રાહતની વાત! / 'ગુજરાતમાં વીજકાપ નહીં મુકાય, ચિંતા મુક્ત રહો', જાણો કોણે કરી સ્પષ્ટતા

• રાજ્યમાં વીજકાપ મામલે સ્પષ્ટતા
• અધિકારીઓએ આપ્યું નિવેદન
• વીજકાપ નહીં મુકાય ચિંતા મુક્ત રહોઃ અધિકારી

રાજ્યમાં વીજસંકટને લઈને પ્રજાના મનમાં અનેક સવાલો અને મુંઝવણો હતી. તેને ધ્યાને રાખીને વીટીવીએ મહામંથનમાં આ પ્રજાનો મુદ્દો ઉઠાવ્યો હતો અને તેની નોંધ તંત્રએ લીધી છે. તંત્રએ નોંધ લઈને લોકોને કોઈ ચિંતા ન કરવાની અપીલ કરી છે. રાજ્યમાં કોઈપ્રકારનો વીજ કાપ નહીં આવે, તેવી મહેસાણા, વડોદરા અને સુરતના અધિકારીઓએ માહિતી આપી છે.

ઉર્જા મંત્રીએ કહ્યું હતું કે, ટૂંક સમયમાં જ પરિસ્થિતિ સામાન્ય થઈ જશે

આ અગાઉ ગુજરાતમાં કોલસા સંકટ મુદ્દે ઉર્જા મંત્રી કનુ દેસાઇએ મોટો દાવો કર્યો હતો. કનુભાઈ દેસાઈએ વાપીના એક કાર્યક્રમમાં જણાવ્યું હતું કે આ સમસ્યા થોડા દિવસ માટે છે અને ટૂંક સમયમાં જ પરિસ્થિતિ સામાન્ય થઈ જશે. દેશના અન્ય રાજ્યોની સરખામણી ગુજરાતમાં પરિસ્થિતિ સારી છે. ખેડૂતોને પાક સિંચાઇ માટે વિજળીની જરૂરિયાત હોવાને કારણે તેમની પણ માંગ છે ત્યારે ઉર્જામંત્રીએ ખેડૂતોને વિજળી આપવા અંગે સરકાર વિચારણા કરી રહી હોવાની પણ વાત કહી છે.

ખેડૂતોને આપવામાં આવશે રાત્રે વીજળી

કનુભાઇ દેસાઇએ જણાવ્યું હતું કે રાજ્યમાં ચાલી રહેલી કોલસાની સમસ્યા ગણતરીના દિવસોમાં પૂરતી જ છે. આગામી ટૂંક સમયમાં તે સમસ્યા પણ પૂરી થઈ જશે. જોકે સૌરાષ્ટ્ર સહિત રાજ્યના કેટલાક વિસ્તારોમાં જ્યાં વીજ પુરવઠાની જરૂરીયાત છે તેવા વિસ્તારોમાં ખેડૂતો માટે રાત્રે પણ વીજ પૂરવઠો આપવાં માટે સરકાર પ્લાનિંગ કરી રહી છે.