લોકસભા ચૂંટણી 2024માં બનાસકાંઠા લોકસભા બેઠક રાજ્યમાં સૌથી વધુ ચર્ચાસ્પદમાની એક બેઠક રહી છે. આ સીટ પર બંને મુખ્યપક્ષો દ્વારા મહિલા ઉમેદવારોને મેદાનમાં ઉતારવામાં આવી હતી. કોંગ્રેસ દ્વારા ગેનીબેન ઠાકોરને ઉતારવામાં આવ્યા જ્યારે ભાજપે શિક્ષણ ક્ષેત્ર સાથે સંકળાયેલા રેખાબેન ચૌધરીને ટિકિટ આપી હતી. ગુજરાતની આ એકમાત્ર બેઠક છે જ્યાં મહિલાઓ વચ્ચે લડાઈ છે. ગુજરાતની 26 લોકસભા બેઠકો માટે ત્રીજા તબક્કામાં મતદાન થઈ રહ્યું છે. ત્યારે બનાસકાંઠા લોકસભા બેઠક પર મહિલા ઉમેદવારો વચ્ચે જંગ છે ત્યારે જાણીએ આ બેઠક વિશ
મહિલા vs મહિલા
ભાજપના ઉમેદવાર ડો.રેખા ચૌધરી શિક્ષણ ક્ષેત્રે સક્રિય છે જે નોકરી છોડીને ચૂંટણી મેદાનમાં ઉતર્યા છે. રેખાબેન લોકોની વચ્ચે જઇ કહતા હતા કે, હું તમારી બધી સમસ્યાઓ દિલ્હીમાં ઉઠાવીશ. હું હિન્દી અને અંગ્રેજી સારી રીતે બોલી શકું છું. ત્યારે બનાસકાંઠામાં દીકરી અને બહેન વચ્ચે કોણ જીતશે? મતદારો કોને પસંદ કરે છે તે તો 4 જૂને જ ખબર પડશે, પરંતુ ગુજરાતની બનાસકાંઠા બેઠક મહિલા વચ્ચેના જંગને લઇ ચર્ચામાં રહી. રેખા ચૌધરી પહેલીવાર ચૂંટણી લડી રહ્યા છે જ્યારે ગેનીબેન ઠાકોર લાંબા સમયથી રાજકારણમાં છે. તેઓ બીજી વખત ધારાસભ્ય તરીકે ચૂંટાયા છે.
રેખા ચૌધરી ગણિતના પ્રોફેસર છે
ભાજપના ઉમેદવાર ડો.રેખાબેન ચૌધરી ગલબાભાઈ ચૌધરીના પૌત્રી છે. ગલબાભાઈએ બનાસ ડેરીની સ્થાપના કરી હતી. રેખા ચૌધરીએ M.Sc., M.Phil અને પીએચ.ડી. (ગણિત) થયેલા છે. અને તેઓ 44 વર્ષથી પાલનપુરમાં રહે છે. 20 વર્ષથી એન્જિનિયરિંગ કોલેજમાં પ્રોફેસર હતા. રેખા ચૌધરી ભાજપના મોરબી જિલ્લા પ્રભારી ડો. હિતેશ ચૌધરીના પત્ની છે. ડો. હિતેશભાઈ અગાઉ પક્ષ માટે કચ્છ જિલ્લાના પ્રભારી, બનાસકાંઠા જિલ્લાના ભાજપ મહાસચિવ અને રાજ્ય કક્ષાએ ગુજરાતમાં બીજેવાયએમના ત્રણ વખત પદાધિકારી રહી ચૂક્યા છે.
ગનીબેનને કોણ છે ?
ગેનીબેન ઠાકોર કોંગ્રેસના નેતા છે. 2017માં તેઓ વાવમાંથી ભાજપના દિગ્ગજ નેતા શંકર ચૌધરીને હરાવીને પ્રથમ વખત ધારાસભ્ય બન્યા હતા. ગેનીબેન 2012માં વાવમાંથી ગુજરાત વિધાનસભાની ચૂંટણી લડ્યા હતા પરંતુ હારી ગયા હતા. ત્યારબાદ તેઓ વાવ મતવિસ્તારમાંથી 2017ની ગુજરાત વિધાનસભાની ચૂંટણી લડ્યા અને 6655 મતોના માર્જિનથી જીત્યા. ગેનીબેન 2022 માં ફરીથી ચૂંટાઈ ધારાસભ્ય બન્યા છે. 2019 માં ગેનીબેન ઠાકોરે સમાજની અપરિણીત છોકરીઓ માટે મોબાઇલ ફોન પ્રતિબંધ મૂકવાના સમાજના નિર્ણયને ટેકો આપ્યો હતો. ત્યારે તે લાઇમલાઇટમાં આવ્યા હતા.
