ભાવ વધારો / અચાનક જ ડુંગળીના ભાવ વધતાં ગૃહિણીઓ ચોંકી: ક્યાંક 70 તો ક્યાંક 90 રૂપિયામાં મળે છે એક કિલો, 100 પાર જાય તેવી શક્યતા

• નવરાત્રીથી સતત વધી રહ્યા છે ડુંગળીના ભાવ 
• છેલ્લા 20 દિવસમાં ઝડપથી વધી રહ્યા છે ડુંગળીના ભાવ 
• બજારમાં ડુંગળીની અછતના કારણે કિંમતોમાં વધારો 

ડુંગળીની કિંમતોમાં ખૂબ વધારો થયો છે. દિવાળી પહેલા ડુંગળીના ભાવ સતત વધી રહ્યા છે. ગયા અઠવાડિયે 35-40 રૂપિયા પ્રતિ કિલોની કિંમત પર વેચાઈ રહેલી ડુંગળી હાલ 60-80 રૂપિયા સુધી પહોંચી ગઈ છે. તહેવારોની સીઝન પહેલા ટામેટાના ભાવમાં ઘટાડો થયા બાદ હવે ડુંગળીની કિંમતો પણ સતત વધી રહ છે. છેલ્લા 20 દિવસમાં ડુંગળીા ભાવમાં ખૂબ વધારો થયો છો. એવામાં ડુંગળીની કિંમત 100 રૂપિયા કિલો સુધી પહોંચે તેવી શક્યતા છે. 

#WATCH | Delhi: On high onion prices, an onion trader at Ghazipur vegetable market says, "The inflow of the onion is low resulting in high rates. Today the rates are Rs. 350 (per 5 Kg). Yesterday, it was Rs. 300. It was Rs. 200 before that. A week ago, rates were Rs. 200, Rs. 160… pic.twitter.com/xLVNDQwtGF

— ANI (@ANI) October 28, 2023

આ કારણે વધી રહ્યા છે ભાવ 
ડુંગળીની કિંમતો પર વ્યાપારીઓનું કહેવું છે કે ડુંગળીની આવક ઓછી છે. જેના કારણે કિંમતો સતત વધી રહી છે. આજે ડુંગળીના ભાવ 350 રૂપિયા પ્રતિ 5 કિલો છે. કાલે તે 300 રૂપિયા હતા. ત્યાં જ એક અઠવાડિયા પહેલા આ ભાવ 200થી 250 રૂપિયા સુધી હતા. 

બફર સ્ટોકનું વેચાણ વધ્યું 
ડુંગળીનો રિટેલ ભાવ 57 ટકા વધીને 47 રૂપિયા પ્રતિ કિલો થયા બાદ કેન્દ્રએ ગ્રાહકોને રાહત આપવા માટે રિટેલ બજારોમાં 25 રૂપિયા પ્રતિ કિલોના રાહત દરે બફર સ્ટોકમાંથી ડુંગળીના વેચાણમાં વધારો કરવાનો નિર્ણય કર્યો છે. એક વર્ષ પહેલા આજ સમયગાળામાં ડુંગળી 30 રૂપિયે પ્રતિ કિલો હતી.