મનોરંજન / શાહરુખ, અક્ષય, આમિર, ગોવિંદા... એક બે નહીં 13 સ્ટાર્સે રિજેક્ટ કરી નાંખી હતી આ ફિલ્મ, જેણે ફ્લોપ થઈને પણ રચ્યો ઈતિહાસ

• અમિતાભ બચ્ચનની ફિલ્મ 'સૂર્યવંશમ' હજુ સુધી લોકો વચ્ચે ચર્ચામાં  
• આ ફિલ્મ ટીવી પર હજારો વખત બતાવવામાં આવી છે
• 'હીરા ઠાકુર'ના રોલ માટે 13 એક્ટર્સ ના પાડી હતી 

સિનેમા જગતમાં આવી ઘણી ફિલ્મો છે જેની સ્ટોરી શાનદાર હતી પરંતુ તે ક્યારે આવી અને ક્યારે ચાલી ગઈ તેની લોકોને ખબર પણ ન પડી. પરંતુ એક એવી ફિલ્મ છે જે બોક્સ ઓફિસ પર નિષ્ફળ રહી છે. પરંતુ આ ફિલ્મ ટીવી પર એટલી વાર બતાવવામાં આવી કે તે લોકોની ફેવરિટ ફિલ્મ બની ગઈ. આજે પણ લોકો તેને જોવાનું પસંદ કરે છે. ખાસ વાત એ છે કે તે સમયે બોલિવૂડના મોટા કલાકારોએ આ ફિલ્મ કરવાની ના પાડી દીધી હતી.  

અમિતાભ બચ્ચને ઘણી ફિલ્મોમાં કામ કર્યું છે, પરંતુ તેમની એક ફિલ્મ 'સૂર્યવંશમ' ખૂબ ચર્ચામાં રહે. તેમનો ડબલ રોલ, ઝેરી ખીર, પત્નીને સરકારી ઓફિસર બનાવવી, પિતાનું માન... આવી અનેક બાબતો લોકોના મનમાં ચોંટી ગઈ છે. કેમ નહીં, આ ફિલ્મ ટીવી પર હજારો વખત બતાવવામાં આવી છે. આ ફિલ્મનું નામ આજે દરેક બાળકને ખબર હોવા છતાં, જ્યારે તે રિલીઝ થઈ ત્યારે તે ફ્લોપ હતી. જો કે તેની પાછળનું કારણ મિસકાસ્ટિંગ હતું અને કલાકારો વચ્ચે કોઈ કેમેસ્ટ્રી નહોતી. આ સિવાય શું તમે જાણો છો કે 'હીરા ઠાકુર'ના રોલ માટે 13 એક્ટર્સનો સંપર્ક કરવામાં આવ્યો હતો, પરંતુ તમામે તેને રિજેક્ટ કરી દીધો હતો.

ફિલ્મ સૂર્યવંશમ 1999માં રિલીઝ થઈ હતી. દિગ્દર્શન ઈવીવી સત્યનારાયણે કર્યું હતું. આ ફિલ્મમાં અમિતાભ બચ્ચન પિતા અને પુત્રના ડબલ રોલમાં હતા. દિવંગત અભિનેત્રી સૌંદર્યા, જયસુધા, રચના બેનર્જી, અનુપમ ખેર અને કાદર ખાન જેવા સ્ટાર્સ પણ આ ફિલ્મમાં હતા. આ ફિલ્મ 1997માં રિલીઝ થયેલી તમિલ ફિલ્મ સૂર્યા વંશમની હિન્દી રિમેક હતી.

આ 13 કલાકારોએ ફિલ્મ રિજેક્ટ કરી હતી
મીડિયા રિપોર્ટ્સ અનુસાર, 'હીરા ઠાકુર'ના રોલ માટે ગોવિંદા, મિથુન ચક્રવર્તી, જેકી શ્રોફ, અનિલ કપૂર, સની દેઓલ, સંજય દત્ત, સલમાન ખાન, શાહરૂખ ખાન, આમિર ખાન, અક્ષય કુમાર, અજય દેવગન, સુનીલ શેટ્ટી, સૈફ અલી. ખાનનો સંપર્ક કરવામાં આવ્યો હતો, પરંતુ બધાએ આ રોલ માટે ના પાડી હતી.