લોકસભા ચૂંટણી 2024 / PM મોદીએ અમદાવાદથી કર્યું મતદાન, સૌને લોકશાહીના મહાપર્વમાં જોડાવવાની કરી અપીલ

ગુજરાતમાં ત્રીજા તબક્કામાં 25 લોકસભા બેઠક જ્યારે 5 વિધાનસભા બેઠક પર મતદાન યોજાનાર છે. પોતાનો કિંમતી મત આપવા માટે વડાપ્રધાન મોદી મોડી રાત્રો ગુજરાત આવી પહોંચ્યા હતા. રાત્રી દરમ્યાન તેઓએ રાજભવન ખાતે રોકાયા હતા. તેમજ સવારે મતદાન કરવા માટે રાજભવનથી નીકળ્યા હતા. વડાપ્રધાન નરેન્દ્ર મોદીએ રાણીપનાં નિશાન સ્કૂલનાં મતદાન કેન્દ્રમાં મતદાન કર્યું હતું. NSG દ્વારા મતદાન મથકે ચુસ્તબંદોબસ્ત ગોઠવવામાં આવ્યો હતો. વડાપ્રધાન મોદીએ રાણીપમાં મતદાન કર્યું હતું.

લોકસભાની 25 અને 5 વિધાનસભા બેઠક પર મતદાન શરૂ

આજે રાજ્યની 25 બેઠકો પર મતદાન યોજાનાર છે. ત્યારે સવારે 7 વાગ્યાથી મતદાન શરૂ થયું. આજે ત્રીજા તબક્કાનું મતદાન શરૂ થયું હતું. લોકસભાની સાથે સાથે 5 વિધાનસભા બેઠક પર પણ મતદાન યોજાનાર છે. રાજ્યમાં 49768677 લોકો મતદાન કરશે. રાજ્યમાં 25616540 પુરૂષ મતદારો છે. 24150603 સ્ત્રી મતદારો નોંધાાયા છે.જ્યારે રાજ્યમાં 10036 શતાયું મતદારો છે.

વધુ વાંચોઃ આજે ગુજરાતની 25 બેઠકો પર 266 ઉમેદવારો મેદાનમાં, અમિત શાહ સહિત આ દિગ્ગજોનું ભાવિ થશે EVMમાં કેદ

રાજ્યમાં 50788 મતદાન મથકો પર મતદાન થશે

રાજ્યમાં 50960 બીયુ મશીનનો ઉપયોગ થશે. રાજ્યમાં 49140 વીવીપેટ મશીનનો ઉપયોગ થશે. રાજ્યમાં 50788 મતદાન મથકો પર મતદાન થશે. 17275 શહેરી વિસ્તારો મતદાન મથકો છે. જ્યારે ગ્રામ્ય વિસ્તારમાં 33513 મતદાન મથકો છે. જ્યારે 1225 મતદાન મથકો પર મહિલા સંચાલન કરશે. 24893 મતદાન મથકો ઉપર લાઈવ વેબકાસ્ટિંગ કરવામાં આવશે.