નામકરણ વિવાદ / મોટેરા સ્ટેડિયમનું નામ સરદાર પટેલ હટાવી નરેન્દ્ર મોદી કરાતા હાર્દિક પટેલનું આવ્યું મોટું નિવેદન

• હાર્દિક પટેલે મોટેરા ક્રિકેટ સ્ટેડિયમના નવા નામકરણની ટીકા કરી 
• મોટેરા સ્ટેડિયમનું નામ નરેન્દ્ર મોદીને નામે કરવાથી સરદાર પટેલનું અપમાન થયું- હાર્દિક પટેલ
• ભાજપ આરએસએસ પર સરદારના એક્શનને ભૂલી શકી નથી

હાર્દિક પટેલે કહ્યું કે આ બધુ આરએસએસની પટેલ સામેના જુના વેરનું પરિણામ છે. મોટેરાના આ સ્ટેડિયમને સરદાર પટેલ સ્ટેડિયમ નામથી ઓળખવામાં આવે છે. હાર્દિકે કહ્યું કે ભાજપ ઉપર ઉપરથી તો સરદાર પટેલના નામથી માળા જપે છે પરંતુ આરએસએસ પર સરદારના એક્શનને ભૂલી શકી નથી. 

ગુજરાતની જનતા સરદાર પટેલનું અપમાન સહન નહીં કરે- હાર્દિક પટેલ

હાર્દિકે ટ્વિટ કરીને જણાવ્યું કે દુનિયાના સૌથી મોટા અમદાવદમાં આવેલા સરદાર પટેલ ક્રિકેટ સ્ટેડિયમનું નામ બદલીને નરેન્દ્ર મોદી ક્રિકેટ સ્ટેડિયમ કરી દેવાયું છે. શું આ સરદાર પટેલનું અપમાન નથી ? સરદાર પટેલને નામે મત માગનારી ભાજપ હવે સરદાર સાહેબનું અપમાન કરી રહી છે. ગુજરાતની જનતા સરદાર પટેલનું અપમાન સહન નહીં કરે. 

હાર્દિકે ટ્વિટ કરીને જણાવ્યું કે ભારતરત્ન લોહ પુરુષ સરદાર પટેલે આરએસએસ પર પ્રતિબંધ લગાવ્યો હતો અને તેને કારણે આરએસએસના ચેલા સરદાર પટેલનું નામોનિશાન મીટાવવાનો હર સંભવ પ્રયાસ કરી રહ્યાં છે. બહારથી મિત્રતા પર અંદરથી વેરભાવના.એક વાત યાદ રાખજો કે સરદાર પટેલનું અપમાન હિંદુસ્તાન સહન નહીં કરે.