તમારા કામનું / 31 માર્ચ પહેલા આ 5 કામ પતાવી લેવા તમારા માટે ખૂબ જરૂરી, નહીં તો મુકાશો મોટી મુશ્કેલીમાં

• 31 માર્ચ પહેલા પતાવી લો આ કામ 
• બાદમાં નહીં થાય મુશ્કેલી 
• અહીં ચેક કરો લિસ્ટ 

માર્ચનો મહિનો ફાઈનાન્શિયલ યરની ક્લોઝિંગ વાળો હોય છે. એવામાં જો તમે છેલ્લા સમય સુધી સ્ટ્રેસથી બચવા માંગો છો તો 31 માર્ચ પહેલા આ 5 કામોને જરૂર પુરા કરી લો. નહીં તો તમારે મુશ્કેલીઓનો સામનો કરવો પડી શકે છે. 

સેલેરી વાળા જમા કરો ફોર્મ- 12B
જો તમે નાણાકીય વર્ષ 2021-22ની વચ્ચે પોતાની જોબ બદલી રહ્યા છો અથવા નવી જોબ વર્ષની વચ્ચે શરૂ કરી છે તો તમારે 31 માર્ચ 2022 પહેલા પોતાની આવકની જાણકારી સાથે જોડાયેલા ફોર્મ 12Bમાં ભરીને પોતાની કંપનીને આપવું જોઈએ. તેનો ફાયદો એ રહેશે કે તમારી કંપની યોગ્ય ટીડીએસ કાપી શકશે. 

એડવાન્સ ટેક્સના હપ્તા ભરો 
આવકવેરો કાયદાકીય કલમ 208 અનુસાર કોઈ પણ કરદાતાનું અનુમાનિત ટેક્સ પેમેન્ટ 10,000 રૂપિયા અથવા તેનાથી વધારે છે તે દરેક એડવાન્સ ટેક્સ જમા કરી શકે છે. એડવાન્સ ટેક્સ વર્ષમાં 4 હપ્તામાં ભરવામાં આવે છે. ચોથા હપ્તા માટે છેલ્લી તારીખ 15 માર્ચ હોય છે. પરંતુ તમે હજુ પણ 31 માર્ચ સુધી આ હપ્તા ભરી શકો છો. તેનાથી તમને વ્યાજ બચતનો ફાયદો મળશે. 

બેન્કમાં અપડેટ કરો KYC 
બેન્ક ખાતામાં KYC ડિટેલ અપડેટ કરવા માટે છેલ્લી તારીખ વધીને 31 માર્ચ કરી દેવામાં આવી છે. એવામાં જો તમારે બેન્ક ખાતામાં પોતાનું એડ્રેસ પ્રૂફ, આધારની ડિટેલ, પાન કાર્ડની ડિટેલ અથવા કોઈ અન્ય કેવાઈસી સાથે જોડાયેલી માહિતી અપડેટ કરવી છે તો 31 માર્ચ સુધી કરી લો. નહીં તો તમારૂ બેન્ક ખાતુ ફ્રીઝ થવાની સંભાવના છે.

PAN-Aadhaarને લિંક કરો 
જો તમે 10,000 રૂપિયાના દંડથી બચવા માંગો છો તો તમારા પાન કાર્ડને આધાર કાર્ડ સાથે 31 માર્ચ પહેલા લિંક કરી લો. આમ ન કરવા પર તમારૂ પાન કાર્ડ નકામું થઈ જશે. સાથે જ તમારા ઉપર 10,000 રૂપિયા દંડ લાગી શકે છે. 

ટેક્સ બચાવવા માટે રોકાણ 
જો તમે નાણાકીય વર્ષ 2021-22માં ઈનકમ ટેક્સ બચાવવા માંગો છો તો તમારે 31 માર્ચ 2022 સુધી પોતાના દરેક પ્રકારના રોકાણને પુરૂ કરી લેવું જોઈએ. તેમાં વીમા, નાની બચત યોજના, એનપીએસ વગેરે શામેલ છે. જો તમે આમ નહીં કરો તો તમે મેક્સિમમ ટેક્સ નહીં બચાવી શકો.