સોમવારે આ કેસની સુનાવણીમાં સુપ્રીમ કોર્ટે કેન્દ્ર સરકારને આકરી ફટકાર લગાવતા કહ્યું કે રાજરમતમાં યુવાન ડોકટરોને ફૂટબોલ ન સમજવા જોઈએ. સુપ્રીમ આ કેસમાં આવતા સોમવાર સુધીમાં કેન્દ્ર સરકારના જવાબની માગ કરી છે. સાથે અધિકારીઓની એક બેઠક બોલાવવાનો પણ નિર્દેશ આપ્યો છે..
શું પેટર્ન બદલવાનો વિવાદ
વિદ્યાર્થીઓનો દાવો છે કે કેન્દ્ર સરકારે NEET PG સુપર સ્પેશિયાલિટી પરીક્ષા 2021 નો અભ્યાસક્રમ પરીક્ષાના 2 મહિના પહેલા બદલી નાખ્યો છે. કેન્દ્રના આ નિર્ણયના વિરોધમાં 41 પીજી ક્વાલિફાઈડ ડોક્ટરોએ સુપ્રીમ કોર્ટમાં અરજી કરી હતી. ડોક્ટરોનો દાવો છે કે 2018 માં પેટર્ન સામાન્ય ચિકિત્સામાંથી 40 ટકા તથા સુપર સ્પેશિયાલિટીમાંથી 60 ટકા સવાલો પૂછાયા હતા જ્યારે આ સમયે છેલ્લી ઘડીએ ફેરફાર કરી દેવાયો તેમાં સામાન્ય ચિકિત્સા વિષયમાં 100 ટકા સવાલો પૂછાયા હતા.
સત્તાની રમતમાં યુવા ડોકટરોને ફૂટબોલ ન ગણો-સુપ્રીમ કોર્ટ
કોર્ટે કહ્યું, સત્તાની રમતમાં આ યુવા ડોકટરોને ફૂટબોલ ન ગણો. અમે આ ડોકટરોને અસંવેદનશીલ અમલદારોની દયા પર છોડી શકીએ નહીં. સરકારે તેના ઘરનું સમારકામ કરવું જોઈએ. કોઈની પાસે શક્તિ છે એટલે જ તમે તેનો ઉપયોગ કોઈ પણ રીતે કરી શકતા નથી. તે તેમની કારકિર્દી માટે ખૂબ જ મહત્વપૂર્ણ છે. હવે તમે છેલ્લી ઘડીએ ફેરફાર કરી શકતા નથી."
જસ્ટિસ બીવી નાગરત્ને કહ્યું, 'છેલ્લી ઘડીએ કરવામાં આવેલા ફેરફારને કારણે આ યુવા ડોક્ટરો મૂંઝવણમાં મુકાઈ શકે છે.'
જસ્ટિસ ડી.વાય.ચંદ્રચૂડે કહ્યું, યુવાન ડૉક્ટરો સાથે સંવેદનશીલતાથી વર્તન કરો. નેશનલ મેડિકલ કમિશન શું કરી રહ્યું છે? અમે ડોકટરોના જીવન સાથે વ્યવહાર કરી રહ્યા છીએ. શું તમે નોટિસ જારી કરો છો અને પછી પેટર્ન બદલો છો? વિદ્યાર્થીઓ મહિનાઓ પહેલા સુપર સ્પેશિયાલિટી કોર્સની તૈયારી શરૂ કરે છે. પરીક્ષા પહેલાં છેલ્લી મિનિટો શા માટે બદલવાની જરૂર છે? તમે આવતા વર્ષથી ફેરફારો સાથે કેમ આગળ વધી શકતા નથી?