નિવેદન / 'ચિત્ર માટે નહીં, ચરિત્ર માટે મંદિર...', Reel બનાવનારાઓને બાબા ધીરેન્દ્ર શાસ્ત્રીની સલાહ

• નોઈડામાં બાબા બાગેશ્વરનો દિવ્ય દરબાર
• કેદારનાથ ધામ જતા લોકોને એક સલાહ આપી
• 'ચિત્ર માટે નહીં, ચરિત્ર માટે મંદિર...'

ઉત્તરપ્રદેશના નોઈડામાં બાબા બાગેશ્વર (પંડિત ધીરેન્દ્ર શાસ્ત્રી)નો દિવ્ય દરબાર લાગેલો છે. આ કથા કાર્યક્રમનું આયોજન ‘અમૃત કલ્યાણ સેવા ટ્રસ્ટ’ દ્વારા કરવામાં આવ્યું છે, જે 16 જુલાઈ સુધી રહેશે. બાબા બાગેશ્વરે એક મીડિયા હાઉસને આપેલ ઈન્ટરવ્યૂમાં કેદારનાથ ધામ જતા લોકોને એક સલાહ આપી છે. 

હાલમાં રીલ્સનો ખૂબ જ ટ્રેન્ડ ચાલી રહ્યો છે. અનેક લોકો કોઈપણ સમયે રીલ્સ બનાવી રહ્યા છે. મંદિરોમાં પણ રીલ્સ બનાવી રહ્યા છે. જે લોકો મંદિરમાં જઈને રીલ્સ બનાવી રહ્યા છે, તે લોકોને બાબા બાગેશ્વરે એક સલાહ આપી છે. 

બાબા બાગેશ્વર જણાવે છે કે, ‘મંદિર, દેવાલય તથા તીર્થસ્થળ અને ગુરુસ્થળ, પ્રદર્શનનો વિષય નથી દર્શનનો વિષય છે. મંદિરમાં જઈને ફોટોઝ ક્લિક ના કરો. ભગવાનનો ફોટો ક્લિક કરો. મંદિરમાં ચિત્ર માટે નહીં પરંતુ ચરિત્ર માટે જવું જોઈએ. આ કારણોસર શ્રદ્ધાળુઓએ મંદિર જરૂરથી જવું જોઈએ, રીલ્સ બનાવવા માટે નહીં પરંતુ આસ્થા અને શ્રદ્ધા માટે.’

બાબા બાગેશ્વરે અન્ય નિવેદન આપ્યું છે કે, ‘ફિલ્મો આપણા જીવનમાં લાંબા સમય માટે એક છાપ છોડે છે. ધર્મના વિરોધમાં કંઈ દર્શાવવામાં આવે તો, તેનો વિરોધ કરવામાં આવે તો તે ખોટું નથી. તમને એક ઉદાહરણ આપું સંતોષી માં પર એક ફિલ્મ આવી હતી, તે ફિલ્મની લોકો પર એટલી અસર થઈ હતી કે, લોકોએ શુક્રવારે ટામેટા ખરીદવાનું બંધ કરી દીધું.’

ગ્રેટર નોઈડામાં 16 જુલાઈથી બાબા બાગેશ્વરનો કાર્યક્રમ ચાલશે. જેને ધ્યાનમાં રાખીને ભારે પોલીસદળની તહેનાતી, તથા મહિલા અને પુરુષ કર્મીઓને તહેનાત કરવામાં આવ્યા છે. શ્રદ્ધાળુઓની સંખ્યાને ધ્યાનમાં રાખીને પંડાલ અને પાર્કિંગની વ્યવસ્થા કરવામાં આવી છે. સુરક્ષા માટે પોલીસની સાથે સાથે ગાર્ડ અને વોલન્ટિયર પણ ઊભા કરવામાં આવ્યા છે.