ઐતિહાસિક ઘટના / PM મોદી આજે રચશે નવો ઇતિહાસ, સૂર્યાસ્ત બાદ લાલ કિલ્લા પરથી સંબોધન કરનાર બનશે પ્રથમ વડાપ્રધાન

• સૂર્યાસ્ત બાદ લાલ કિલ્લા પરથી આજે PM મોદી કરશે સંબોધન
• શીખ ગુરુ તેગબહાદુરના 400માં પ્રકાશ પર્વ નિમિત્તે સંબોધન કરશે
• આજે સ્મારક સિક્કો અને ટપાલ ટિકિટ પણ બહાર પાડશે

ગુરૂ તેગ બહાદુરની 400મી જયંતિ નિમિત્તે ગુરુવારના રોજ આજ રાતે પીએમ મોદી એક નવો ઈતિહાસ સર્જશે. મુઘલ યુગના સ્મારક લાલ કિલ્લા પર સૂર્યાસ્ત બાદ ભાષણ આપનારા નરેન્દ્ર મોદી ભારતના પ્રથમ વડાપ્રધાન બનશે. PM મોદી આજે લાલ કિલ્લા પરથી દેશને સંબોધિત કરશે. જો કે, વડાપ્રધાન લાલ કિલ્લાની પ્રાચીર પરથી નહીં પરંતુ લૉનમાંથી રાષ્ટ્રને સંબોધિત કરશે.

મુઘલ શાસક ઔરંગઝેબે ગુરુ તેગ બહાદુરને ફાંસી આપવાનો આદેશ આપ્યો હતો

સંસ્કૃતિ મંત્રાલયના અધિકારીઓના જણાવ્યાં અનુસાર, આ કિલ્લામાંથી જ મુઘલ શાસક ઔરંગઝેબે 1675માં શીખોના નવમા ગુરુ ગુરુ તેગ બહાદુરને ફાંસી આપવાનો આદેશ આપ્યો હતો, આ જ કારણ છે કે લાલ કિલ્લો તેમની 400મી જન્મજયંતિના સ્થળ તરીકે પસંદ કરવામાં આવ્યું. લાલ કિલ્લાની કિલ્લા પ્રાચીર એ જગ્યા છે કે જ્યાંથી વડાપ્રધાન સ્વતંત્રતા દિવસ પર રાષ્ટ્રને સંબોધિત કરે છે. મળતી માહિતી મુજબ, પીએમ મોદી ગુરુવારે આજે રાત્રે 9:30 કલાકે ભાષણ આપશે. સ્વતંત્રતા દિવસ સિવાય આવું બીજી વખત બનશે કે જ્યારે પીએમ આ ઐતિહાસિક સ્મારક પરથી ભાષણ આપશે.

2018 માં તેમણે નેતાજી સુભાષ ચંદ્ર બોઝ દ્વારા આઝાદ હિંદ સરકારની રચનાની 75મી વર્ષગાંઠની ઉજવણી કરી હતી અને લાલ કિલ્લા પર રાષ્ટ્રધ્વજ ફરકાવ્યો હતો. આ પ્રસંગે વડાપ્રધાનનું સંબોધન સવારે 9 વાગ્યે હતું. ગુરુવારના આજના આ કાર્યક્રમમાં 400 શીખ સંગીતકારોના પરફોર્મન્સ જોવા મળશે અને લંગર પણ હશે. અધિકારીઓએ જણાવ્યું કે મોદી આ પ્રસંગે સ્મારક સિક્કો અને ટપાલ ટિકિટ પણ બહાર પાડશે.

લાલ કિલ્લાની નજીક ચાંદની ચોકમાં ગુરુદ્વારા સીસ ગંજ સાહિબ આવેલું છે. આ તે સ્થળ પર બનાવવામાં આવ્યું છે કે જ્યાં મુઘલોએ ગુરુ તેગ બહાદુરનું માથું કાપી નાખ્યું હતું, એવું કહેવાય છે કે, ગુરુદ્વારા રકાબ ગંજ સાહિબ, જે સંસદની નજીક છે, તેમના સ્મશાન સ્થળ પર બનાવવામાં આવ્યું હતું.

દેશભરના 11 મુખ્યમંત્રીઓ અને અગ્રણી શીખ નેતાઓ હાજરી આપશે

લાલ કિલ્લાની નજીક ચાંદની ચોકમાં ગુરુદ્વારા સીસ ગંજ સાહિબ સ્થિત છે. આ તે જગ્યાએ બાંધવામાં આવેલ છે કે જ્યાં મુઘલોએ ગુરુ તેગ બહાદુરનું માથું કાપી નાખ્યું હતું. એવું કહેવાય છે કે, ગુરુદ્વારા રકાબ ગંજ સાહિબ કે જે સંસદ પાસે આવેલ છે, તેમના સ્મશાન સ્થળ પર બનાવવામાં આવ્યું હતું.

કેન્દ્રીય ગૃહપ્રધાન અમિત શાહ બુધવારના રોજ આ કાર્યક્રમની શરૂઆત કરશે. જેમાં દેશભરના 11 મુખ્યમંત્રીઓ અને અગ્રણી શીખ નેતાઓ પણ હાજરી આપશે. જેમાં 400 શીખ 'જત્થેદારો' ના પરિવારોને પણ આમંત્રણ આપવામાં આવ્યું છે, જેમાં અમૃતસરના સુવર્ણ મંદિરના લોકો પણ સામેલ છે.