OMG / VIDEO: ગૂગલ મેપ્સના ભરોસે ન રહેતા! નહીંતર સીધા સ્વર્ગ પહોંચી જશો, જુઓ વીડિયો

સોશિયલ મીડિયા પર હાલમાં એક વીડિયો વાયરલ થઈ રહ્યો છે જેમાં એક વ્યક્તિ પહાડી વિસ્તારોમાં બાઈક ચલાવતો જાય છે અને તેને માર્ગદર્શન માટે મોબાઇલ પર ગૂગલ મેપ્સનો સહારો લેવાયો છે. આ વીડિયોમાં સૌથી ચોંકાવનારી ક્ષણ ત્યારે આવે છે જ્યારે ગૂગલ મેપ્સ તેને જે તરફ જવાની દિશા બતાવે છે, ત્યાં કોઈ રસ્તો જ નથી એ તરફ એક મોટી ખાઈ છે. એક ઇંચ પણ આગળ વધે તો જાણે સીધા ખાઈમાં પડી જવાની સ્થિતિ. આ ઘટનાએ લોકોનું ધ્યાન ખેંચ્યું છે અને ટેકનોલોજી પર અંધવિશ્વાસ કેટલો ખતરનાક બની શકે છે તે યાદ અપાવ્યું છે.

ભૂતકાળમાં માણસો દિશા માટે સ્થાનિક લોકો પાસે પૂછતા, માર્ગમાં મળતા દુકાનદાર કે મુસાફરોને રોકીને પૂછપરછ કરતા અને ત્યારબાદ જ રસ્તો નક્કી કરતા. સ્માર્ટફોન અને ગૂગલ મેપ્સના આગમન સાથે મુસાફરીની આ પરંપરાગત રીત ધીમે ધીમે ઓછી થઈ ગઈ છે. આજના યુગમાં મોટાભાગના લોકો પોતાની ટ્રાવેલિંગ શરૂ કરતાં પહેલાં સીધો મેપ્સ ખોલે છે અને માર્ગદર્શનનું કામ મોબાઇલને સોંપી દે છે. પણ ટેકનોલોજી કેટલી મદદરૂપ છે એ સાથે કેટલા વખત તો ભ્રામક પણ સાબિત થાય છે તે આ વીડિયો ફરી યાદ અપાવે છે. આ બાઈકચાલકને મેપ્સના વિશ્વાસે પહાડની અતિ ખતરનાક ધાર પર પહોંચાડવામાં આવ્યો. મોબાઇલ સ્ક્રીન પર દેખાતા એરો આગળ જવાની દિશા બતાવે છે, પરંતુ સામે કોઈ પાથ કે રોડ ન દેખાતા દરેકને ચોંકાવી દે છે.

View this post on Instagram

A post shared by Tariq Katoch (@theprincediaries_1)

કેટલાક લોકોનું માનવું છે કે આ કદાચ મજાક અથવા ક્રિએટિવ રીલ પણ હોઈ શકે છે. માત્ર મનોરંજન માટે બનાવેલું કન્ટેન્ટ. સોશિયલ મીડિયામાં ચોંકાવનારા કિસ્સાઓથી લઈને નાટકિય પ્રેઝન્ટેશન સુધીની વીડિયોની ભરમાર છે. પરંતુ ભલે આ રીલ સાચી ઘટના હોય કે મજાક, છતાં એ સંદેશ બહુ સ્પષ્ટ આપે છે કે ગૂગલ મેપ્સ પણ ક્યારેક ખોટી દિશા બતાવવાનું થતું હોય છે.

ટેકનિકલ કારણો ઘણા હોઈ શકે, નેટવર્ક સમસ્યા, GPS ભૂલ, અથવા એપમાં ગેરસમજૂતી. જો મુસાફર અંધવિશ્વાસથી માત્ર સ્ક્રીનને અનુસરે અને આસપાસની પરિસ્થિતિને અવગણે, તો પરિણામ ગંભીર બની શકે છે. આ જ કારણ છે કે રસ્તાઓ અને પરિસ્થિતિઓ વિશે પોતાની સમજ રાખવી અને નજર રાખવી હંમેશા જરૂરી છે. માત્ર મોબાઇલ સ્ક્રીનના એરોને અનુસરીને નહીં.

વધુ વાંચો : લાલ કિલ્લા બ્લાસ્ટમાં NIAની મોટી કાર્યવાહી, ચાર ડોક્ટરની કસ્ટડી 10 દિવસ લંબાઈ

આ વીડિયોની પાછળ લોકોની પ્રતિક્રિયાઓ પણ રસપ્રદ છે. કોઈએ મજાક કરતા કહ્યું કે જો મેપ્સ કૂવામાં કૂદવા કહે તો શું ત્યાં પણ કૂદી જશો? તો કેટલાકે ગંભીરતા સાથે જણાવ્યું કે આ અનુભવ પછી હું ક્યારેય માત્ર મેપ્સ પર નિર્ભર રહીને ડ્રાઈવ નહીં કરું. આ સમગ્ર ઘટનાએ ટેકનોલોજી પ્રત્યેનો માનવીનો વર્તાવ ફરી સમજાવ્યો છે. ટેકનો ઉપયોગ મહત્વનો છે, પરંતુ માર્ગ જોવો અને આસપાસની હકીકત સમજવી વધુ જરૂરી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ