કોરોના / PM મોદીએ કહ્યું આવતીકાલે સવારે 9 વાગે હું તમારી સાથે એક વીડિયો શૅર કરીશ

• વડાપ્રધાન મોદીએ ટ્વીટ કરીને કરી જાહેરાત 
• આવતીકાલે સવારે વીડિયોના માધ્યમથી આપશે સંદેશ 
• આજે રાજયોના મુખ્યમંત્રી સાથે કરી હતી ચર્ચા 

આવતીકાલે શેર કરશે વીડિયો : 

ગુરુવારે વડાપ્રધાન મોદીએ પોતે ટ્વીટ કરીને તેની જાણકારી દેશને આપી જેમાં તેમણે કહ્યું કે આવતીકાલે સવારે 9 વાગે તે દેશને એક નાના વીડિયો સંદેશના માધ્યમથી સંબધિત કરશે. લોકડાઉનની જાહેરાત બાદ ઘણી બધી જગ્યાએ હજુ પણ લોકડાઉનનું પાલન થઇ રહ્યું નથી ત્યારે આ સંદેશમાં તે ફરીથી લોકોને કોરોનાથી બચવા માટે અપીલ કરી શકે છે. એવામાં હાલમાં સોશિયલ મીડિયામાં પીએમ મોદીના સંબોધનને લઇ અટકળો શરુ થઇ ગઈ છે. 

 

At 9 AM tomorrow morning, I’ll share a small video message with my fellow Indians.

कल सुबह 9 बजे देशवासियों के साथ मैं एक वीडियो संदेश साझा करूंगा।

— Narendra Modi (@narendramodi) April 2, 2020

આજે સીએમ સાથે કરી હતી ચર્ચા : 

આ પહેલાં પીએમ મોદીએ આજે દેશનાં રાજયોના વિવિધ મુખ્યમંત્રી સાથે વીડિયો કોન્ફ્રેન્સિંગથી ચર્ચા કરી હતી. જેમાં કોરોના સામે લડાઇ લડી રહેલા રાજ્ય સરકારોએ કેન્દ્ર પાસે પોતાની બાકી રહેલા ચૂકવવાના રૂપિયાની માગણી કરી છે. પ્રધાનમંત્રી નરેન્દ્ર મોદીએ આજે વીડિયો કોન્ફરસથી બધા રાજ્યના મુખ્યમંત્રીઓ સાથે વાત કરી હતી. આ દરમિયાન રાજ્યોએ કેન્દ્ર પાસે મેડિકલ કિટ, બાકી રહેલા ચૂકવાના નાણા સાથે આર્થિક મદદ માગી છે. 

કોંગ્રેસે લગાવ્યા આરોપ : 

નોંધનીય છે કે કોરોના વાયરસના ખતરા સામે કેન્દ્ર સરકાર સતત એક્શન મોડમાં છે. કેન્દ્ર દ્વારા મોટા નિર્ણયો લેવાઈ રહ્યા છે ત્યારે કોંગ્રેસે તેના પર ગંભીર આરોપ લગાવ્યા હતા. સોનિયા ગાંધીએ લોકડાઉનને એક ઉતાવળિયું પગલું ગણાવ્યું હતું.