પશ્ચિમ બંગાળ / 'પ્રેમ તો જુઓ..હવે મારો જન્મ બંગાળમાં થશે', માલદાની રેલીમાં કેમ આવું બોલ્યા PM મોદી

શુક્રવારે પશ્ચિમ બંગાળની ત્રણ લોકસભા બેઠકો પર મતદાન ચાલુ છે. આ દરમિયાન પીએમ મોદીએ માલદા જિલ્લામાં જનસભાને સંબોધિત કરી છે. આ દરમિયાન તેમણે રાજ્યની મમતા સરકાર પર જબરદસ્ત નિશાન સાધ્યું. પીએમ મોદીએ ડાબેરીઓ પર પણ આકરા પ્રહારો કર્યા. મોદીએ કહ્યું કે એક સમય એવો હતો કે જ્યારે બંગાળ આખા દેશના વિકાસનું નેતૃત્વ કરતુ હતું, પરંતુ પહેલા ડાબેરીઓએ અને પછી ટીએમસીના લોકોએ બંગાળની આ મહાનતાને ઠેસ પહોંચાડી, બંગાળના સન્માનને ઠેસ પહોંચાડી, વિકાસને અટકાવી દીધો. 

Beginning today's campaign from Malda Uttar in West Bengal. The atmosphere here is euphoric. The support for the BJP indicates that people have faith in politics of development.https://t.co/MwSs7Qzkx2

— Narendra Modi (@narendramodi) April 26, 2024

ક્યારેય લૂંટવાની તક છોડતી નથી TMC 

પીએમએ રેલીમાં એમ પણ કહ્યું કે પીએમ કિસાન સન્માન નિધિના 8 હજાર કરોડ રૂપિયા સીધા બંગાળના 50 લાખથી વધુ ખેડૂતોના ખાતામાં મોકલવામાં આવ્યા છે. પરંતુ, ટીએમસી સરકાર તમને લૂંટવાની કોઈ તક છોડતી નથી. બંગાળના વિકાસ માટે હું કેન્દ્રથી બંગાળ સરકારને જે પૈસા મોકલું છું તે ટીએમસીના નેતાઓ, મંત્રીઓ અને વચ્ચેના માણસો સાથે મળીને ખાઈ જાય છે.

Electrifying!

That’s the only word which can describe the atmosphere across Malda. The scorching heat was unable to prevent the sea of support which came to bless us.

I thank the people for this affection and assure that we will always work for their welfare. pic.twitter.com/g30HvQ3ZWF

— Narendra Modi (@narendramodi) April 26, 2024

પીએમ મોદીએ સભામાં એમ પણ કહ્યું કે તમે એટલો બધો પ્રેમ આપો છો... એવું લાગે છે કે કાં તો હું મારા પાછલા જન્મમાં બંગાળમાં જન્મ્યો હતો અથવા પછીના જીવનમાં બંગાળની માતાના ખોળે જન્મ લેવાનો છું.

મહિલાઓ સાથે દગો થયો 

વડાપ્રધાન મોદીએ કહ્યું કે મા-માટી-માનુષની વાતો કરીને સત્તામાં આવેલી ટીએમસીએ સૌથી મોટો દગો અહીંની મહિલાઓ સાથે જ કર્યો છે. જ્યારે અમારી સરકારે મુસ્લિમ બહેનોને અત્યાચારોથી બચાવવા માટે ટ્રિપલ તલાક નાબૂદ કર્યો ત્યારે ટીએમસીએ તેનો વિરોધ કર્યો. સંદેશખલીમાં મહિલાઓ પર ઘણા અત્યાચારો થયા અને ટીએમસી સરકાર અંત સુધી મુખ્ય આરોપીને બચાવતી રહી.

વધુ વાંચો: 'હવે કોઈને પણ શંકા...', EVM પર સુપ્રીમ કોર્ટના ચુકાદા બાદ ચૂંટણી આયોગની પ્રથમ પ્રતિક્રિયા

વડાપ્રધાને વધુમાં કહ્યું કે, 'ટીએમસી અને કોંગ્રેસ વચ્ચે તુષ્ટિકરણની સ્પર્ધા ચાલી રહી છે. રાજ્ય સરકાર બંગાળમાં બાંગ્લાદેશી ઘૂસણખોરોને લાવીને વસાવવાનું કામ કરે છે. આ ઘૂસણખોરોને તમારી જમીન અને ખેતરો પર કબજો કરવા દે છે. કોંગ્રેસ તમારી સંપત્તિ આવી વોટ બેંકમાં વહેંચવાની વાત કરી રહી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો