વિશ્વ કપ / વર્લ્ડ કપમાં નવું, ટોસ પછી રોહિત અને બાવુમા બન્નેને પહેલા લેવીતી બેટિંગ, સાંજના સમયે મેદાનથી ઘટનાથી ડર્યાં

• આફ્રિકા મેચમાં ભારતીય કેપ્ટન રોહિત શર્માએ શા માટે પહેલા લીધી બેટિંગ?
• રોહિતે સમજી વિચારીને લીધો નિર્ણય
• સાંજના સમયે મેદાનમાં ઝાકળ પડવાની સંભાવના 
• બોલર્સને કોઈ તકલીફ ન પડે એટલે લીધો નિર્ણય 

ટીમ ઈન્ડિયા વર્લ્ડ કપ 2023ની સેમીફાઈનલમાં પહોંચી ગઈ છે. રોહિત શર્માની આગેવાનીમાં ટીમે અત્યાર સુધી રમાયેલી પોતાની તમામ 7 મેચમાં જીત મેળવી છે. ટીમ 8મી મેચમાં દક્ષિણ આફ્રિકા સામે કોલકાતામાં ઉતરી રહી છે. રોહિતે ટોસ જીતીને બેટિંગ કરવાનો નિર્ણય લીધો હતો. તેનો આ નિર્ણય ખુબ જ અઘરો માનવામાં આવે છે, કારણ કે સાંજે ઝાકળના કારણે સ્પિનરોને બોલિંગ કરતી વખતે મુશ્કેલી પડી શકે છે. ટીમ ઈન્ડિયા 2 સ્પિનર સાથે ઉતરી રહી છે. ઝાકળના કારણે બીજી ઈનિંગમાં બોલિંગ આસાન રહેવાની નથી. ટીમ ઈન્ડિયા આ રણનીતિ હેઠળ પહેલા બેટિંગ કરી રહી છે, જેથી બોલરોને ઝાકળ દરમિયાન બોલ ફેંકવાની તૈયારી કરી શકાય. ટોસ જીત્યા બાદ રોહિત શર્માએ કહ્યું કે, પિચ સારી લાગી રહી છે. પરંતુ મેચથી વધુ અમે ટીમને અને પોતાને પડકાર આપવા વિશે વધુ વિચારી રહ્યા છીએ. 2 ટોચની ટીમો વચ્ચે સારી સ્પર્ધા થશે. સાઉથ આફ્રિકાના કેપ્ટન ટેમ્બા બાવુમાએ કહ્યું કે, અમે પણ પહેલા બેટિંગ કરવા માંગતા હતા, કારણ કે ચેઝ કરતી વખતે અમારો રેકોર્ડ ખાસ નથી. 

ઈન્ડીયા પહેલા બેટિંગ કરે તેવી રવિ શાસ્ત્રીની પણ ઈચ્છા 
ટીમ ઈન્ડિયાના પૂર્વ કોચ રવિ શાસ્ત્રીએ કહ્યું કે, ટીમ ઈન્ડિયાએ અત્યાર સુધીની મોટાભાગની મેચો ચેઝ કરીને જીતી છે. આવી સ્થિતિમાં સેમિ ફાઈનલ અગાઉ ટીમે તેનાથી વિપરીત નિર્ણય લેવો જોઈએ. એટલે કે તેઓ પણ ઈચ્છતા હતા કે ટીમ ટોસ જીતીને પહેલા બેટિંગ કરે. 

ક્યાં રમાશે વર્લ્ડ કપની સેમી ફાઈનલ 
વર્લ્ડ કપની સેમીફાઈનલની વાત કરીએ તો મેચ મુંબઈ અને કોલકત્તામાં યોજાવાની છે. 

વર્લ્ડ કપની બે મજબૂત ટીમ વચ્ચે મુકાબલો
હાલના વર્લ્ડ કપમાં સાઉથ આફ્રિકાઅને ભારત બે મજબૂત ટીમો છે. ભારત અત્યાર સુધીની તેની તમામ મેચ જીતી છે. ભારતની 7માંથી 7 જીત થઈ છે આફ્રિકા સામે જીતે તો આઠ થાય.