તમારા કામનું / ઘરમાં ભૂલથી પણ ન લગાવવા જોઈએ આ છોડ, વાસ્તુ અનુસાર ઘરમાં કંગાળી છવાઈ જવાની છે માન્યતા

• હિંદુ ધર્મમાં ઝાડનું ખૂબ જ મહત્ત્વ
• કેટલાક ઝાડની પૂજા કરવાથી ઘરમાં સકારાત્મકતા રહે છે
• કેટલાક છોડથી ઘરમાં નકારાત્મકતા આવે છે

હિંદુ ધર્મમાં ઝાડનું ખૂબ જ મહત્ત્વ છે. માન્યતા અનુસાર કેટલાક ઝાડની પૂજા કરવાથી ઘરમાં સકારાત્મકતા રહે છે અને ધન ધાન્યની કમી થતી નથી. કેટલાક છોડ એવા હોય છે, જે ઘરમાં રાખવાથી નકારાત્મકતા આવે છે અને ઘરમાં કંગાળી આવે છે. અહીંયા તે પ્રકારના ઝાડ અને છોડ વિશે જાણકારી આપવામાં આવી છે. 

ઘરમાં આ છોડ બિલકુલ પણ ના લગાવવા
કાંટેદાર છોડ- વાસ્તુ શાસ્ત્ર અનુસાર ઘર અથવા ઓફિસમાં કાંટેદાર છોડ ના રાખવા જોઈએ. જેથી તમારી આસપાસ નકારાત્મકતા ઊભી થવા લાગે છે. 

આંબલીનો છોડ- વાસ્તુશાસ્ત્ર અનુસાર ઘરમાં ભૂલથી પણ આંબલીનો છોડ ના લગાવવો જોઈએ. આ છોડ ઘરમાં લગાવવાથી લડાઈ ઝઘડા થાય છે અને ઘરમાં નકારાત્મકતા આવે છે. 

મહેંદીનો છોડ- માન્યતા અનુસાર ઘરમાં મહેંદીનો છોડ લગાવવાથી ખરાબ શક્તિઓનો વાસ રહે છે. આ છોડ ઘરમાં લગાવવાથી ઘરમાં નકારાત્મક ઊર્જાનો સંચાર થાય છે, જેથી ઘરની સુખ શાંતિ ભંગ થઈ જાય છે. 

બાવળનો છોડ- શાસ્ત્રો અનુસાર બાવળનો છોડ લગાવવાથી વાદ વિવાદ ઉત્પન્ન થાય છે. જેના કારણે પરિવારના સભ્યો માનસિકરૂપે બીમાર રહેવા લાગે છે. ઘરની આસપાસ આ છોડ કે ઝાડ હોય તો તેને અશુભ માનવામાં આવે છે. 

પીપળો-  વાસ્તુશાસ્ત્ર અનુસાર ઘરમાં આ છોડ લગાવવામાં આવે તો નકારાત્મક ઊર્જા ઉત્પન્ન થાય છે. ઘરની દીવાલ અથવા કોઈ ખૂણમાં પીપળાનો છોડ લગાવવામાં આવે તો તે હટાવી દેવા જોઈએ. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)