હાશ હવે આવશે પૈસા / સહારામાં જેમના પૈસા ફસાયેલા છે તેમના માટે ગુડ ન્યૂઝ, અમિત શાહે શરુ કરી આ સુવિધા, કેટલા મળશે, કેવી રીતે

• અમિત શાહે લોન્ચ કર્યું સહારા રિફંડ પોર્ટલ
• રોકાણકારોને 45 દિવસમાં પૈસા મળશે પૈસા
• શરુઆતમાં તાત્કાલિક મળશે 10,000 રુપિયા

જે લોકોના પૈસા સહારા ઈન્ડિયામાં ફસાયેલા છે તેમના માટે આજે ગુડ ન્યૂઝ છે. કેન્દ્રીય ગૃહ અને સહકાર મંત્રી અમિત શાહે સહારાના રોકાણકારોને આજે મોટી રાહત આપી હતી. તેમણે રોકાણકારોને 10 હજાર રૂપિયા સુધીનું તાત્કાલિક રિફંડ મળી રહે તે માટે સહારા રિફંડ પોર્ટલ શરૂ કર્યું છે. આ પોર્ટલની મદદથી સહારા ગ્રુપની કોઓપરેટિવમાં જમા થયેલા કરોડો રોકાણકારોના પૈસા 45 દિવસમાં પરત કરવામાં આવશે.

सहारा की सहकारी समितियों में जिन लोगों के रुपये कई सालों से डूबे हुए थे, उसे लौटाने की प्रक्रिया शुरू कर दी गई है। “सहारा रिफंड पोर्टल” के शुभारंभ कार्यक्रम से लाइव… https://t.co/TBmAukHaio

— Amit Shah (@AmitShah) July 18, 2023

કોઈ પૈસા નહીં રોકી શકે, 45 દિવસમાં મળશે પાછા- અમિત શાહ 
અમિત શાહે સહારા રિફંડ પોર્ટલ લોન્ચ કરતી વખતે તેને ઐતિહાસિક ક્ષણ ગણાવી હતી. તેમણે કહ્યું કે આ પહેલીવાર છે જ્યારે આવા કિસ્સામાં થાપણદારોને તેમના નાણાં પાછા મળી રહ્યા છે. અમિત શાહે થાપણદારોને ખાતરી આપી હતી કે હવે તેમના પૈસા કોઈ રોકી નહીં શકે અને પોર્ટલ પર નોંધણી કરાવ્યાના 45 દિવસની અંદર તેમને તેમના નાણાં રિફંડ મળી જશે. અમિત શાહે કહ્યું કે 5000 કરોડમાંથી 1.7 કરોડ રોકાણકારોને પૈસા આપવામાં મદદ મળશે. સહારા પોર્ટલ પર રજિસ્ટ્રેશન કરાવ્યા બાદ શરૂઆતમાં થાપણદારોને 10000 રુપિયા તરત મળી જશે અને જેમણે આનાથી વધુ રોકાણ કર્યું છે, તેમની રિફંડની રકમમાં વધારો કરવામાં આવશે. 

કેવી રીતે મળશે રિફંડ?
- સહારા થાપણદારોએ તેમનું રિફંડ પાછું મેળવવા માટે https://cooperation.gov.in પર ક્લિક કરવું પડશે અને સહારા રિફંડ પોર્ટલ પર જવું પડશે.
રોકાણકારે સૌ પ્રથમ સહારા રિફંડ પોર્ટલ પર નોંધણી કરાવવી પડશે.
- આ સહકારી મંડળીમાં નાણાં જમા કરાવ્યા હોવાનો દાવો કરતા થાપણદારોની સાચી ઓળખ સુનિશ્ચિત કરવા માટે આઇએફસીઆઈની પેટાકંપની દ્વારા પોર્ટલ વિકસાવવામાં આવ્યું છે.
- સહારા રિફંડ પોર્ટલ પર રજિસ્ટ્રેશન કરાવવા અને રિફંડ પાછું મેળવવા માટે રોકાણકાર પાસે મોબાઇલ ફોન નંબર અને આધાર હોવો જરૂરી છે.
આધાર સાથે જોડાયેલું બેંક ખાતું હોવું પણ જરૂરી છે.
- આ બેન્ક એકાઉન્ટમાં વેરિફાઈ કર્યા બાદ રોકાણકારોને પૈસા પરત કરી દેવામાં આવશે.