મહામારી / પાકિસ્તાન તો દુનિયાથી પણ આગળ નીકળ્યું, એવી રસી બનાવી રહ્યું છે કે જાણીને સૌ કોઈ થયા દંગ

• પાકિસ્તાનની પોતાની કોરોના વેક્સિન તૈયાર કરશે
• ફક્ત એક જ ડોઝ લેવો પડશે
• ચીનની મદદથી તૈયાર કરશે આ વેક્સિન 

કોરોનાના કોહરામની વચ્ચે ચીન અને બીજા દેશોની રસી દ્વારા રસીકરણ અભિયાન ચલાવી રહેલા પાકિસ્તાનનો આ દાવો કેટલો સાચો પડશે તે તો સમય કહેશે. 

મીડિયા રિપોર્ટ અનુસાર, એક અધિકારીએ નેશનલ એસેમ્બલીની પેનલને આ અંગેની જાણકારી આપી હતી. અધિકારીએ પેનલને જણાવ્યું કે નેશનલ ઈન્સ્ટીટ્યુટ ઓફ હેલ્થ થોડા વખતમાં પાકિસ્તાનની પોતાની કોરોના વેક્સિન તૈયાર કરશે જેનો ફક્ત એક જ ડોઝ લેવો પડશે. આ વેક્સિન ચીનની CansinoBio  કોવિડ વેક્સિન જ હશે અને પાકિસ્તાન તેની ટેકનોલોજી ચીન પાસેથી લેશે. પાકિસ્તાની તેને માટે ક્લિનિકલ ટ્રાયલ પણ શરુ કરી છે. 

પાકિસ્તાને ચીનની વેક્સિન ટેકનોલોજી ટ્રાન્સફર કરવાની દરખાસ્ત કરી

એનઆઈએચના એક્ઝિક્યુટીવ ડિરેક્ટર મેજર જનરલ આમિર ઈકરામે જણાવ્યું કે પાકિસ્તાને ચીનની વેક્સિન ટેકનોલોજી ટ્રાન્સફર કરવાની દરખાસ્ત કરી છે. વેક્સિન માટેનો કાચો માલ આ મહિને પાકિસ્તાન પહોંચી જશે. આ માટે ચીનની એક ટીમ પણ પાકિસ્તાન પહોંચી ગઈ છે. 

પાકિસ્તાને આ વર્ષે કોરોના રસીકરણનો પ્રારંભ કર્યો છે

પાકિસ્તાને આ વર્ષે કોરોના રસીકરણનો પ્રારંભ કર્યો છે. ચીને પાકિસ્તાનને કોરોના વેક્સિનના 5 લાખ ડોઝ આપ્યા હતા જે પછી આ અભિયાન શરુ કરવામાં આવ્યું હતું. પાકિસ્તાનને ગ્લોબલ એલાયન્સ ફોર વેક્સિન એન્ડ ઈમ્યુનાઈઝેશન દ્વારા ભારતીય વેક્સિન પણ મળશે. જુન સુધીમાં કોરોનાના 1.6 કરોડ ડોઝ પાકિસ્તાન પહોંચવાની સંભાવના છે. પાકિસ્તાનમાં હાલમાં કોરોનાના કુલ 7.34 લાખ કેસો છે તો 15,754 લોકોના કોરોનાને કારણે મોત થયા છે. ઓછા પ્રમાણમાં ટેસ્ટિંગ થઈ રહ્યું હોવાથી પાકિસ્તાનમાં કોરોનાના કેસો ઓછા આવી રહ્યાં છે.