7 ફોટો ગેલેરી

RO vs Water Purifier / RO અને Waterને એક સમજવાની ભૂલ ન કરો, જાણો RO, UV અને UF કેવી રીતે કામ કરે છે અને તમારા ઘરના પાણી માટે કયું પ્યુરીફાયર યોગ્ય?

Last Updated: 08:24 AM, 27 September 2026

FOLLOW ON

શેર કરો

મોટાભાગના લોકો RO અને વોટર પ્યુરિફાયરને એક જ માને છે, પરંતુ વાસ્તવમાં RO એ પ્યુરિફિકેશનની એક તકનીક છે અને વોટર પ્યુરિફાયર મશીનનું સામાન્ય નામ છે.

1/7

1. RO અને Waterને એક સમજવાની ભૂલ ન કરો, જાણો RO, UV અને UF કેવી રીતે કામ કરે છે અને તમારા ઘરના પાણી માટે કયું પ્યુરીફાયર યોગ્ય?

ઘરમાં પીવાના પાણીને શુદ્ધ અને સ્વચ્છ રાખવા માટે આજકાલ મોટાભાગના ઘરોમાં વોટર પ્યુરિફાયર લગાવવામાં આવે છે. પરંતુ જ્યારે પણ આપણે નવું પ્યુરિફાયર ખરીદવા જઈએ છીએ ત્યારે RO, UV, અને UF જેવા અનેક ટેકનિકલ નામો સાંભળવા મળે છે. સામાન્ય રીતે લોકો RO અને વોટર પ્યુરિફાયરને એક જ સમજી લેવાની ભૂલ કરે છે. આ બંને વચ્ચેનો તફાવત સમજવો ખૂબ જ જરૂરી છે જેથી ઘરમાં પાણીની ગુણવત્તા મુજબ સાચું પ્યુરિફાયર પસંદ કરી શકાય.

આ તસવીર શેર કરો

2/7

2. આ તફાવતને એક સરળ ઉદાહરણથી સમજી શકાય

'કાર' એ એક વાહન (Vehicle) છે, પરંતુ દરેક વાહન કાર હોતું નથી. બસ તેવી જ રીતે RO એ પાણી શુદ્ધ કરવાની એક ટેકનોલોજી છે, જ્યારે વોટર પ્યુરિફાયર એ પાણી સાફ કરનારા મશીનનું સામાન્ય નામ છે.

આ તસવીર શેર કરો

3/7

3. RO (Reverse Osmosis) શું કામ કરે છે?

RO નું પૂરું નામ રિવર્સ ઓસ્મોસિસ (Reverse Osmosis) છે. આ ટેકનોલોજીમાં પાણીને ખૂબ જ બારીક મેમ્બ્રેન (ઝીણી જાળી) માંથી પસાર કરવામાં આવે છે, જે પાણીમાં ઓગળેલા ક્ષાર અને કેમિકલ્સને દૂર કરે છે. જો તમારા ઘરમાં બોરવેલ કે ખૂબ જ હાર્ડ વોટર (કઠણ પાણી) આવતું હોય અને તેમાં TDS (Total Dissolved Solids) નું પ્રમાણ વધુ હોય, તો જ RO ની જરૂર પડે છે.

આ તસવીર શેર કરો

4/7

4. RO ની મર્યાદા

RO ની પ્રક્રિયામાં પાણી શુદ્ધ કરતી વખતે ઘણું પાણી વેસ્ટ (Reject Water) થાય છે. તેથી પાણીના વ્યયને ધ્યાનમાં રાખીને તેનો ઉપયોગ કરવો જોઈએ.

આ તસવીર શેર કરો

5/7

5. UV અને UF ટેકનોલોજી શું છે?

યુવી પ્યુરિફાયરમાં અલ્ટ્રાવાયોલેટ લાઈટનો ઉપયોગ થાય છે. તે પાણીમાં રહેલા હાનિકારક વાયરસ, બેક્ટેરિયા અને સૂક્ષ્મ જીવાણુઓને નિષ્ક્રિય કરીને નાશ કરે છે. યુએફ પ્યુરિફાયરમાં પણ બારીક ફાઈબર મેમ્બ્રેન હોય છે, જે પાણીમાંથી ઝીણા કચરા અને અશુદ્ધિઓને રોકે છે. તેને ચલાવવા માટે વીજળીની જરૂર પડતી નથી. જોકે, UF કે UV પાણીમાં ઓગળેલા ક્ષાર કે TDS ને ઘટાડી શકતા નથી.

આ તસવીર શેર કરો

6/7

6. શું દરેક ઘરમાં RO લગાવવું જરૂરી છે?

માત્ર આસપાસના લોકો RO વાપરે છે એટલે આપણે પણ RO ખરીદવું જોઈએ તે ધારણા ખોટી છે. સૌપ્રથમ તમારા ઘરમાં આવતા પાણીની ગુણવત્તા અને તેનો TDS ચેક કરાવવો જોઈએ. જો પાણીમાં TDS નું પ્રમાણ મધ્યમ કે ઓછું હોય, તો માત્ર UV કે UF ટેકનોલોજી ધરાવતું પ્યુરિફાયર પણ પૂરતું છે.

આ તસવીર શેર કરો

7/7

7. પ્યુરિફાયર ખરીદતી વખતે આ બાબતોનું ધ્યાન રાખો

તમારા ઘરમાં આવતા પાણીનું TDS લેવલ માપો. જો TDS 300 ppm થી વધુ હોય તો જ RO પ્યુરિફાયર પસંદ કરો. ઓછા TDS વાળા પાણી માટે UV + UF કોમ્બિનેશન પ્યુરિફાયર ઉત્તમ છે. વધુ ફિચર્સ કે ફિલ્ટર્સ જોઈને મશીન ખરીદવા કરતાં તમારા ઘરના પાણીની જરૂરિયાત મુજબ યોગ્ય ટેકનોલોજી પસંદ કરો.

આ તસવીર શેર કરો

સંકળાયેલા મુદ્દાઓ

ROvUV Water Purifier WaterPurifier