એશિયા કપ / શ્રીલંકા સામે કેપ્ટન રોહિત શર્માએ રચ્યો ઈતિહાસ, વનડે ક્રિકેટમાં મેળવી આ ઐતિહાસિક ઉપલબ્ધિ

Fastest to reach 10,000 ODI runs:

Virat Kohli - 205 innings.
Rohit Sharma - 241 innings.
Sachin Tendulkar - 259 innings.

- The three pillars of Indian cricket at the top order...!!! pic.twitter.com/65V7vFrn5Y

— Mufaddal Vohra (@mufaddal_vohra) September 12, 2023

• ટીમ ઈન્ડીયાના કેપ્ટન રોહિત શર્માની મોટી ઉપલબ્ધિ
• વનડે ક્રિકેટમાં પૂરા કર્યાં 10,000 રન
• વનડેમાં દસ હજાર રન પૂરા કરનાર છઠ્ઠો ભારતીય બેટર

શ્રીલંકાના કોલંબોના આર કે પ્રેમદાસા સ્ટેડિયમમાં રમાઈ રહેલી શ્રીલંકા સામેની એશિયા કપની મેચમાં ભારતીય કેપ્ટન રોહિત શર્માએ મોટી ઉપલબ્ધિ મેળવી છે. રોહિત શર્માએ વનડે ઈન્ટરનેશનલમાં તેના 10,000 રન પૂરા કર્યાં છે. રોહિત વનડે ઈન્ટરનેશનલમાં દસ હજાર રન પૂરા કરનાર છઠ્ઠો ભારતીય બેટર છે. રોહિતે કાસુન રાજિથાની બોલ પર સિક્સ ફટકારીને આ ઉપલબ્ધિ હાંસલ કરી. રોહિતે 241 ઈનિંગમાં 10,000 રન પૂરા કર્યાં છે. સૌથી ઝડપી 10,000 રન પુરા કરવાના મામલે રોહિત કોહલી પછી બીજા નંબરે આવે છે. કોહલીએ 205 ઈનિંગમાં 10 હજાર રન પૂરા કર્યાં છે. આ લિસ્ટમાં સચિન તેંડુલકર ત્રીજા નંબરે છે સચિન 259 ઈનિંગમાં 10,000 રન પૂરા કર્યાં હતા. 

🚨 Milestone 🔓

1⃣0⃣0⃣0⃣0⃣ ODI runs & counting 🙌 🙌

Congratulations to #TeamIndia captain Rohit Sharma 👏 👏

Follow the match ▶️ https://t.co/P0ylBAiETu #AsiaCup2023 | #INDvSL pic.twitter.com/STcUx2sKBV

— BCCI (@BCCI) September 12, 2023

વનડેમાં 10 હજાર રન બનાવનાર ભારતીય બેટર 
18426- સચિન તેંડુલકર
13024- વિરાટ કોહલી
11363- સૌરવ ગાંગુલી
10889- રાહુલ દ્રવિડ
10773- મહેન્દ્ર સિંહ ધોની
10000- રોહિત શર્મા

લંકા જીતશે તો ભારત પહોંચી જશે એશિયા કપની ફાઈનલમાં 
એશિયા કપમાં શ્રીલંકા સામે ભારતીય ટીમ પ્રથમ બેટિંગ કરી રહી છે. ભારતીય ટીમના પ્લેઇંગ-11માં શાર્દુલ ઠાકુરની જગ્યાએ અક્ષર પટેલને તક મળી છે. જો રોહિત શર્માની આગેવાની હેઠળની ટીમ ઈન્ડિયા આ મેચ જીતશે તો તે ફાઈનલમાં પહોંચી જશે. ગઈ કાલે ભારતે પાકિસ્તાન સામે 228 રને જીત મેળવી હતી. આવી સ્થિતિમાં તેનું મનોબળ ઘણું ઉંચુ છે. ભારતીય ટીમના કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય લીધો છે. શાર્દુલ ઠાકુરની જગ્યાએ ભારતના પ્લેઈંગ-11માં અક્ષર પટેલનો સમાવેશ કરવામાં આવ્યો છે. એટલે કે ભારત આ મેચમાં ત્રણ સ્પિન બોલર કુલદીપ યાદવ, રવિન્દ્ર જાડેજા અને અક્ષર પટેલ સાથે ઉતરી રહ્યું છે. બીસીસીઆઈએ કહ્યું કે શ્રેયર અય્યરની તબિયત સારી છે પરંતુ હજુ સુધી તે પીઠની ઈજામાંથી સંપૂર્ણપણે સારો થયો નથી. બીસીસીઆઈ મેડિકલ ટીમ દ્વારા તેને આરામની સલાહ અપાઈ છે અને તે આજે શ્રીલંકા સામેની ભારતની સુપર-4 મેચમાં સ્ટેડિયમમાં હાજર નહીં રહે. 

From the 3rd slowest Indian to complete 2000 runs to the 2nd quickest Indian to complete 10k ODI runs, Rohit Sharma has come a long way. pic.twitter.com/K62PIIPRT9

— R A T N I S H (@LoyalSachinFan) September 12, 2023

ભારત વિરુદ્ધ શ્રીલંકાનો આવો રેકોર્ડ 
ભારત અને શ્રીલંકા વચ્ચે કુલ 165 વન-ડે ઈન્ટરનેશનલ મેચ રમાઈ છે. જેમાંથી ભારતે 96માં જીત મેળવી હતી જ્યારે શ્રીલંકાએ 57માં જીત મેળવી હતી. 11 મેચમાં કોઈ પરિણામ આવ્યું ન હતું અને એક મેચ ટાઈમાં સમાપ્ત થઈ હતી. એશિયા કપના ODI ફોર્મેટમાં બંને ટીમો વચ્ચે લગભગ સમાન સ્પર્ધા રહી છે. એશિયા કપના ODI ફોર્મેટમાં બંને ટીમો વચ્ચે 19 મેચ રમાઈ છે, જેમાંથી ભારતે 9 મેચ જીતી છે, જ્યારે શ્રીલંકાએ 10 મેચ જીતી છે.

ભારતની પ્લેઈંગ ઈલેવન: 
રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ (વિકેટકીપર), ઈશાન કિશન, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, જસપ્રિત બુમરાહ, મોહમ્મદ સિરાજ