રિપોર્ટ / આઈપીએલ ફ્રેન્ચાઈઝી તરફથી છ ખેલાડીઓને 50 કરોડની ઓફર, શરત બદ એટલી કે આંતરરાષ્ટ્રીય ક્રિકેટ છોડીને ટી20 લીગ રમવાની

• અંગ્રેજી ખેલાડીઓને આંતરરાષ્ટ્રીય ક્રિકેટ છોડી દેવા ઓફર કરવામાં આવી
• ખેલાડીઓએ આખા વર્ષ દરમિયાન અલગ-અલગ T20 લીગમાં રમવાનું રહેશે
• IPL ફ્રેન્ચાઈઝી પ્રત્યેની જવાબદારી આંતરરાષ્ટ્રીય ક્રિકેટથી અલગ થઈ જશે.

IPLમાં ટોચની ટીમોના માલિકોએ છ અંગ્રેજી ખેલાડીઓને આંતરરાષ્ટ્રીય ક્રિકેટ છોડી દેવા અને એક વર્ષ માટે T20 લીગ રમવા માટે 50 કરોડ રૂપિયા સુધીની ઓફર કરવામાં આવી છે. એક રિપોર્ટમાં આ વાત સામે આવી છે. આ સાથે એમ પણ ખુલાસો થયો છે કે ઘણી ફ્રેન્ચાઇઝી ખેલાડીઓને વર્ષ-લાંબા કરાર પર સાઇન કરવાનો પ્રયાસ કરી રહી છે અને આ કરાર હેઠળ ખેલાડીઓએ આખા વર્ષ દરમિયાન અલગ-અલગ T20 લીગમાં રમવાનું રહેશે. આઈપીએલ ઉપરાંત વેસ્ટ ઈન્ડિઝની સીપીએલ, સાઉથ આફ્રિકા ટી20 લીગ, યુએઈની ગ્લોબલ ટી20 લીગ અને અમેરિકામાં યોજાનારી ટી20 લીગનો પણ સમાવેશ થાય છે. આઈપીએલની 10 ફ્રેન્ચાઈઝીમાંથી ઘણી બધી લીગની ટીમો છે. જો કે રિપોર્ટમાં એ ખુલાસો નથી થયો કે તેમાં કઈ ફ્રેન્ચાઇઝીની કઈ ટીમનો સમાવેશ થયો છે. 

જો તે આમ કરશે તો તેની IPL ફ્રેન્ચાઈઝી પ્રત્યેની જવાબદારી આંતરરાષ્ટ્રીય ક્રિકેટથી અલગ થઈ જશે. આ ખેલાડીને પોતાના દેશ માટે આંતરરાષ્ટ્રીય મેચ રમવા માટે ફ્રેન્ચાઇઝી પાસેથી પરવાનગી લેવી પડશે. અત્યારે ફૂટબોલમાં આવું જ થઈ રહ્યું છે. ક્રિકેટમાં દરેક દેશના ખેલાડીઓ તેમના દેશના ક્રિકેટ બોર્ડ અનુસાર રમે છે અને T20 લીગમાં ભાગ લેવા માટે બોર્ડની પરવાનગી લે છે.

T20 ક્રિકેટની લોકપ્રિયતા ઘણી વધારે છે ICC એક વર્ષમાં એક ખેલાડી કેટલી T20 લીગમાં ભાગ લઈ શકે તે અંગેનો નિયમ ઘડવાનું વિચારી રહી છે પણ હાલમાં એવો કોઈ નિયમ નથી. જો કે એવી દરેક સંભાવના છે કે ઘણા યુવા ખેલાડીઓ આંતરરાષ્ટ્રીય ક્રિકેટમાંથી સમય પહેલા નિવૃત્તિ લઈ શકે છે અને પૈસા કમાવવા માટે T20 લીગ રમી શકે છે. હાલમાં ન્યુઝીલેન્ડના ટ્રેન્ટ બોલ્ટ અને ગુપ્ટિલ જેવા ખેલાડીઓએ ટી20 લીગમાં રમવા માટે તેમના ક્રિકેટ બોર્ડના કેન્દ્રીય કરારો છોડી દીધા છે. 

રિપોર્ટમાં એમ પણ કહેવામાં આવ્યું છે કે આ મામલે ઘણા ઓસ્ટ્રેલિયન ખેલાડીઓનો સંપર્ક કરવામાં આવ્યો છે. હવે આ મામલે ઈંગ્લેન્ડના ખેલાડીઓની વાત થઈ છે. ખેલાડીઓને એક વર્ષના કરાર માટે રૂ. 20-50 કરોડની ઓફર કરવામાં આવી છે, જે ઇંગ્લેન્ડ ક્રિકેટ બોર્ડ તરફથી કેન્દ્રીય કરાર મેળવતા ટોચના ખેલાડીઓ કરતાં પાંચ ગણી વધારે છે. એવામાં ખેલાડીઓ તેમના દેશના ક્રિકેટ બોર્ડ અને IPL ફ્રેન્ચાઇઝી સાથે આંશિક કરાર કરી શકે છે. આ સ્થિતિમાં ખેલાડીઓ ટી20 લીગ માટે નિશ્ચિત સમયે અને બાકીના સમયમાં દેશ માટે રમશે. ખાસ કરીને ટી-20 ક્રિકેટ રમતા ખેલાડીઓ આવા કોન્ટ્રાક્ટ સ્વીકારે તેવી શક્યતા વધુ હોય છે.