિવસ પહેલા એટલેકે શુક્રવારના દિવસે કાળા કપડામાં કાળી અડદને બાંધીને નજીકમાં રાખી ઊંઘી જાઓ. પછી અમાસના દિવસે કોઈ શનિ મંદિરમાં જઇને મુકી દો. ત્યારબાદ સાંજના સમયે સુરમાની એક શીશી લઇને આખા શરીરે ફેરવીને 9 વખત ઉતારી લો અને કોઈ સુમસામ જગ્યાએ દાટી દો.