સરળ પ્રક્રિયા / હવે ઘરની છત પર સોલર પ્લાન્ટ લગાવવાનું થયુ સરળ, જાણી લો સમગ્ર પ્રક્રિયા

• ઘરની છત પર સોલર પ્લાન્ટ લગાવવુ થયુ સરળ
• સરકારના મંત્રાલયે નવી સરળ પ્રક્રિયાને કરી જાહેર
• વ્યક્તિએ હવે નેશનલ પોર્ટલ પર અરજી મોકલવી પડશે

સોલર પ્લાન્ટ સ્થાપિત કરવા નેશનલ પોર્ટલ પર અરજી મોકલવી પડશે

નવા નિયમો હેઠળ લાભાર્થી પાસેથી અરજીને રજીસ્ટર કરવા, તેની મંજૂરી અને સ્ટેટસ પર નજર રાખવા માટે એક નેશનલ પોર્ટલ ડેવલપ કરવામાં આવશે. ડિસ્કોમ લેવલ પર સમાન ફોર્મેટમાં એક પોર્ટલ હશે અને બંને પોર્ટલોને લિન્ક કરવામાં આવશે. નવી વ્યવસ્થા હેઠળ છત પર સૌર પ્લાન્ટ (રૂફટોપ સોલર-આરટીએસ) સ્થાપિત કરવા માટે વ્યક્તિને હવે નેશનલ પોર્ટલ પર પોતાની અરજી મોકલવી પડશે. લાભાર્થીને પોતાના એવા બેંક ખાતાના વિવરણની સાથે જરૂરી માહિતી જમા કરવી પડશે. જેમાં સબસિડીની રકમ ટ્રાન્સફર કરવામાં આવશે. અરજી સમયે લાભાર્થીની સમગ્ર પ્રક્રિયા અને આ સબસિડીની રકમ અંગે જાણકારી આપવામાં આવશે. જેની મદદથી સોલર પ્લાન્ટને ઈન્સ્ટોલ કરી શકાય છે.

અરજીને 15 દિવસમાં ડિસ્કૉમને ફોરવર્ડ કરાશે

ટેકનિકલ રીતે તેની મંજૂરી લેવા માટે અરજીને આગામી 15 કામકાજના દિવસની અંદર સંબંધિત ડિસ્કોમને ઑનલાઈન ફોરવર્ડ કરવામાં આવશે. ડિસ્કૉમને અરજીને ટ્રાન્સફર કર્યા બાદ તેને ડિસ્કોમ પોર્ટલ પર પણ ડિસ્પ્લે કરવામાં આવશે.

કોઈ વિક્રેતા પાસેથી સોલર પ્લાન્ટને લગાવી શકે છે

ટેકનિકલ મંજૂરી મળ્યાં બાદ લાભાર્થી પોતાની પસંદના કોઈ વિક્રેતા પાસેથી સોલર પ્લાન્ટને લગાવી શકે છે. જેના માટે વ્યક્તિને DCR ની શરતોને પૂર્ણ કરવાવાળા સોલર મૉડ્યુલને પસંદ કરવુ પડશે અને ALMM હેઠળ એનલિસ્ટ કરાવવુ પડશે અને J3IS દ્વારા સર્ટીફાઈડ ઈન્વર્ટસ લેવા પડશે. જેમાં સામેલ વિક્રેતાઓની યાદીને પોર્ટલ પર ઉપલબ્ધ કરવામાં આવશે.