વિચારણા / સિનેમાઘર-મલ્ટિપ્લેક્સમાં મળતા પોપકોર્ન થઈ જશે સસ્તા! GST કાઉન્સિલની બેઠક બાદ આ વસ્તુઓની કિંમતમાં થશે ઘટાડો

• સિનેમાઘરોમાં મૂવી ટિકિટ કરતાં પણ પોપકોર્ન મોંઘા મળે છે
• મંગળવારે GST કાઉન્સિલની બેઠક યોજાવાની છે
• બેઠકમાં GST ઘટાડવા માટે કેટલીક બાબતો પર વિચાર કરવામાં આવી શકે

થિયેટરમાં ફિલ્મો જોવા જઈએ ત્યારે શું તમને પણ જો તમે પણ મૂવી જોતી વખતે પોપકોર્ન અથવા સ્વીટકોર્ન અને કોલ્ડ ડ્રિંક ખાવાના શોખીન છો પણ તેની ઊંચી કિંમતને લઈને પરેશાન છો આ સમાચાર તમારા કામના છે. એ વાત તો નોંધનીય છે કે સિનેમાઘરોમાં મૂવી ટિકિટ કરતાં પણ પોપકોર્ન મોંઘા મળે છે પણ હવે તેને લઈને રાહતના સમાચાર આવ્યા છે. વાત એમ છે કે મંગળવારે GST કાઉન્સિલની બેઠક યોજાવાની છે અને આ બેઠકમાં GST ઘટાડવા માટે કેટલીક બાબતો પર વિચાર કરવામાં આવી શકે છે. તેમાંથી એક સિનેમા હોલમાં ખાવા-પીવાનું છે. 

GSTને 18 ટકાથી ઘટાડીને 5 ટકા કરવા પર વિચારણા
બેઠકમાં GST દરોને લઈને મોટા ફેરફારોની જાહેરાત કરવામાં આવી શકે. તમને જણાવી દઈએ કે,GST કાઉન્સિલની બેઠકમાં દવાઓ, ખેતીમાં વપરાતો સામાન, સિનેમા હોલમાં ખાવા-પીવાની વસ્તુઓ સહિત ઘણી વસ્તુઓ પર GST ઘટાડી શકાય છે. 11 જુલાઈએ યોજાનારી GST કાઉન્સિલની બેઠકમાં વર્તમાન GSTને 18 ટકાથી ઘટાડીને 5 ટકા કરવા પર વિચારણા થઈ શકે છે. સૂત્રોના જણાવ્યા અનુસાર કાઉન્સિલ આના પર છૂટ આપી શકે છે.  

સિનેમામાં ખાવું-પીવું સસ્તું થશે
GST દ્વારા, મલ્ટિપ્લેક્સ અથવા અન્ય સિનેમા હોલમાં ખાવા-પીવાની કિંમતમાં ઘટાડો થઈ શકે છે. ફિટમેન્ટ કમિટીએ GST કાઉન્સિલને સિનેમા હોલમાં પીરસવામાં આવતા ખાદ્યપદાર્થો પર પાંચ ટકા ટેક્સ વસૂલવા જણાવ્યું છે. જો ટેક્સ રેટ 18 થી 5 ટકા થઈ જશે તો તેની અસર તમારા ખિસ્સા પર પણ પડશે. 

આ વસ્તુઓ સસ્તી હોઈ શકે છે 
- કેન્સરની સારવાર માટે વિદેશમાંથી આયાત કરવામાં આવતી Dinutuximab/qarziba દવાને GST ફ્રી કરી શકાય છે. 
- વિશેષ તબીબી જરૂરિયાતો અને સારવાર માટે આયાત કરવામાં આવતી ખાદ્ય ચીજો અને દવાઓને પણ GSTમાંથી મુક્તિ મળી શકે છે. 
- નોન-ફ્રાઈડ સ્નેક્સ પર GST 18% થી ઘટાડીને 5% કરવામાં આવી શકે છે. 
- ખાનગી સંસ્થાઓ દ્વારા સેટેલાઇટ લોન્ચને પણ GSTમાંથી મુક્તિ મળી શકે છે.