મુંબઈ / કંગના રનૌતની સમસ્યામાં વધારો, ઉદ્ધવ સરકારે કંગના વિરુદ્ધ ડ્રગ્સ મામલે મુંબઈ પોલીસ કમિશનરને આપ્યા તપાસના આદેશ

• કંગના રનૌત વિરુદ્ધ ડ્રગ્સ મામલે તપાસના આદેશ 
• ઉદ્ધવ સરકારે મુંબઈ પોલીસ કમિશનરને આપ્યો આદેશ
• અધ્યયને કંગના પર ડ્રગ્સ લેવાનો લગાવ્યો હતો આરોપ
• અભિનેતા અધ્યયન સુમને લગાવ્યો હતો આરોપ

કંગના રનૌત વિરુદ્ધ ડ્રગ્સ મામલે તપાસના આદેશ અપાયા છે. ઉદ્ધવ સરકારે મુંબઈ પોલીસ કમિશનરને આદેશ આપ્યો છે. અભિનેતા અધ્યય સુમને કંગના પર ડ્રગ્સ લેવાનો  આરોપ લગાવ્યો હતો. જેના કારણે કંગનાની મુશ્કેલીમાં વધારો થયો છે. જોકે કંગના તેની સામેના તમામ પડકારોની મક્કમતાથી જવાબ આપી રહી છે.

ઉલ્લેખનીય છે કે  સામનામાં કંગના વિવાદને લઈને ભાજપ પર પ્રહાર કરવામાં આવ્યા છે. સામનામાં પણ કંગના રનૌત વિશે કહેવાયું છે કે તેને નવા અફિણનો નશો છે.  સામનામાં ભાજપ અને કંગના પર નિશાન સધાયું છે. જેમાં લખાયું છે કે બિહારમાં રાજપૂતોના મત મેળવવા માટે કંગનાનો ઉપયોગ કરવામાં આવી રહ્યો છે. તેમજ ખુલાસો કર્યો છે કે કંગનાની ઓફિસ સાથે શિવસેનાને કોઈ લેવાદેવા નથી.

ઉલ્લેખનીય છે કે, મુંબઈમાં કંગનાની ઓફિસમાં BMCએ નોટિસ ફટકાર્યા બાદ હવે મહારાષ્ટ્ર સરકાર ડ્રગ્સ મામલે તપાસ કરશે. મહારાષ્ટ્રના ગૃહમંત્રી અનિલ દેશમુખે કહ્યું કે કંગના પર ડ્રગ્સ લેવાનો આરોપ છે. કંગના રનૌતે ડ્રગ્સ મામલાની તપાસ મુદ્દે કંઈપણ બોલવાનો ઈનકાર કર્યો હતો.

ઉલ્લેખનીય છે કે, શિવસેનાના નેતા સુનિલ પ્રભુ અને પ્રતાપે અધ્યયન સુમનના જુના ઇન્ટરવ્યૂની કોપી મહારાષ્ટ્ર સરકારને સોંપી છે. અધ્યયન સુમને આરોપ લગાવ્યો છે કેસ કંગના ડ્રગ્સ લે છે અને તેને પણ જબરજસ્તી સેવન કરાવ્યું હતું. ત્યારબાદ સરકારે સમગ્ર મામલે તપાસના આદેશ આપ્યા છે. 

મહારાષ્ટ્ર કોંગ્રેસે કંગના રનૌત સાથે જોડાયેલી ડ્રગ લિંક્સની પણ તપાસની માંગ કરી હતી. કોંગ્રેસના પ્રવક્તા સચિન સાવંતે કહ્યું હતું કે કેટલાક વીડિયો બહાર આવ્યા છે જેમાં કંગનાએ સ્વીકાર્યું છે કે તે ડ્રગ્સ લે છે. જો એમ છે, તો પછી કોણ તેમને ડ્રગ્સ સપ્લાય કરતો હતો. એનસીબી આ મામલાની તપાસ કરી રહી છે અને તેણે કંગનાને લગતા કેસની પણ તપાસ કરવી જોઈએ. સચિન સાવંતે વધુમાં કહ્યું હતું કે, કંગનાના પૂર્વ સહયોગીઓએ ખુલાસો કર્યો છે કે, તે કોકેઇનનું પણ સેવન કરે છે અને જો ખરેખર તે વાત સાચી છે તો NCB આ મામલાની પૂછપરછ કરશે.