વેધર અપડેટ / દક્ષિણ ગુજરાત સહિત દેશના આ રાજ્યોમાં 2 જ કલાકમાં વરસાદ ત્રાટકશે, IMDએ આપ્યું એલર્ટ

IMD Forecast : દેશના અનેક વિસ્તારોમાં અલગ-અલગ વાતાવરણ જોવા મળી રહ્યું છે. ક્યાંક અંગ દઝાડતી ગરમી તો ક્યાંય વરસાદના અમીછાંટણાં જોવા મળી રહ્યા છે. આ દરમિયાન હવે ફરી એકવાર હવામાન વિભાગની આગાહી સામે આવી છે. દેશના ઉત્તર-પૂર્વના રાજ્યો સતત વરસાદને કારણે ભૂસ્ખલનનો સામનો કરી રહ્યા છે. ઉત્તર ભારતમાં હીટવેવથી કોઈ રાહત નથી. જોકે ગઈકાલે (19 જૂન) હળવા વરસાદને કારણે પહાડોમાં હવામાનમાં થોડો ફેરફાર થયો છે. ગઈકાલે દિલ્હી અને તેની આસપાસના વિસ્તારોમાં જોરદાર પવન ફૂંકાયો હતો જોકે અહીં ગરમીનું મોજું યથાવત છે. હવામાન વિભાગે 20 જૂને સવારે 7 વાગ્યાની આસપાસ આગામી 2 કલાકમાં લગભગ 20 રાજ્યોમાં વરસાદની આગાહી કરી છે.

આગામી 2 કલાકમાં 20 રાજ્યોમાં વરસાદની શક્યતા

સેટેલાઇટ ઇમેજ જાહેર કરતાં IMDએ જણાવ્યું કે, પંજાબ, ઓડિશા, છત્તીસગઢ, પૂર્વ વિદર્ભ, પૂર્વ તેલંગાણા અને અડીને આવેલા ઉત્તર કોસ્ટલ આંધ્ર પ્રદેશ, તમિલનાડુ, કેરળ, લક્ષદ્વીપ, દક્ષિણ ગુજરાત, ઉત્તર કોંકણ, ગોવા અને કર્ણાટક, પશ્ચિમ આસામ અને મેઘાલય, ઉત્તર પ્રદેશ - હિમાલયન પશ્ચિમ બંગાળ, સિક્કિમ, બિહાર, પૂર્વી ઉત્તર પ્રદેશમાં કેટલાક સ્થળોએ છૂટાછવાયા ગાજવીજ અને વીજળીના ચમકારા અથવા ભારે પવન સાથે હળવાથી મધ્યમ વરસાદની શક્યતા છે.

દિલ્હી-NCRમાં પણ પડશે વરસાદ

હવામાન વિભાગે પણ દિલ્હી અને તેની આસપાસના વિસ્તારોમાં વરસાદનું એલર્ટ જાહેર કર્યું છે. આગામી બે કલાકમાં ઉત્તર દિલ્હી, ઉત્તર-પૂર્વ દિલ્હી, ઉત્તર-પશ્ચિમ દિલ્હી, પશ્ચિમ દિલ્હી, મધ્ય દિલ્હી, NCRના કેટલાક સ્થળોએ 30-50 કિમી પ્રતિ કલાકની ઝડપે પવન સાથે હળવોથી મધ્યમ તીવ્રતાનો વરસાદ પડશે અને આસપાસના વિસ્તારોમાં એક કલાકની ઝડપે પવન ફૂંકાશે.

આ સિવાય નોઈડા, ગ્રેટર નોઈડા, ગુરુગ્રામ, ફરીદાબાદ, હિંડોન એએફ સ્ટેશન, બહાદુરગઢ, ગાઝિયાબાદ, ઈન્દિરાપુરમ, છપરાઉલા, સોનીપત, રોહતક, ખરખોડા, બાગપત, ખેકરા, મોદીનગર, પિલખુઆ, માનેસર, બલ્લભગઢ, સોનીપત, ખરખોડા, મત્તન, માનેસર , ફારુખનગર, સોહના, પલવલ, બરૌત, બાગપત, મેરઠ, ખેકરા, મોદીનગર, કિથોર, પિલખુઆ, હાપુડ, ગુલાવતી, સિકંદરાબાદ, બુલંદશહેરમાં વરસાદની સંભાવના છે. દિલ્હીના ઘણા વિસ્તારોમાં મોડી રાત્રે તોફાન સાથે વરસાદથી થોડી રાહત થઈ છે. આગાહી મુજબ આજે દિલ્હીમાં આંશિક વાદળછાયું આકાશ રહેશે. ધૂળની ડમરીઓ અને હળવા વરસાદની સંભાવના છે. આ સમયગાળા દરમિયાન મહત્તમ તાપમાન 42 ડિગ્રી અને લઘુત્તમ તાપમાન 33 ડિગ્રી રહી શકે છે. આ પછી 21 અને 22 જૂને પણ ભારે પવનની ચેતવણી છે.

વધુ વાંચો : ભાજપમાં જોડાવાની અટકળો પર ઉદ્ધવ ઠાકરેની પહેલી પ્રતિક્રિયા, જુઓ શું કહ્યું

હીટ વેવથી લઈને ગંભીર હીટ વેવની સ્થિતિ યથાવત

આ ઉપરાંત હવામાનની આગાહી કરતી એજન્સી સ્કાયમેટના જણાવ્યા અનુસાર આજે ઉત્તર પ્રદેશમાં હીટ વેવથી ગંભીર સ્થિતિ શક્ય છે અને મધ્યપ્રદેશ અને ઉત્તર રાજસ્થાનના કેટલાક વિસ્તારોમાં હીટ વેવની સ્થિતિ શક્ય છે અને તે પછી ઓછી થઈ શકે છે. પંજાબ, હરિયાણા, દિલ્હી અને ઉત્તર પ્રદેશના કેટલાક ભાગોમાં ગરમ ​​રાત રહેવાની સંભાવના છે.