કામની વાત / PM kisan યોજનાના લાભાર્થી ડોક્યુમેન્ટ તૈયાર રાખજો, જાણો ક્યાં સુધીમાં આવી જશે પૈસા!

• 14માં હપ્તા માટે તારીખ જાહેર થશે. 
• ટૂંક સમયમાં અરજી કરવાની રહેશે. 
• વાર્ષિક 6,000ની રકમ ટ્રાન્સફર કરવામાં આવે છે.

કેન્દ્ર સરકાર ટૂંક સમયમાં પીએમ કિસાન સમ્માન નિધિ યોજનાના 14માં હપ્તા માટે તારીખ જાહેર કરી શકે છે. એપ્રિલ અને જુલાઈ 2023 વચ્ચે આ હપ્તો જાહેર થવાની સંભાવના છે. 26 ફેબ્રુઆરી 2023ના રોજ 13મો હપ્તો જાહેર કરવામાં આવ્યો હતો. આ યોજનામાં શામેલ થનાર નવા ખેડૂતોએ આગામી હપ્તો મેળવવા માટે ટૂંક સમયમાં અરજી કરવાની રહેશે. જે ખેડૂતોએ પહેલેથી અરજી કરી છે, તેઓ અપડેટ મેળવી શકે છે. ખેડૂતોને સહાય આપવામાં આ યોજના શરૂ કરવામાં આવી છે. આ યોજના હેઠળ ખેડૂતોના બેન્ક એકાઉન્ટમાં વાર્ષિક 6,000ની રકમ ટ્રાન્સફર કરવામાં આવે છે. દર 4 મહિને 2 હજારનો હપ્તો જમા કરવામાં આવે છે. 

યોજના માટે કરો અરજી
પીએમ કિસાન સમ્માન નિધિ યોજનામાં રજિસ્ટર કરવા માટે સૌથી પહેલા આ યોજનાની ઓફિશિયલ વેબસાઈટ www.pmkisan.gov.in ની મુલાકાત લો. વેબસાઈટના હોમપેજ પર Farmer કોર્નરમાં જઈને New Farmer Ragister’ પર ક્લિક કરો. ત્યારબાદ આધાર નંબર દાખલ કરો અને કેપ્ચા કોડ એન્ટર કરો. હવે “Click Here To Continue” ઓપ્શન પર ક્લિક કરો. ત્યારબાદ ‘YES’ પર ક્લિક કરીને પીએમ કિસાન રજિસ્ટ્રેશન ફોર્મ 2023 ભરો અને સબમિટ કરીને તેની એક પ્રિન્ટઆઉટ મેળવી લો. 

કયા ડોક્યુમેન્ટની જરૂર રહેશે?
આ યોજનામાં નોંધણી કરવા માટે આધાર કાર્ડ, જમીનના દસ્તાવેજ, નાગરિકતા પ્રમાણપત્ર, આવક પ્રમાણપત્ર, પાસપોર્ટ સાઈઝ ફોટો તથા અન્ય ડોક્યુમેન્ટ્સની જરૂર રહેશે. ઉપરાંત જે બેન્ક એકાઉન્ટમાં કિસાન સમ્માન નિધિની રકમ મેળવવા માંગો છો, તે બેન્ક એકાઉન્ટની વિગત આપવાની રહેશે. તમારે એક મોબાઈલ નંબર પણ આપવાનો રહેશે. આ નંબર તમામ અપડેટ અને મેસેજ આવશે. 

લાભાર્થીની પરિસ્થિતિની તપાસ કરો
જે લોકોએ પહેલેથી જ પીએમ કિસાન સમ્માન નિધિ યોજનામાં અરજી કરી છે, તે લોકોએ અપડેટ મેળવવા માટે આ સ્ટેપ્સ ફોલો કરવાના રહેશે. તે માટે સૌથી પહેલા પીએમ કિસાન પોર્ટલ પર જાવ અને તેમાં ‘Farmer’ કોર્નરમાં જઈને ‘લાભાર્થી સૂચિ’ પર ક્લિક કરો. જ્યાં તમારે તમારું રાજ્ય, જિલ્લો, ઉપ જિલ્લો, બ્લોક અને ગામની પસંદગી કરવાની રહેશે. ત્યારબાદ ‘રિપોર્ટ મેળવી લો’ ટેબ પર ક્લિક કરો. આ રિપોર્ટમાં તમને લાભાર્થીની અપડેટ વિશે પણ જાણકારી મળી જશે.