મનોરંજન / 'પત્ની 6 મહિનાની પ્રેગ્નન્ટ છે, ફિલ્મ ડંકી જોવા કઇ રીતે જઉં?', યૂઝરે સવાલ પૂછતા શાહરૂખે આપ્યો મજેદાર જવાબ

• ફેન્સ ફિલ્મ ‘ડંકી’ની રાહ જોઈ રહ્યા છે
• સોશિયલ મીડિયા પર શાહરૂખ ખાનનું ‘AskSRK’ સેશન
• યૂઝરે શાહરૂખ ખાનને પૂછ્યો મજેદાર સવાલ

રાજકુમાર હિરાનીની આગામી ફિલ્મ ‘ડંકી’ આ વર્ષની સૌથી શાનદાર રિલીઝ ફિલ્મ માનવામાં આવી રહી છે. ફેન્સ આતુરતાથી તાપસી પન્નૂ અને શાહરૂખ ખાનની ફિલ્મ ‘ડંકી’ની રાહ જોઈ રહ્યા છે. ફિલ્મ ‘ડંકી’નું ટ્રેલર જોઈને લાગી રહ્યું છે કે, આ એક પરફેક્ટ ફેમિલી એન્ટરટેઈનર ફિલ્મ હશે. શાહરૂખ ખાને તેના ફેન્સ અને દર્શકોને સોશિયલ મીડિયા પર ફિલ્મ ‘ડંકી’ જોવા માટે ઈન્વિટેશન આપ્યું.

There is nothing more beautiful than your own family and friends #DunkiTrailer https://t.co/eG92oZauXm

— Shah Rukh Khan (@iamsrk) December 6, 2023

ફિલ્મ ‘ડંકી’ પારિવારિક ફિલ્મ
શાહરૂખ ખાને X પર ‘AskSRK’ સેશન શરૂ કર્યું હતું. અનેક યૂઝર્સે શાહરૂખ ખાનને સવાલ પૂછ્યા, શાહરૂખ ખાને આ સવાલના મજેદાર જવાબ આપ્યા. એક યૂઝરે શાહરૂખ ખાનને પૂછ્યું હતું કે, ‘મૂવી પરિવાર સાથે જોઈ શકાય છે?’ જેનો શાહરૂખ ખાને જવાબ આપ્યો હતો કે, ‘તમારી સાથે હોય તેમના પરિવાર સાથે પણ ફિલ્મ જોઈ શકાય છે. રજાઓમાં બધાની સાથે જાઓ અને મૂવી જોવો.’

શાહરૂખ ખાને બાળકોને પણ સાથે લઈ જવાનું કહ્યું હતું. એક યૂઝરે સવાલ પૂછ્યો હતો કે, ‘મારી પત્ની 6 મહિના પ્રેગનેન્ટ છે અને તેને પણ આ ફિલ્મ જોવી છે, તેને શું કહું?’ શાહરૂખ ખાને આ સવાલનો જવાબ આપ્યો હતો કે, ‘ફિલ્મ ‘ડંકી’ બાળકો માટે પણ છે, જેથી તેને પણ સાથે લઈ જાઓ. સાથે એક તકિયો પણ રાખજો, જેથી મૂવી હોલની સીટ પર કમ્ફર્ટેબલી બેસી શકે. કોન્ગ્રેચ્યુલેશન્સ.’

Dunki is for babies also so please take her. Take a pillow along so that she is comfortable in the movie hall seats. All the best for the baby. #DunkiTrailer https://t.co/qinVtJ62RT

— Shah Rukh Khan (@iamsrk) December 6, 2023

શાહરૂખ ખાને ફેન્સ સાથે વાતચીત દરમિયાન જણાવ્યું હતું કે, તેમણે પોતાની ફિલ્મોમાંથી જીવનનો સૌથી મૂલ્યવાન પાઠ શીખ્યા છે. એક યૂઝરે સવાલ પૂછ્યો હતો કે, ‘તમે તમારી ફિલ્મ ઈન્ડસ્ટ્રી અને જવાનના સફરમાં સૌથી સારી વસ્તુ શું શીખ્યો છો. જેના જવાબમાં શાહરૂખ ખાને કહ્યું હતું કે, તમારા પરિવાર અને મિત્રોથી સુંદર કંઈ નથી.’

ફિલ્મ ‘ડંકી’માં શાહરૂખ ખાનની સાથે બોમન ઈરાની, તાપસી પન્નૂ, વિક્કી કૌશલ, વિક્રમ કોચર અને અનિલ ગ્રોવર પણ હશે. ફિલ્મ ‘ડંકી’ 21 ડિસેમ્બર 2023ના રોજ રિલીઝ થશે.