ગુજરાત / રામમંદિરના દરવાજા ખોલવાની શરૂઆત કોંગ્રેસે કરી હતી: ધારાસભ્ય કિરીટ પટેલનું નિવેદન

• કોંગ્રેસ MLA કિરીટ પટેલનું રામમંદિર અભિનંદન પ્રસ્તાવને લઈને નિવેદન
• રામમંદિરના દરવાજા ખોલવાની શરૂઆત કોંગ્રેસે કરી હતી: કિરીટ પટેલ
• "ભગવાન રામ તમામ માટે આદર્શ રાજા"

ગુજરાત વિધાનસભા ગૃહમાં રામમંદિર અભિનંદન પ્રસ્તાવ રજૂ કરાયો હતો. જેને લઈ કોંગ્રેસના પાટણ ધારાસભ્ય કિરીટ પટેલનું મહત્વનું નિવેદન સામે આવ્યું છે. ધારાસભ્ય કિરીટ પટેલે જણાવ્યું હતું કે, રામમંદિરના દરવાજા ખોલવાની શરૂઆત કોંગ્રેસે કરી હતી. ભગવાન રામ તમામ માટે આદર્શ રાજા છે.

'સત્તાનો દુરુપયોગ બંધ કરો ત્યારે રામરાજ્ય આવશે'
તેમણે કહ્યું હતું કે,  રામમંદિર અભિનંદન પ્રસ્તાવનું અમે સમર્થન કરીશું, રામરાજ્યની વાત કરો છો તો રામ ન્યાયપ્રિય હતા. વધુમાં કહ્યું કે, માનવ અધિકારનો ભંગ ન થાય તેમજ વિપક્ષને પણ તેનો બંધારણીય અધિકાર મળવો જોઈએ. સત્તાનો દુરુપયોગ બંધ કરો ત્યારે રામરાજ્ય આવશે. તેમણે કહ્યું કે, રામ રાજ્યની વાતમાં તમે ED અને CBIનો દૂરપયોગ કરો છો તે ખરા અર્થમાં રામ રાજ્ય નથી. રામ મંદિર બનાવીને ખરા અર્થમાં રામ રાજ્યની વાત કરતા હોય તો અમે ચોક્કસ તેને સમર્થન કરીશું 

વાંચવા જેવું: મૌલાના ભડકાઉ ભાષણ કેસમાં 4ની અટકાયત: જૂનાગઢ ઉપરાંત આ જગ્યાઓનું પણ કનેક્શન ખૂલ્યું, ATSના ખુલાસા

વિધાનસભા ગૃહમાં અમિત ચાવડાનું નિવેદન 
વિધાનસભા ગૃહમાં અમિત ચાવડા વિવિધ મુદ્દાને લઇને સરકાર પર આકરા પ્રહાર કર્યા હતાં. તેમણે કહ્યું કે, ગુજરાતની જનતાને ઘરના GDPની ચિંતા  છે. લાખો યુવકો સરકારી નોકરીની તૈયારી કરે છે.  પરીક્ષા લેવાય છે ત્યારે પેપર ફૂટે છે અને કાયમી પુરા પગારની નોકરી મળતી નથી. કોર્ટમાં હક માટે યુવાનો ધક્કા ખાઇ રહ્યાં છે તેમજ ટેટ-ટાટ પાસ શિક્ષકો કાયમી શિક્ષકોની ભરતી માટે રાહ જોવે છે. વધુમાં આક્ષેપો કરતા કહ્યું કે, નકલી સિરપ અને દારૂ મળતા થયા છે. ગુજરાતમાં જમીની હકિકત વિપરીત છે