- કેન્દ્રીય માર્ગ પરિવહન મંત્રાલયે નેવિગેશન એપ લોન્ચ કર્યું
- સફર પહેલા ડ્રાઈવર્સને રસ્તાના ખાડાની માહિતી મળશે
- માર્ગ અકસ્માત ઘટાડવા મંત્રાલયની નવી પહેલ
ભારતમાં દર વર્ષે માર્ગ અકસ્માતમાં હજારોની સંખ્યામાં લોકોનો ભોગ લેવાય છે. ઉબડખાબડ રસ્તા અને ખાડા માર્ગ અકસ્માતનું એક મુખ્ય કારણ છે. માર્ગ અકસ્માતમાં મોતનું પ્રમાણ ઘટાડવા માટે કેન્દ્ર સરકાર એક નેવિગેશન એપ લોન્ચ કર્યું છે. આ નેવિગેશન એપ દ્વારા સફર પહેલા ડ્રાઈવરને રસ્તાની માહિતીનું એલર્ટ મળી જશે અને આ રીતે ડ્રાઈવર સચેત બની જશે કે ક્યાં આગળ રસ્તો ખરાબ કે કે કયાં આગળ રસ્તા પર ખાડા છે. જો સફર પહેલા રસ્તા પરની માહિતી મળી જાય તો તેનાથી વાહન ચાલકો કે ડ્રાઈવરને ઘણી રાહત થઈ જાય છે અને તે અજાણ્યા રસ્તાથી પણ સારી રીતે વાકેફ થઈ જાય છે પરિણામે અકસ્માતમાં ઘટાડો થાય છે. કેન્દ્રનું આ પગલું અકસ્માત ઘટાડવામાં યોગદાન આપશે.
ભારતમાં ડ્રાઇવરોને માર્ગ સલામતી ચેતવણી આપવા નેવિગેશન એપ લોન્ચ કરાઈ
કેન્દ્રીય માર્ગ પરિવહન અને રાજમાર્ગ મંત્રાલયે આઈઆઈટી મદ્રાસ અને ડિજિટલ ટેક કંપની મેપ માય ઇન્ડિયા સાથે મળીને એક કરાર કર્યો છે. આ કરાર હેઠળ ભારતમાં ડ્રાઇવરોને માર્ગ સલામતી ચેતવણી પૂરી પાડવાની તકનીક બનાવાઈ રહી છે અને એક સંયુક્ત ફ્રી ટુ યુઝ નેવિગેશન એપ્લિકેશન શરૂ કરી છે જે રોડ પરના ખાડા કે ખરાબ રસ્તાની જાણકારી ડ્રાઈવરને આપશે.
નેવિગેશન એપ ડ્રાઇવરને કઈ-કઈ બાબતોથી વાકેફ કરશે
મેપ માય ઇન્ડિયા એપ્લિકેશન ડ્રાઇવરને રસ્તા પરના ખાડા, ઉબડખાબડ રસ્તા, સ્પીડ બ્રેકર્સ, બ્લાઇન્ડ ટર્ન અને ખરાબ માર્ગ પરના અન્ય જોખમો વિશે ઓડિયો અને વિઝ્યુઅલ માહિતી પ્રદાન કરશે.
લોકો આ રીતે લઈ શકે છે લાભ
લોકો આ નેવિગેશન એપ સર્વિસનો લાભ મેપ પર લઈ શકે છે, લોકો આ એપના માધ્યમ દ્વારા બિનસલામત એરિયા, રોડ અને ટ્રાફિક સમસ્યાઓ સહિતની વિગતો તંત્રને આપી શકે છે.
મોતની સંખ્યા ઘટાડવા આ પગલું ભરાયું
માર્ગ અકસ્માતમાં મોતનું પ્રમાણ ઘટાડવા માટે કેન્દ્ર સરકારે આ પગલું ભર્યુ છે. મૂવ નામની નેવિગેશન સર્વિસ એપ્લિકેશન મેપમાયઇન્ડિયા દ્વારા ડેવલપ કરવામાં આવી છે જેણે સરકારની સ્વનિર્ભર એપ્લિકેશન ઇનોવેશન ચેલેન્જ 2020 જીતી છે. આ સેવાનો ઉપયોગ નાગરિકો અને અધિકારીઓ દ્વારા અકસ્માતની માહિતી, ખતરનાક સ્થળો અને રસ્તાઓ તેમજ ટ્રાફિકસમસ્યાઓ વિશે માહિતી પ્રદાન કરવા માટે પણ કરી શકાય છે જેથી બાકીના વપરાશકર્તાઓને સુવિધા આપી શકાય. એપ્લિકેશન માંથી પ્રાપ્ત ડેટા મદ્રાસ દ્વારા આઇઆઇટીનું વિશ્લેષણ કરવામાં આવશે અને મેપમાયઇન્ડિયા ભવિષ્યમાં ખરાબ રસ્તાઓને રિપેર કરવા માટે સરકારને જાણ કરવા માટે આ ડેટાનો ઉપયોગ કરશે.
IIT મદ્રાસના સંશોધકોએ બનાવી એપ
ગયા મહિને રોડ મંત્રાલયે IIT મદ્રાસના સંશોધકો દ્વારા તૈયાર કરાયેલા માર્ગ સલામતી મોડલના ડેટાનો ઉપયોગ કરવાનું શરૂ કર્યું હતું, જે વર્લ્ડ બેંકના ભંડોળની મદદથી વિકસાવવામાં આવ્યું છે. આઇઆઇટી દ્વારા બનાવવામાં આવેલા 32થી વધુ રાજ્યો અને કેન્દ્રશાસિત પ્રદેશોમાં માર્ગ સલામતી અને કટોકટીની પ્રતિક્રિયામાં સુધારો કરવા માટે સંકલિત માર્ગ અકસ્માત ડેટાબેઝ મોડેલનો ઉપયોગ કરવામાં આવશે. આઈઆઈએટીમે ૨૦૩૦ સુધીમાં માર્ગ અકસ્માતોમાં મૃત્યુઆંક ૫૦ ટકા ઘટાડવા માટે ઘણા રાજ્યો સાથે કરાર કર્યા છે.
