NULL / પુલવામા હુમલો: US-રશિયા-ફ્રાંસે હુમલાની કરી નિંદા UNએ સંવેદના વ્યકત કરી

જમ્મૂ કાશ્મીરના પુલવામામાં આતંકી હુમલો થયો હતો. આ ઘટનામાં CRPFના 44 જવાનો શહીદ થયા છે. આ ઘટના બાદ દેશભરના લોકોમાં રોષ જોવા મળ્યો છે. અમેરિકા રશિયા અને ફ્રાંસ સહિતના દેશોએ હુમલાની નિંદા કરી છે.

આ ઘટના બાદ ભારતમાં અમેરિકાના રાજદૂત કેનેથ જસ્ટરે ટ્વિટ કર્યુ છે કે ભારતમાં આમેરિકી દૂતાવાસ જમ્મૂ કાશ્મીરમાં ગુરૂવાર થયેલા હુમલાની નિંદા કરે છે. પીડિતાના પરિવારો પ્રત્યે અમને સંવાદના છે.

ત્યાર બાદ રશિયાએ પણ આતંકી હુમલાની નિંદા કરી હતી. આ મામલે ફ્રાંસના રાજદૂત અલેક્જેંડે જિગલરે કહ્ય કે ફ્રાંસ જમ્મૂ કાશ્મીમરમાં થયેલા હુમલાની નિંદા કરે છે. જર્મનીએમાં પણ હુમલાની નિંદા કરતા જણાવ્યુ કે ભારતના વ્યૂહાત્મક સાથીઓ ભારત સાથે ઉભા છે.

આ સાથે જ આ ઘટનામાં ઓસ્ટ્રેલિયા તુર્કી ચેક રિપબ્લિક બાંગ્લાદેશ ભૂટાન શ્રીલંકા અને માલદીવે નિંદા કરી હતી. વિશ્વના અનેક દેશના નેતાઓએ આતંકવાદ સાથે લડવાનો સંકલ્પ કર્યો હતો.

નેપાળના વડાપ્રધાન કેપી શર્મા ઓલીએ પીએમ નરેન્દ્ર મોદી સાથે ટેલિફોનિક વાતચીત કરી હતી અને આતંકી હુમલાની નિંદા કરી હતી. નેપાળના વડાપ્રધાને કહ્યું કે નેપાળ સરકાર દરેક પ્રકારના આતંકી હુમલાની કડક આલોચના કરે છે.

જ્યારે શ્રીલંકના રાષ્ટ્રપતિએ જણાવ્યું કે અમે શહીદ જવાનોના પરિવારજનો પ્રત્યે સંવેદના વ્યક્ત કરીએ છીએ. જ્યારે બીજી તરફ બાંગ્લાદેશના વડાપ્રધાન શેખ હસીના આ હુમલાથી દુખી છે.

માલદીવના રાષ્ટ્રપતિ ઇબ્રાહિમ સોહિલએ કહ્યું કે આતંક વિરુધ્ધની લડાઇમાં માલદીવ ભારતની સાથે છે. જ્યારે ભૂટાન સરકારે પણ આતંકી હુમલાની નિંદા કરી છે અને મૃતકોના પરિજનો પ્રત્યે સંવેદના વ્યક્ત કરી છે.