હીટમેન માટે ખુશી / VIDEO : T20 વર્લ્ડ કપનો કેપ્ટન કોણ? રાજકોટમાં જય શાહે કર્યું એલાન, થનગની ઉઠ્યાં ખેલાડીઓ

• બીસીસીઆઈ સેક્રેટરી જય શાહનું સત્તાવાર એલાન 
• T20 વર્લ્ડ કપમાં રોહિત શર્મા જ રહેશે કેપ્ટન 
• રાજકોટમાં જય શાહના એલાનને બધા ખેલાડીઓએ વધાવ્યું 

જુનમાં શરુ થઈ રહેલા  T20 વર્લ્ડ કપમાં ભારતના કેપ્ટનને સત્તાવાર એલાન થઈ ગયું છે. બીસીસીઆઈના સચિવ જય શાહે બુધવારે પુષ્ટિ કરી હતી કે રોહિત શર્મા આગામી ટી20 વર્લ્ડ કપમાં ભારતીય ક્રિકેટ ટીમનું નેતૃત્વ કરશે.

The happiness on Rohit Sharma's face and reaction of Jadeja and Axar when Jay Shah said 'India will lift the T20 World Cup under Rohit'. pic.twitter.com/giH778LA9J

— Mufaddal Vohra (@mufaddal_vohra) February 14, 2024

રાજકોટના ખંઢેરીના સૌરાષ્ટ્ર ક્રિકેટ એસોસિએશન સ્ટેડિયમનું નામ બદલીને નિરંજન શાહ કરવાના પ્રસંગે બોલતાં જય શાહે કહ્યું કે ભલે ભારત વર્લ્ડ કપ 2023ની ફાઇનલમાં ઓસ્ટ્રેલિયા સામે હારી ગયું પરંતુ રોહિતના નેતૃત્વમાં ટી20 વર્લ્ડ કપમાં શાનદાર પ્રદર્શન કરશે. "2023 (ફાઇનલ) માં અમદાવાદ ખાતે, આપણે સતત 10 જીત પછી વર્લ્ડ કપ જીતી શક્યા ન હતા, તેમ છતાં, ટીમ આપણા દિલ જીતી લીધાં. હું તમને વચન આપવા માંગુ છું કે 2024માં (ટી 20 વર્લ્ડ કપ) બાર્બાડોસમાં (વેસ્ટ ઈન્ડીઝમાં ફાઇનલ માટેનું સ્થળ), રોહિત શર્માની કેપ્ટન્સી હેઠળ, હમ ભારત કા ઝંડા ગાડેંગે (તિરંગો ફરકાવીશું). 

VIDEO | Here’s what Asian Cricket Council president and BCCI secretary Jay Shah (@JayShah) said while addressing an event in Rajkot.

“In 2023 (final) at Ahmedabad, even though we did not win the World Cup after 10 straight wins, we won hearts. I want to promise you that in 2024… pic.twitter.com/GcEJjSdiLs

— Press Trust of India (@PTI_News) February 14, 2024

એલાન બાદ રોહિત હસતો રહ્યો 
જય શાહે જ્યારે આ એલાન કર્યું ત્યારે રોહિત હસતો જોવા મળ્યો હતો અને બીજા ખેલાડીઓએ પણ તાળીઓના ગડગડાટથી રોહિતની આગેવાનીમાં ટી 20 વર્લ્ડ કપ રમવાની હામી ભરી દીધી હતી. આ પ્રસંગનો એક વીડિયો સોશિયલ મીડિયામાં વાયરલ થઈ રહ્યો છે. 

આઈપીએલમાં મુંબઈ ઈન્ડીયન્સના કેપ્ટન પદેથી હટાવાયો હતો
ઉલ્લેખનીય છે કે મુંબઈ ઈન્ડીયન્સે રોહિત શર્માને કેપ્ટન પદેથી હટાવીને હાર્દિક પંડ્યાને બનાવ્યો હતો જે પછી ચાહકો ખૂબ નારાજ થયાં હતા અને રોહિતને અન્યાય થયો હોવાનું રટણ કર્યું હતું. પરંતુ હવે લાગે છે કે બીસીસીઆઈએ રોહિતને થયેલો આ અન્યાય દૂર કરી દીધો છે અને તેની પર ભરોસો મૂક્યો છે.