તાપમાન / Gujarat Weather Update: સવારમાં જ મત આપી દેજો! હવામાન વિભાગે કાળઝાળ ગરમીની કરી આગાહી, આટલું ટેમ્પરેચર રહેશે

લોકસભાની ચૂંટણીને લઈ આજે દેશના અનેક રાજ્યોમાં ત્રીજા તબક્કાનું મતદાન થવા જઈ રહ્યું છે. આ તરફ મે મહિનો આવતા જ ઉત્તર ભારતના ઘણા ભાગોમાંઆ વધતી ગરમીની અસરો દેખાવા લાગી છે. જોકે આજે યોજાનાર અને બાકી રાજ્યોની ચૂંટણીના તબક્કામાં પણ ગરમીની અસર દેખાઈ શકે છે. હવામાન વિભાગે જણાવ્યું છે કે, ગ્લોબલ વોર્મિંગના કારણે જ દેશમાં હીટવેવ-લૂ ની તીવ્રતા વધી રહી છે. ત્યારે હવામાન વિભાગે અમદાવાદ સહિતના વિસ્તારમાં કાળઝાળ ગરમની આગાહી કરી છે

ગરમીનો પારો ઉંચો રહેવાની સંભાવના

રાજ્યમાં આજે મતદાન યોજાનાર છે. તેવામાં હવામાન વિભાગે અમદાવાદ સહિત રાજ્યના મોટાભાગના વિસ્તારોમાં કાળઝાળ ગરમીની આગાહી કરી છે. અમદાવાદમાં મતદાનના દિવસે 42 ડિગ્રી સેલ્યિયસ મહત્તમ તાપમાન જોવા મળી શકે છે. તો ગાંધીનગરમાં પણ તાપમાન 42 ડિગ્રીને પાર પહોંચી શકે છે.

ઉત્તર ગુજરાતના તાપમાનમાં 2 ડિગ્રીનો વધારો થઈ શકે

બીજી બાજુ ઉત્તર ગુજરાતમાં પણ તાપમાનામાં 2 ડિગ્રીનો વધારો થવાની આગાહી કરાઇ છે. સૌરાષ્ટ્ર અને કચ્છના દરિયાકાંઠાના વિસ્તારો સહિત સુરતમાં પણ હિટવેવની આગાહી કરાઇ છે. પોરબંદર અને ભાવનગરમાં પણ હિટવેવ રહેશે. મહત્વનું છે કે સાયક્લોનિકલ સર્ક્યુલેશનને કારણે રાજ્યના અનેક વિસ્તારોમાં જોવા મળી રહેલું વાદળછાયું વાતાવરણ 2 દિવસમાં દૂર થશે. ત્યારે મતદાનના દિવસે જ સમગ્ર રાજ્યમાં અંગ દઝાડતી ગરમી પડવાની આગાહી કરાઇ છે. તેવામાં રાજ્યમાં મતદાનન પર ગરમીની મોટાપાયે અસર જોવા મળી રહી છે.