ચિંતાજનક / સૌથી પહેલી કોરોનાની રસી બનાવનાર દેશમાં કોરોનાએ ફેલાવ્યો આતંક, 24 કલાકમાં 40, 933 નવા કેસ, તો 1158 ના મોત

• 24 કલાકમાં રશિયમાં 40,933 નવા કેસ 
• એક દિવસમાં 1 હજાર 158 દર્દીઓએ શ્વાસ છોડ્યો 
• મોસ્કોએ બિન જરુરી સેવાઓ પર 11 દિવસ પર પ્રતિબંધ લગાવ્યો હતો

24 કલાકમાં રશિયમાં 40,933 નવા કેસ 

રશિયામાં ગત 24 કલાકમાં રશિયમાં 40,933 નવા કેસ સામે આવ્યા છે. આ ગત વર્ષની મહામારીની શરુઆતથી લઈને અત્યાર સુધીનો સૌથી મોટો આંકડો છે. દેશમાં કોરોનાના ટાસ્ક ફોર્સ મુજબ ગત એક દિવસમાં 1 હજાર 158 દર્દીઓએ શ્વાસ છોડ્યો છે. આ દરમિયાન દેશમાં કોરોનાના 40 હજાર 993 નવા મામલા નોંધ્યા છે.  રશિયામાં કુલ મરનારાની સંખ્યા વધીને 238, 538 થઈ ગઈ છે. જે યુરોપમાં અત્યાર સુધીમાં સૌથી વધારે છે.

મોસ્કોએ બિન જરુરી સેવાઓ પર 11 દિવસ પર પ્રતિબંધ લગાવ્યો હતો

ગત ગુરુવારે જ મોસ્કોએ બિન જરુરી સેવાઓ પર 11 દિવસ પર પ્રતિબંધ લગાવ્યો હતો. સમગ્ર યુરોપમાં રશિયા જ કોરોનાથી સૌથી ખરાબ રીતે અસરગ્રસ્ત હતું. 14.6 કરોડની વસ્તી વાળા દેશમાં અત્યાર સુધીમાં સંક્રમણના 85.1 લાખથી વધારે મામલા સામે આવ્યા છે. કાર્ય બળ ફક્ત કોરોના વાયરસથી સીધા થનારા મોતની ગણતરી કરે છે. જ્યારે રાજ્ય સાંખ્યિકીય સેવા રિયોસ્ટેટ ( State Statistical Service Rheostat)કોરોનાના મોતની પણ ગણતરી વ્યાપક માપદંડોના અંતર્ગત કરે છે. આ આંકડા ખૂબ મોટી સંખ્યા દર્શાવે છે.

અધિકારીઓએ રશિયામાં રસીકરણની ધીમી સ્પીડને જવાબદાર ગણાવી

સરકારનું માનવું છે કે લોકોને ઓફિસ, સ્કૂલ અને ભીડભાડ વાળા  વિસ્તારોથી દૂર રાખવાથી વાયરસના ફેલાતો અટકાવવામાં મદદ મળશે. પરંતુ અનેક રશિયન સમુદ્રના કિનારે રજા માણવા માટે નિકળી પડ્યા છે.  જેનાથી સ્થિતિ વધારે ખરાબ થઈ રહી છે. અધિકારીઓએ રશિયામાં રસીકરણની ધીમી સ્પીડને સંક્રમણ અને મોતને જવાબદાર ગણાવી છે.

રાષ્ટ્રપતિએ સંક્રમણને રોકવા માટે ઉઠાવ્યા આ પગલા

રિયોસ્ટૈટના અનુસાર સપ્ટેમ્બર સુધી રશિયામાં 461,000 લોકોના મોત કોરોનાથી થયા છે. જે કાર્યબળના આંકાડાથી લગભગ 2 ગણા છે. સંક્રમણના પ્રસારને રોકવા માટે રશિયાના રાષ્ટ્રપતિ વ્લાદિમીર પુતિને 30 ઓક્ટોબરથી 7 નવેમ્બરની વચ્ચે Non Working Hoursના આદેશ આપ્યા. જે દરમિયાન મોટાભાગની સરકારી એજન્સી અને ખાનગી વ્યવસાય બંધ છે.