ક્રિકેટ / રોહિત શર્માથી અહીં થઈ ચૂક...: વર્લ્ડકપ ફાઇનલમાં ભારતના પરાજય પર જુઓ શું બોલ્યો રવિચંદ્રન અશ્વિન

• ફાઇનલમાં ઓસ્ટ્રેલિયા સામે ભારતની હાર પછી ક્રિકેટ રસિકો દુ:ખી
• રવિચંદ્રન અશ્વિને આ હાર બાબતે નિવેદન આપ્યું
• રવિચંદ્રન અશ્વિને વર્લ્ડ કપ ફાઈનલમાં રોહિત શર્માથી ક્યાં ચૂક થઈ તે જણાવ્યું

વર્લ્ડ કપ ફાઇનલમાં ઓસ્ટ્રેલિયા સામે ભારતની હાર પછી ક્રિકેટ રસિકો ખૂબ જ દુ:ખી છે. ભારતીય ટીમે ફાઇનલમાં ક્યાં ભૂલ કરી તેના પર ક્રિકેટ રસિકોને વિશ્વાસ નથી થઈ રહ્યો. ભારતીય સ્પિન બોલર રવિચંદ્રન અશ્વિને આ હાર બાબતે નિવેદન આપ્યું છે કે, ભારતીય કેપ્ટન રોહિત શર્માથી ક્યાં ચૂક થઈ છે.

રવિચંદ્રન અશ્વિને ઓસ્ટ્રેલિયાના ચીફ સિલેક્ટર સાથે મુલાકાત કરી
વર્લ્ડ કપ ફાઈનલમાં ઓસ્ટ્રેલિયાએ ટોસ જીતીને પહેલા બોલિંગ કરવાનો નિર્ણય કર્યો હતો. રોહિત શર્માએ કહ્યું કે, જો તેણે ટોસ જીત્યો હોત તો તેણે પહેલા બેટીંગ કરી હોત. પેટ કમિન્સે પ્રથમ બોલિંગ કરવાના નિર્ણયથી તમામ લોકોને ચોંકાવી દીધા હતા. અટકળો લગાવવામાં આવી રહી હતી કે, જે પણ ટીમ ટોસ જીતશે તે પ્રથમ બેટિંગ કરવાનો નિર્ણય કરશે, પેટ કમિન્સે આ ફોર્મ્યુલા બદલી નાખ્યો. રવિચંદ્રન અશ્વિને પોતાની યુટ્યુબ ચેનલ પર રોહિત શર્માની ક્યાં ભૂલ થઈ તે અંગે જણાવ્યું છે. 

જ્યોર્જ બેલીનું નિવેદન
રવિચંદ્રન અશ્વિને ઓસ્ટ્રેલિયાના ચીફ સિલેક્ટર જ્યોર્જ બેલી સાથે મુલાકાત કરી હતી. રવિચંદ્રન અશ્વિને જ્યોર્જ બેલીને પૂછ્યું કે, તેણે હંમેશાની જેમ ટોસ જીત્યા પછી પહેલા બેટીંગ કેમ ન કરી, જે અંગે બેલીએ કહ્યું કે, અમે અહીં પહેલા ઘણી મેચ રમી ચૂક્યા છીએ. અમે આ સ્ટેડિયમ પર IPL પણ રમી છે. આ પીચ કાળી માટીની છે, જે તૂટતી નથી. આ પીચ પર બપોરે સારો ટર્ન મળે છે અને જેમ જેમ સાંજ પડે છે તેમ પીચ બદલાવા લાગે છે. આ કારણોસર અમે પહેલા બોલિંગ કરવાનો નિર્ણય લીધો છે.

રોહિત શર્મા પીચ ઓળખી ના શક્યા
રવિચંદ્રન અશ્વિને વાતવાતમાં જણાવ્યું કે, રોહિત શર્માએ પહેલાથી જ વિચારી લીધું હતું કે, જો પહેલા બેટિંગ કરીશું તો કેવી રીતે રમવું જોઈએ. રોહિત શર્માએ વિચાર્યું કે પહેલા બેટિંગ કરવી સરળ હશે અને અમે સારો સ્કોર કરીશું, પરંતુ એવું થયું નહીં. જો રોહિત શર્માએ પિચને અગાઉથી સારી રહેશે. આ પીચ ઓળખી લીધી હોત તો પહેલા બેટિંગ કરતા સમયે સતર્ક રહ્યા હોત અને સાવધાનીપૂર્વક રમી શક્યા હોત.