દેશની સૌથી મોટી બેંક સ્ટેટ બેંક ઑફ ઇન્ડિયાએ SBI YONOની નામની એક એપ લોન્ચ કરી છે. આ એપ દ્વારા તમે SBIમાં પોતાનું ડિજિટલ એકાઉન્ટ ખોલાવી શકશો. ખાસ વાત તો એ છે કે એકાઉન્ટ ખોલાવવા પર બેંકની તમામ સુવિધાઓ મળવાની સાથે જ તમે દુર્ઘટના સમયે 5 લાખ રૂપિયા મળશે જેના માટે તમારે કોઇ ફી નહીં આપવી પડે. એટલુ જ નહીં ડિજિટલ એકાઉન્ટ ખોલવા પર તમને એમેજૉન ઉબેર જેવી કંપનીઓની ખાસ ઑફર્સ અને ડિસ્કાઉન્ટ પણ મળશે. તો આવો જાણીએ SBI YONO પર ડિજિટલ એકાઉન્ટના ફાયદાઓ વિશે.
કોણ ખોલાવી શકશે એકાઉન્ટ?
આ એકાઉન્ટ માત્ર ભારતનું નાગરિકત્વ ધરાવતા હોય તેવા 18 વર્ષથી વધું ઉંમરના લોકો જ ખોલાવી શકશે. એક મોબાઇલ નંબર અને ઇમેઇલ આઇડી પર માત્ર એક જ ડિજિટલ સેવિંગ્સ બેંક એકાઉન્ટ ખોલી શકાય છે.
એકાઉન્ટ ખોલાવવાની શરતો:
1. SBI Yono એકાઉન્ટ ખોલવા માટે આધાર અને પાન કાર્ડ જરૂરી છે.
2. તમે જ આ એકાઉન્ટનું સંચાલન કરી શકો છો. જો કે બ્રાન્ચ જઇને તેને જોઇન્ટ્સ એકાઉન્ટમાં બદલી શકો છો.
3.આના માટે તમારે એકાઉન્ટને રેગ્યુલર સેવિંગ એકાઉન્ટમાં બદલવું પડશે.
4. આ એકાઉન્ટમાં નોમિનીનું નામ આપવું જરૂરી છે.
5. એકાઉન્ટ ખોલતા સમયે જે કોઇપણ SBI બ્રાન્ચની પસંદગી કરશો તે તમારી હોમ બ્રાન્ચ બની જશે.
6. આધાર બાયોમેટ્રિક વેરિફિકેશન માટે તમારે એક વખત SBIની કોઇપણ બ્રાન્ચમાં જવું પડશે.
કઇ-કઇ સુવિધા મળશે?
1. મફતમાં 5 લાખ રૂપિયા સુધીનો અકસ્માત વીમો મળશો.
2. એકાઉન્ટ ખોલ્યા બાદ તમને મફતમાં સ્પેશિયલ પ્લેટિનમ ડેબિટ કાર્ડ મળશે.
3. ડેબિટ કાર્ડ માટે વાર્ષિક 200 રૂપિયા મેન્ટેનેંસ ચાર્જ આપવો પડશે. જો એકાઉન્ટમાં સરેરાશ ત્રણ મહિના સુધી 25000 રૂપિયા રાખશો તો મેન્ટેનંસ નહી ચૂકવવું પડે.
4. પ્લેટિનમ ડેબિટ કાર્ડ દ્વારા ATMથી 1000 રૂપિયા સુધીની રકમ કાઢી શકશો.
5. ગમે ત્યારે 10 પાનાની ચેકબુક ઑર્ડર કરી શકશો. આના માટે ચેક દીઠ 10 રૂપિયા ચૂકવવાના રહેશે.
6. તમારા ઇમેઇલ પર અકાઉન્ટ સ્ટેટમેન્ટ પણ આવશે.
લોન અને શૉપિંગની સુવિધા:
1. આ પ્લેટફોર્મ પર તમને SBI લાઇફ SBI જનરલ SBI મ્યૂચ્યુઅલ ફંડ SBI કેપ્સ અને SBI કાર્ડ્સ જેવી સુવિધા પણ મળશે.
2. એપ દ્વારા તમે હોમ લોન અને ઑટો લોન માટે અરજી કરી શકશો.
3. સાથે જ આ પ્લેટફોર્મ પર લાઇફસ્ટાઇલ સેગમેંટની 14 કેટેગરીમાં શૉપિંગની સુવિધા મળશે.
4. 600 ઇ-કોમર્સ કંપનીઓની સાથે બેંકે પાર્ટનરશિપ કરી રાખી છે. જ્યાંથી ખરીદી કરવા પર તમને ખાસ ઑફર્સ અને ડિસ્કાઉન્ટ મળશે.
5. આના મુખ્ય ઇ-કોમર્સ પાર્ટનર્સમાં એમેજોન ઉબેર ઓલા મિન્ત્રા જબોન્ગ શૉપર્સ સ્ટૉપ કૉક્સ એન્ડ કિંગ્સ થૉમસ કુક યાત્રા સહિતની કંપનીઓ સામેલ છે.
કેવી રીતે ખોલશો એકાઉન્ટ:
1. પ્લે સ્ટોરમાંથી SBIની YONO એપ ઇન્સ્ટોલ કરી લો.
2. એપ પર લોગઇન કર્યા બાદ ‘ઓપન ન્યૂ ડિજિટલ અકાઉન્ટ’ પર ક્લિક કરી ‘ડિજિટલ સેવિંગ્સ અકાઉન્ટ’ ઓપ્શન સિલેક્ટ કરો.
3. બાદમાં ‘અપ્લાય નાઉ’ પર ક્લિક કર્યા બાદ પહેલા ‘અપ્લાય ન્યૂ’ ક્લિક કર્યા બાદ ‘નેક્સ્ટ’ ઓપ્શન પર ક્લિક કરો.
4. પછી આધાર અને પાનકાર્ડની ડિટેઇલ ભરીને આગળના પેજ પર જાઓ. જ્યાં તમારો મોબાઇલ નંબર અને ઇમેઇલ આઇડી આપવાનું રહેશે. જો કોઇ રેફરલ કોડ હોય તો તે પણ નાખી દો.
5. અંતમાં પ્રાઇવસી પૉલિસી વાચીને ‘સબમિટ’ બટન પર ક્લિક કરો. તમારું એકાઉન્ટ ખુલી ગયું.
