ચૂંટણી 2024 / ગાંધીનગરમાં મતદારોનો કેવો મૂડ, વહેલી સવારથી લાગી લાઈનો, જાણો બેઠકનો ઈતિહાસ

લોકસભાની ચૂંટણીને લઈ રાજ્યમાં મતદાનની પ્રક્રિયા આજે સવારે 6 વાગ્યાથી જ શરૂ થઈ ગઈ છે. ત્યારે ગાંધીનગર લોકસભા મત વિસ્તારમાં સવારથી જ મતદાન પ્રક્રિયા શરૂ થઈ ગઈ છે. જ્યા મતદાતાઓ ઉત્સાહભેર મતદાન કરી ચૂંટણી પર્વ ઉજવી રહ્યાં છે. ત્યારે આ બેઠક વિશે જાણીએ. અહીં ભાજપના અમિત શાહ ચૂંટણી લડી રહ્યાં છે. જ્યારે કોંગ્રેસમાંથી સોનલ પટેલ ચૂંટણી મેદાને છે

કોણ છે અમિત શાહ?

અમિત શાહ દેશના ગૃહમંત્રી છે. ગાંધીનગર લોકસભાથી બીજી વાર મેદાને ઉતર્યા છે. 2019માં અમિત શાહ 5 લાખથી વધુ મતની સરસાઈથી જીત્યા છે. ગૃહમંત્રી તરીકેના કાર્યકાળમાં અનેક મહત્વના નિર્ણય લેવામાં આવ્યા છે. કલમ 370 દૂર કરવાનો ઐતિહાસિક નિર્ણય તેમના કાર્યકાળમાં લેવાયો છે. અગાઉ રાજ્યસભા સાંસદ તરીકે રહ્યા અને ભાજપના રાષ્ટ્રીય અધ્યક્ષપદે રહ્યા છે.

કોણ છે સોનલ પટેલ?

કોંગ્રેસ સાથે વર્ષોથી જોડાયેલા છે. વ્યવસાયે આર્કિટેક્ટ છે તેમજ સંગઠનના અનેક હોદ્દાઓ ઉપર કામ કર્યું છે. પ્રદેશ મહિલા મોરચાના પ્રમુખ રહ્યાં અને નારણપુરા વિધાનસભાની ચૂંટણી લડી ચુક્યા છે.

2019નું પરિણામ

ભાજપ અમિત શાહ

પરિણામ જીત

કોંગ્રેસ ડૉ.સી.જે.ચાવડા

પરિણામ હાર

ગાંધીનગર બેઠકનો ઈતિહાસ

1967થી બેઠક અસ્તિત્વમાં આવી અને 1984 સુધી ચાર વાર ગાંધીનગરથી કોંગ્રેસની જીત થઈ. એક વાર ગાંધીનગર બેઠક ઉપર જનતા પાર્ટીની જીત અને 1989થી ગાંધીનગર બેઠક ભાજપનો ગઢ રહ્યો. પૂર્વ નાયબ પ્રધાનમંત્રી એલ.કે.અડવાણી ગાંધીનગરથી છ ટર્મ ચૂંટાયા

ગાંધીનગર લોકસભામાં કઈ વિધાનસભા સમાવિષ્ટ?

ગાંધીનગર ઉત્તર

કલોલ

સાણંદ

ઘાટલોડિયા

વેજલપુર

નારણપુરા

સાબરમતિ

ગાંધીનગર બેઠકનું જ્ઞાતિ સમીકરણ

મોટેભાગે શહેરી મતદાર ધરાવતી બેઠક છે. ગાંધીનગર લોકસભામાં 79% જેટલા શહેરી મતદાર છે. દલિત મતદાર આશરે 11%થી વધુ છે તેમજ આદિવાસી મતદારનું પ્રમાણ 2% જેટલું છે. 2019માં અમિત શાહને 69.67% મત મળેલા છે