ઉત્તરકાશી / ક્યારે દેખાશે આશાની કિરણ! ઉત્તરકાશી ટનલ દુર્ઘટનામાં ફરી આવ્યા દુ:ખદ સમાચાર, મશીન તૂટી, હવે આ રીતે કરવું પડશે રેસ્ક્યૂ

• ટનલમાં ફસાયેલા 41 મજૂરોને બચાવવાના પ્રયાસો ચાલુ
• મજૂરોને બચાવવાના પ્રયાસોમાં દરરોજ નવા અવરોધો ઉભા થયા
• અમેરિકન ઓગર મશીન કામદારોથી માત્ર 10 મીટર દૂર તૂટી ગયું 
• કામદારોને બહાર કાઢવા માટે અન્ય વિકલ્પોની મદદ લેવામાં આવશે

ઉત્તરકાશીની સિલ્ક્યારા ટનલમાં ફસાયેલા 41 મજૂરોને બચાવવાના પ્રયાસોમાં દરરોજ નવા અવરોધો ઉભા થઈ રહ્યા છે. અમેરિકન ઓગર મશીન કામદારોથી માત્ર 10 મીટર દૂર તૂટી ગયું હતું, જેના કારણે શુક્રવારથી બચાવ કાર્ય રોકી દેવામાં આવ્યું છે. ઇન્ટરનેશનલ ટનલિંગ એક્સપર્ટે કહ્યું છે કે હવે ઓગરથી ડ્રિલિંગ કરવામાં આવશે નહીં અને અન્ય કોઇ મશીન મંગાવવામાં આવશે નહીં. કામદારોને બહાર કાઢવા માટે અન્ય વિકલ્પોની મદદ લેવામાં આવશે. પ્લાન B હેઠળ, ટનલ ઉપરથી ઊભી ડ્રિલિંગ માટે તૈયારીઓ કરવામાં આવી રહી છે. કામદારો સુધી પહોંચવા માટે લગભગ 86 મીટર ખોદકામ કરવું પડશે. ઉત્તરાખંડના સીએમ પુષ્કર સિંહ ધામીએ કહ્યું કે, ઓગર મશીનના બ્લેડ કાપવા માટે હૈદરાબાદથી પ્લાઝમા કટર મંગાવવામાં આવ્યા છે. એગર મશીનમાંથી તૂટેલા ભાગને દૂર કર્યા પછી મેન્યુઅલ ડ્રિલિંગ શરૂ થશે. જો કે તેમાં કેટલો સમય લાગશે તે અંગે કંઈ કહી શકાય તેમ નથી.

Silkyara tunnel rescue operation: NDMA says 47-meter drilling done so far, efforts on to retrieve broken part of auger machine

— Press Trust of India (@PTI_News) November 25, 2023

હવે જાણો કેમ આડું ડ્રિલિંગ બંધ થયું

21 નવેમ્બરથી સિલ્ક્યારા બાજુથી ટનલમાં આડું ડ્રિલિંગ કરવામાં આવી રહ્યું હતું. તે તદ્દન સફળ રહ્યું. 60 મીટરના ભાગમાંથી 47 મીટર પાઇપ ડ્રિલિંગ દ્વારા નાખવામાં આવી છે. કામદારો માટે લગભગ 10-12 મીટરનું અંતર બાકી હતું, પરંતુ શુક્રવારે સાંજે ડ્રિલિંગ મશીનની આગળ સળિયા આવતાં ડ્રિલિંગ મશીનની શાફ્ટ ફસાઈ ગઈ હતી. જ્યારે મશીનમાંથી વધુ દબાણ કરવામાં આવ્યું ત્યારે તે તૂટી ગયું. તેનો કેટલોક ભાગ તોડીને દૂર કરવામાં આવ્યો હતો, પરંતુ હજુ પણ મોટો ભાગ ત્યાં જ અટવાયેલો છે. તેને મેન્યુઅલ ડ્રિલિંગ દ્વારા બહાર કાઢવામાં આવશે, ત્યારબાદ વધુ ખોદકામ કરવામાં આવશે.  ફક્ત એક જ વ્યક્તિ જઈને પાઇપમાં ખોદકામ કરી શકે છે. તેથી, આ કરવામાં ઘણો સમય લાગી શકે છે.

VIDEO | Uttarkashi tunnel rescue UPDATE: "We are all set to send this device (telephone) into the tunnel through the pipe, enabling workers to make and receive calls to both the administration and their families," says Rakesh Choudhary, DGM, BSNL.

(Full video available on PTI… pic.twitter.com/OScPCfYccq

— Press Trust of India (@PTI_News) November 25, 2023

હવે પ્લાન B : વર્ટિકલ ડ્રિલિંગ પરંતુ તે અત્યંત જોખમી છે

સિલ્કિયારા બાજુથી ડ્રિલિંગ હાલમાં અટકાવવામાં આવ્યું છે, જેના કારણે પ્લાન બી પર કામ ચાલી રહ્યું છે. જેમાં ટેકરીની ટોચ પરથી ઊભી રીતે ખોદકામ કરવામાં આવશે. હિલટોપ સાઇટ પર મટિરિયલ્સ એકત્ર કરવામાં આવી રહ્યા છે અને પ્લેટફોર્મ તૈયાર કરવામાં આવી રહ્યું છે જેના પર મશીન મૂકીને ડ્રિલિંગ કરવામાં આવશે. આ વર્ટિકલ ડ્રિલિંગની શાફ્ટ છે, જેને પહાડીની ટોચ પર લઈ જવામાં આવી રહી છે. આ કાર્ય સતલુજ વિદ્યુત નિગમ લિમિટેડ (SVNL) દ્વારા કરવામાં આવશે. જો કે, આમાં ઘણું જોખમ હોવાનું કહેવાય છે કારણ કે નીચેની ટનલમાં કામદારો છે. નીચે જવા માટે ઉપરથી મોટો ખાડો બનાવવામાં આવશે, તેમાં ઘણો કાટમાળ પડવાની સંભાવના છે. આમાં કેટલો સમય લાગશે તે નિશ્ચિત નથી.

STORY | Auger machine blades stuck inside tunnel debris, plasma cutter needed

READ: https://t.co/NjgXpasnmv#UttarakhandTunnelRescue #SilkyaraTunnelRescue pic.twitter.com/C91dwnus14

— Press Trust of India (@PTI_News) November 25, 2023