કામની વાત / PANને આધાર સાથે લિંક કરવાના આ સમાચાર જાણી લેજો નહીં તો..., આ છે અંતિમ ડેડલાઇન

• પાન કાર્ડ અને આધાર કાર્ડ લિંક કરો. 
• લિંક નહીં થાય તો નાણાંકીય વ્યવહાર નહીં થઈ શકે. 
• ડિએક્ટીવેટ થઈ જશે તમારું પાન કાર્ડ.

આજના સમયમાં પાન કાર્ડ અને આધાર કાર્ડ જરૂરી ઓળખ દસ્તાવેજ છે, જેના વગર કોઈપણ નાણાંકીય અથવા સરકારી યોજનાનું કામ થઈ શકતું નથી. ઈન્કમટેક્સ વિભાગે પાન કાર્ડ અને આધાર કાર્ડ લિંક કરવાની છેલ્લી તારીખ 30 જૂન 2023 નક્કી કરી છે. જે પાનકાર્ડ આધાર કાર્ડ સાથે લિંક નહીં હોય તે પાન કાર્ડ ડિએક્ટીવેટ થઈ જશે. આધાર કાર્ડ સાથે પાન કાર્ડ લિંક કરવા માટે 1,000 રૂપિયા લેટ ફી ભરવાની રહેશે. પાન કાર્ડ સાથે આધાર કાર્ડ લિંક કરવાના ફોર્મમાં ફેરફાર કરવામાં આવ્યો છે. 

શું ફેરફાર કરવામાં આવ્યો છે?
પાન કાર્ડ અને આધાર કાર્ડ લિંક કરવા માટે લેટ ફી ભરવામાં આવે તો તમને અસેસટમેન્ટ યરનો ઓપ્શન આપવામાં આવે છે. ઈન્કમટેક્સ વિભાગે અસેસમેન્ટ યર અપડેટ કર્યું છે. લેટ ફી પેમેન્ટ માટે અસેસમેન્ટ યર તરીકે 2024-25 પસંદ કરવાનું રહેશે. 31 માર્ચ 2023 માટે અસેસમેન્ટ યર તરીકે 2023-24 પસંદ કરવાનું હતું. 

આ કામ બિલકુલ પણ નહીં થઈ શકે
નાણા મંત્રાલય તરફથી પાન કાર્ડને આધાર કાર્ડ સાથે લિંક કરવાની અંતિમ તારીખ 30 જૂન છે. જો આ તારીખ સુધીમાં લિંક કરવામાં નહીં આવે તો તમારું પાન કાર્ડ કોઈ કામનું નહીં રહે. મ્યુચ્યુઅલ ફંડમાં રોકાણ, શેરબજારમાં રોકાણ જેવા કામ નહીં કરી શકો. આજના સમયમાં બેન્ક એકાઉન્ટ ઓપન કરવાથી લઈને રિઅલ એસ્ટેટ અથવા અન્ય કોઈ ડીલ માટે પાન સૌથી જરૂરી ડોક્યુમેન્ટ છે. 

ભારે દંડ લાગી શકે છે
પાન કાર્ડ ડિએક્ટિવેટ થઈ જાય તો કોઈપણ પ્રકારના નાણાંકીય કાર્ય થઈ શકતા નથી. તે માટે 10,000 રૂપિયા સુધીનો દંડ લાગી શકે છે. આવકવેરા ધારા 272B હેઠળ દંડની જોગવાઈ લાગુ કરવામાં આવી છે.
 
પાન કાર્ડ અને આધાર કાર્ડ લિંક છે કે નહીં
જો તમારું પાન કાર્ડ આધાર કાર્ડ સાથે લિંક નથી તો તે માટે તમારે આવકવેરાની વેબસાઈટ પર જવાનું રહેશે. ત્યાર પછી લિંક આધાર સ્ટેટ્સ પર ક્લિક કરો. સ્ક્રીન પર વિંડો ઓપન થશે. જ્યાં 'View Link Aadhaar Status’ પર ક્લિક કરવાનું રહેશે. ત્યારબાદ તમને એક મેસેજ જોવા મળશે કે, તમારું પાન કાર્ડ અને આધાર કાર્ડ લિંક છે કે નહીં?

પાન કાર્ડ અને આધાર કાર્ડ લિંક

• ઈન્કમ ટેક્સની અધિકૃત વેબસાઈટ www.incometax.gov.in પર લોગ ઈન કરો.
• ક્વિંક લિક્સ સેક્શનમાં જઈને લિંક આધાર પર ક્લિક કરો.
• સ્ક્રીન પર એક નવી વિન્ડો જોવા મળશે.
• પાન નંબર, આધાર નંબર અને મોબાઈલ નંબર એન્ટર કરો.
• 'I validate my Aadhaar details'  ઓપ્શન સિલેક્ટ કરો. 
• રજિસ્ટર્ડ મોબાઈલ નંબર પર OTP આવશે, જે એન્ટર કરીને વેલિડેટ પર ક્લિક કરો. 
• લેટ ફી ભર્યા પછી તમારું પાનકાર્ડ અને આધાર કાર્ડ લિંક થઈ જશે.