VIDEO / કર્ણાટકમાં રાહુલનો અલગ અંદાજ, ડિલિવરી બોય સાથે સ્કૂટરની મજા માણી, લોકો જોતા જ રહ્યાં

• કર્ણાટક વિધાનસભાની ચૂંટણીને લઈને જુદા જુદા રાજકીય રંગ
• પૂર્વ સાંસદ રાહુલ ગાંધીએ બેંગલુરુની મુલાકાત લીધી હતી
• સામાન્ય માણસની જેમ ડીલેવરી બોય સાથે સ્કૂટર સવારીની મોજ માણી

અંતિમ પડાવમાં પહોંચેલી કર્ણાટક વિધાનસભાની ચૂંટણીને લઈને જુદા જુદા રાજકીય રંગ જોવા મળી રહ્યા છે. ભાજપ, કોંગ્રેસ સહિત તમામ રાજકીય પાર્ટીઓ મતદારોને પોતાની તરફ વાળવા માટે રસ્તા પર ઉતર્યા છે અને નીતનવા પ્રયાસો કરી રહ્યા છે. આવી સ્થિતિ વચ્ચે આજે રવિવારે કોંગ્રેસ નેતા અને પૂર્વ સાંસદ રાહુલ ગાંધીએ બેંગલુરુની મુલાકાત લીધી હતી. જેમાં તે અલગ જ અંદાજમાં દેખાયા હતા. તેમણે સામાન્ય માણસની જેમ એક ડીલેવરી બોયની સ્કૂટરની સવારીની મોજ માણી હતી. આ વેળાએ હેલ્મેટ પહેરી અને તેઓ બે મિનિટ સુધી સ્કૂટર પર ડીલેવરી બોય સાથે ફર્યા હતા અને સિક્યુરિટી ગાર્ડ ઉપરાંત પોલીસકર્મીઓ તેની આજુબાજુ દેખાતા હતા.

#WATCH | Karnataka: Congress leader Rahul Gandhi rides a scooter with a delivery boy in Bengaluru. pic.twitter.com/MvGEgfAjtM

— ANI (@ANI) May 7, 2023

સીએમની ખુરશી અઢી હજાર કરોડમાં ખરીદી શકાવાના આરોપ
પૂર્વ સાંસદ રાહુલ ગાંધીએ રાજ્યમાં ચૂંટણી રેલીનું પણ સંબોધન કર્યું હતું. જે દરમિયાન ભાજપ પર આકરા પ્રહારો કર્યા હતા.વધુમાં પીએમ મોદી પર જોરદાર શાબ્દિક પ્રહારો કરતા કહ્યું કે આ વખતે કર્ણાટકમાંથી ડબલ એન્જિનિયરિંગ ચોરી થઈ જશે! વધુમાં તેઓએ ઉલ્લેખ કરતા કહ્યું કે કોન્ટ્રાક્ટર એસોસિએશનને વડાપ્રધાનને પત્ર લખીને આરોપ સાથે કહ્યું કે અહીં દરેક જગ્યાએ 40 કમિશન ચાલી રહ્યું છે. ખાસ વાત તો એ છે કે સીએમની ખુરશી અઢી હજાર કરોડમાં ખરીદી શકાય છે. તેવો પણ પત્રમાં ઉલ્લેખ કરાયો હતો.

કોંગ્રેસના જુથાણાનો પર્દાફાશ થયો : PM

બીજી બાજુ વડાપ્રધાન નરેન્દ્ર મોદીએ ભવ્ય રોડ શો કર્યો હતો. જેમાં તેમણે કોંગ્રેસ વિરુદ્ધ પ્રહારો કર્યા હતા. વડાપ્રધાને જણાવ્યું હતું કે કોંગ્રેસની રાજનીતિ અને વિકાસકાર્ય માત્ર કાગળ પર જ રહ્યા છે. તે ક્યારેય કર્ણાટકનો વિકાસ કરી શકે નહિ! અને તે ખાલી ખોટું જ ફેલાવી શકે છે. પરંતુ હવે કોંગ્રેસના જુથાણાનો પર્દાફાશ થયો છે.