પિતૃ તર્પણ / પિતૃઓના મોક્ષ માટે સૌથી ખાસ દિવસ એટલે સર્વપિતૃ અમાસ: જાણી લો તર્પણ કરવાના શુભ મુહૂર્ત, આ લોકોનું કરો શ્રાદ્ધ

• સર્વપિતૃ અમાસના પિતૃઓ માટે વિશેષ અનુષ્ઠાન કરવામાં આવે છે
• 29 સપ્ટેમ્બરથી પિતૃપક્ષ શરૂ થયો છે
• સર્વપિતૃ અમાસને પિતૃમોક્ષ અમાવસ્યા પણ કહેવામાં આવે છે

29 સપ્ટેમ્બરથી પિતૃપક્ષ શરૂ થયો છે અને 14 ઓક્ટોબરે સમાપ્ત થશે. સર્વપિતૃ અમાવસ્યાના દિવસે પિતૃઓ માટે વિશેષ અનુષ્ઠાન કરવામાં આવે છે. બીજા દિવસથી શારદીય નવરાત્રીનો પ્રારંભ થશે. સર્વપિતૃ અમાવસ્યાના દિવસને મહાલયા અમાવસ્યા, પિતૃ અમાવસ્યા અથવા પિતૃમોક્ષ અમાવસ્યા પણ કહેવામાં આવે છે. 

સર્વપિતૃ અમાસ પર તર્પણનું શુભ મુહૂર્ત
સર્વપિતૃ અમાસ 13 ઓક્ટોબર 2023ના રોજ રાત્રે 09:50 વાગ્યે શરૂ થશે અને 14 ઓક્ટોબરે રાત્રે 11:24 વાગ્યે સમાપ્ત થશે. ઉદય તિથિ અનુસાર, આ વર્ષે સર્વ પિતૃ અમાવસ્યા 14 ઓક્ટોબર 2023ના રોજ ઉજવવામાં આવશે. સર્વપિતૃ અમાસના દિવસે તર્પણ માટે 3 શુભ મુહૂર્ત છે.

કુતુપ મુહૂર્ત- સવારે 11:44 વાગ્યાથી બપોરે 12:30 વાગ્યા સુધી
રોહિણ મુહૂર્ત- બપોરે 12:30 વાગ્યાથી 01:16 વાગ્યા સુધી
અપરાહ્ન કાળ- બપોરે 01:16 વાગ્યાથી 03:35 PM વાગ્યા સુધી

સર્વપિતૃ અમાસના દિવસે  કોનું શ્રાદ્ધ કરવામાં આવે છે?
જે લોકોનું મૃત્યુ અમાવસ્યા તિથિ, પૂર્ણિમા તિથિ અને ચોથના દિવસે થયું હોય તે લોકોનું શ્રાદ્ધ સર્વપિતૃ અમાસના દિવસે કરવામાં આવે છે. અમાસના દિવસે  શ્રાદ્ધ કરવાથી તમામ પૂર્વજોની આત્માઓને શાંતિ થાય છે. જે માણસોના મૃત્યુની તિથિ વિશે ખબર ના હોય તેમનું શ્રાદ્ધ સર્વપિતૃ અમાસના દિવસે કરવામાં આવે છે. તેથી સર્વપિતૃ અમાસના શ્રાદ્ધને સર્વપિતૃ મોક્ષ અમાવસ્યા કહેવામાં આવે છે.આ ઉપરાંત જે પરિવારના સભ્યોનું અકાળે મૃત્યુ થયું હોય તેમના માટે પણ સર્વપિતૃ અમાસના દિવસે અનુષ્ઠાન કરી શકાય છે.