ઉપાય / કરિયર માટે રુદ્રાક્ષનો ખાસ ઉપાય: રાતો-રાત ચમકવા લાગશે કિસ્મત, જાણો કોના માટે કયો રુદ્રાક્ષ શુભ

• ભગવાન શિવના આંસુઓમાંથી રુદ્રાક્ષની ઉત્પત્તિ થઈ
• ઈચ્છા, કરિઅર અને કારોબાર અનુસાર રુદ્રાક્ષ ધારણ કરવો જોઈએ
• આ પ્રકારે કરવાથી તેની શુભતામાં વૃદ્ધિ થાય છે

 હિંદુ ધર્મમાં રુદ્રાક્ષને પવિત્ર માનવામાં આવ્યો છે. જેનો ભગવાન શિવ સાથે સીધો સંબંધ છે. હિંદુ માન્યતા અનુસાર ભગવાન શિવના આંસુઓમાંથી રુદ્રાક્ષની ઉત્પત્તિ થઈ હતી. શ્રાવણ મહિનો ચાલી રહ્યો છે. ભગવાન શિવને રુદ્રાક્ષ અર્પણ કરવાથી પુણ્ય મળે છે. રુદ્રાક્ષ પ્રસાદ તરીકે ધારણ કરવાથી ભગવાન શિવના આશીર્વાદ પ્રાપ્ત થાય છે. ઈચ્છા, કરિઅર અને કારોબાર અનુસાર રુદ્રાક્ષ ધારણ કરવાથી હંમેશા તેની શુભતામાં વૃદ્ધિ થાય છે. 

ડોકટરો માટે શુભ
તમે ડોકટરના પ્રોફેશન સાથે જોડાયેલ છો, તો તેમાં સફળ થવા માટે ત્રિમુખી, 9 મુખી, 10 મુખી રુદ્રાક્ષ ધારણ કરવો જોઈએ. જ્યોતિષ અનુસાર તેને ખૂબ જ શુભ માનવામાં આવે છે. 

બિઝનેસમાં સફળતા માટે
જો તમે બિઝનેસ સાથે જોડાયેલ છો. તમારો બિઝનેસ સારો નથી ચાલી રહ્યો તો તમારે શિવની કૃપા મેળવવા માટે 10 મુખી, 13 મુખી અને 14 મુખી રુદ્રાક્ષ ધારણ કરવો જોઈએ. 

કાયદાકીય કામ માટે
જો તમે નિયમ અને કાયદા સાથે જોડાયેલ છો અને પ્રગતિ માટે એકમુખી રુદ્રાક્ષ ધારણ કરવો જોઈએ. ઉપરાંત પંચમુખી, 13 મુખી રુદ્રાક્ષ પણ લાભકારક સાબિત થશે. 

રાજનીતિમાં સફળતા માટે
તમે પોલિટીક્સમાં આગળ વધવા માંગો છો. તમે તમારી પોસ્ટમાં પ્રમોશન મેળવવા માટે અને નામના મેળવવા માંગો છો, તો એકમુખી, 13 મુખી અને 14 મુખી રુદ્રાક્ષ ધારણ કરી શકો છો. 

એન્જિનિયર માટે
જ્યોતિષ શાસ્ત્ર અનુસાર એન્જિનિયરીંગ સાથે જોડાયેલ લોકોએ 9 મુખી, 12 મુખી રુદ્રાક્ષ ધારણ કરવો જોઈએ. જે ખૂબ જ શુભ માનવામાં આવે છે.