રાજકોટ / '...આવું ને આવું જોર ધર્મના માટે કરજો, આપણને નડે એને', ધર્મના રક્ષણ માટે શું બોલ્યા વજુભાઇ વાળા

• સનાતન ધર્મ મુદ્દે વજુભાઈ વાળાનું નિવેદન 
• "વિવાદથી નહી સંવાદથી ઉકેલ લાવવો"
• "ધર્મ વચ્ચે સંઘર્ષ ન ઉભો થવો જોઈએ"

Rajkot news : રાજકોટમાં જન્માષ્ટમીની શોભાયાત્રામાં સાળંગપુર વિવાદના પડઘા પડ્યા છે. જન્માષ્ટમીની શોભાયાત્રામાં સનાતન ધર્મ મુદ્દે વજુભાઈ વાળાનું નિવેદન સામે આવ્યું છે. તેમણે કહ્યું કે, સમસ્ત હિન્દૂ સમાજને એક થવાની જરૂર છે અને વિવાદથી નહી સંવાદથી ઉકેલ લાવવો જોઈએ

વજુભાઈ વાળાએ શું કહ્યું ?
વજુભાઈ વાળાએ કહ્યું કે, ભૂલ જે પણ હોય, પરંતુ ધર્મ વચ્ચે સંઘર્ષ ન ઉભો થવો જોઈએ. તેમણે ઉમેર્યું કે, નાની ભૂલમાં તલવાર કાઢવી યોગ્ય નથી અને જે પણ વિવાદ હશે તેનો સુખદ ઉકેલ આવશે. ભવિષ્યમાં ભૂલનું પૂનરાવર્તન ન થાય તે જરૂરી. તેમણે કહ્યું કે, જીંદગીમાં ઓછું જીવો પણ મર્દાનગીથી જીવો. અત્રે ઉલ્લેખનીય છે કે, રાજકોટમાં જન્માષ્ટમીની શોભાયાત્રામાં સાળંગપુર વિવાદના પડઘા પડ્યા છે અને આ વખતે ધર્મ સભામાં સ્વામિનારાયણના સંતો ન જોવા મળ્યા.

'ઉકેલ સંવાદિત હોઈ શકે છે વિવાદિત ન હોઈ શકે'
વજુભાઈ વાળાએ કહ્યું કે, આજે કૃષ્ણ ભગવાનનો જન્મદિવસ છે અને કૃષ્ણ ભગવાનએ સમગ્ર વિશ્વને ઉપદેશ આપ્યો છે. તેમણે જગતગુરૂનો બિરૂદ પાપ્ત કર્યો છે ત્યારે તેમના જીવન પરથી આપણે પ્રેરણા લઈ સમસ્ત હિન્દુ ધર્મ અને ભારત વર્ષનો ઉત્કૃષ કરીએ. તેમણે વધુમાં કહ્યું કે, કોઈ પણ વિવાદ ઉભો થાય ત્યારે તેનો ઉકેલ સંવાદિત હોઈ શકે છે વિવાદથી ન હોઈ શકે. કોઈ પણ માણસની ભૂલ થાય તો તે માટે સામેના માણસને કન્વીશ કરી સુધારવી જોઈએ. 

ઈન્ડિયા-ભારત મુદ્દે વજુભાઈ વાળાનું નિવેદન
તેમણે કહ્યું કે, ધર્મની વિરુદ્ધ પ્રવચન કરે તેમને મોટા કેવા કે નહીં તે સમાજે નક્કી કરવાનું છે. આવતા દિવસોની અંદર કોઈ આવી ભૂલ ન કરે તેવું પણ નિરૂપણ કરવાની જરૂર છે. તેમણે ઈન્ડિયા-ભારત મુદ્દે કહ્યું કે, ઇન્ડિયા એજ ભારત, ભારત આપણો દેશ, ભારતના આપણે વાસીઓ છીએ. આપણે સૌ ભારતમાં રહીએ છીએ