કાયદાની શીખ / યુવાનોમાં સસ્તી લોકપ્રિયતાનો ક્રેઝ: એકે ઈકો ગાડી પર બનાવી રીલ્સ, તો બીજાએ તલવાર કાઢી બર્થ ડે ઉજવ્યો, જુઓ કરતૂતનો વીડિયો

Gujarat News: લોકચાહના માટે કાયદાનું ઉલ્લંઘન! બનાસકાંઠા અને સુરતમાં જીવના જોખમે રિલ્સ બનાવાઈ, પોલીસે બન્ને યુવાનોની કરી અટકાયત #gujaratnews #sabarkanthanews #suratnews #stunt #reels #vtvgujarati pic.twitter.com/RUdOfPy1EV

— VTV Gujarati News and Beyond (@VtvGujarati) October 1, 2023

• જીવનાં જોખમે યુવકો રિલ્સ બનાવી કરે છે વાયરલ
• બનાસકાંઠામાં બે યુવકો દ્વારા રિલ્સ બનાવી વાયરલ કરતા કાર્યવાહી
• સુરતમાં પણ એક યુવક હાથમાં તલવાર લઈ ઉભેલો વીડિયો વાયરલ કર્યો

રાજ્યમાં સસ્તી લોકપ્રિયતા મેળવવાના ચક્કરમાં લોકો સોશિયલ મીડિયા માટે જોખમી વીડિયો બનાવીને પોતાના જીવ જોખમમાં મુકે છે. તેમજ હથિયારો, કાર અને સ્ટંટ કરીને જન્મ દિવસની ઉજવણી કરતા હોઈ છે. ત્યારે આવી જ ઘટના સુરત અને બનાસકાંઠામાં સામે આવી છે. બનાસકાંઠાના થરાદ-સંચોર હાઈવે પર ઇકો કાર ઉપર બેસી જોખમી રિલ્સ બનાવતા યુવાનો વીડિયોમાં જોવા મળી રહ્યા છે. તો બીજી તરફ સુરતના વીડિયોમાં જન્મદિવસને લઈ જાહેરમાં તલવાર લઈ ઉભેલા યુવકનો વીડિયો વાયરલ થયો હતો. સુરતના વીડિયોને લઈ પોલીસની કામગીરી પર સવાલો ઉઠી રહ્યા છે.

થરાદ પોલીસે રિલ્સ બનાવનાર બન્ને યુવક વિરુદ્ધ કરી કાર્યવાહી 
બનાસકાંઠામાં જોખમી રિલ્સ બનાવનાર બે યુવકોની પોલીસે અટકાયત કરી કાયદેસરની કાર્યવાહી હાથ ધરી છે. થરાદ-સાંચોર હાઈવે પર ઈકો કાર પર બેસી જોખમી રિલ્સ બનાવી હતી. જોખમી રિલ્સનો વીડિયો વાયરલ થયા બાદ પોલીસે કાર્યવાહી કરી હતી. થરાદ પોલીસે રિલ્સ બનાવનાર બંને યુવક મનોજ દરજી અને યાસીન નામનાં બે શખ્શની અટકાયત કરી તેઓ સામે કાયદેસરની કાર્યવાહી હાથ ધરી હતી. 

પંકજ યાદવ નામનો વ્યક્તિ જાહેરમાં તલવાર કાપી રહ્યો છે કેક 
સુરતમાં પોલીસ કમિશ્નરનાં જાહેરનામાનો ફરી ભંગ કરતો વીડિયો વાયરલ થયો છે. ત્યારે જાહેરમાં તલવાર વડે કેક કાપી જન્મદિવની ઉજવણીનો વીડિયો વાયરલ થયો હતો. જાહેરમાં તલવાર વડે કેક કાપી જન્મ દિવસની ઉજવણીનો પંકજ યાદવ નામનાં વ્યક્તિનો વીડિયો વાયરલ થયો હતો. જાણવા મળતી માહિતી મુજબ પંકજ પટેલ માથાભારે શખ્સની છાપ ધરાવે છે.