જાહેરાત / એશિયા કપ વચ્ચે આ દિગ્ગજ ખેલાડીએ સન્યાસનું કર્યું એલાન, 2008માં રમી હતી પહેલી ઈન્ટરનેશન મેચ

• પાકિસ્તાનના સ્ટાર ખેલાડીને લઈને મહત્વના સમાચાર
• પાકિસ્તાનના ફાસ્ટ બોલરે ઈન્ટરનેશનલ અને ફર્સ્ટ ક્લાસ ક્રિકેટમાંથી નિવૃત્તિની કરી જાહેરાત
• સોહેલ ખાને સોશિયલ મીડિયા હેન્ડલ પર કરી પોસ્ટ શેર 

એશિયા કપ 2023 નો બરાબરો માહોલ જામી રહ્યો જોકે તેમા વરસાદ વેરી બનતા હવે બાકીની મેચો શિફ્ટ કરવા સહિતની ગતિવિધિઓ ચાલી રહી છે. આવી સ્થિતિ વચ્ચે પાકિસ્તાનના સ્ટાર ખેલાડીને લઈને મહત્વના સમાચાર સામે આવી રહ્યા છે. જેમા ખેલાડીના અચાનક મોટો નિર્ણયને લઇને તે ચર્ચામા આવ્યો છે. વાત એમ છે કે પાકિસ્તાનના ફાસ્ટ બોલર સોહેલ ખાને ઈન્ટરનેશનલ અને ફર્સ્ટ ક્લાસ ક્રિકેટમાંથી નિવૃત્તિની જાહેરાત કરી છે. તેને પોતાના સોશિયલ મીડિયા હેન્ડલ પર એક પોસ્ટ શેર કરી સત્તાવાર માહિતી આપી છે. આ ખેલાડીએ તેની છેલ્લી આંતરરાષ્ટ્રીય મેચ વર્ષ 2017માં રમી હોવાનું પણ જાણવા મળી રહ્યું છે.

After a thorough consultation with my close ones, I’ve decided to retire from International & First Class Cricket.

Big thank you to PCB, my family, coaches, mentors, teammates, fans, and everyone who supported me. 🙏

I would continue playing domestic white ball & franchise 🏏 pic.twitter.com/yb8daW6mEx

— Sohail Khan (@iSohailKhanPak) September 3, 2023

ફ્રેન્ચાઈઝી ક્રિકેટ રમવાનું ચાલુ
ફાસ્ટ બોલર સોહેલ ખાને ઈન્ટરનેશનલ અને ફર્સ્ટ ક્લાસ ક્રિકેટમાંથી સન્યાસ અંગે સત્તાવાર સમર્થન આપ્યું છે. સોશિયલ મીડિયા પર ફોડ પાડતા કહ્યું કે 'મારી નજીકના લોકો સાથે ચર્ચા અને વિચાર કર્યા બાદ મેં આંતરરાષ્ટ્રીય અને પ્રથમ વર્ગ ક્રિકેટમાંથી નિવૃત્તિ લેવાનો નિર્ણય કર્યો છે. પાકિસ્તાન ક્રિકેટ બોર્ડ, પરિવાર, કોચ, માર્ગદર્શક, ખેલાડીઓ, ચાહકો અને સહિતનાઓનો સહકાર આપવા બદલ આભાર. ડોમેસ્ટિક વ્હાઇટ બોલ અને ફ્રેન્ચાઈઝી ક્રિકેટ રમવાનું ચાલુ રાખવા અંગે પણ પોતે જણાવ્યું છે.

 27 મેચ રમી છે સોહેલ ખાને

ક્રિકેટ કરિયરની વાત કરવામાં આવે તો પાકિસ્તાન માટે સોહેલ ખાને તેની પ્રથમ આંતરરાષ્ટ્રીય મેચ વર્ષ 2008માં રમી હતી. બાદમાં લાંબા સમયથી આ ખેલાડીનો ટીમમાં સમાવેશ થયો ન હતો. સોહેલ ખાને પાકિસ્તાન માટે 9 ટેસ્ટ, 13 ODI અને 5 T20 ઈન્ટરનેશનલ મેચમાં ક્રમ અનુસાર 27, 19 અને 5 વિકેટ પોતાને નામ કરી હતી. તે જ સમયે, સોહેલ ખાને 121 ફર્સ્ટ ક્લાસ મેચમાં 516 વિકેટ ઝડપી હતી.