સ્પોર્ટ્સ / ગિલને સ્થાન નહીં, 3 નંબર પર વિરાટ કોહલી, જોઇ લો IPL 2026ની ટીમ ઓફ ટુર્નામેન્ટ!

IPL 2026ની ફાઇનલ પહેલાં પૂર્વ ભારતીય ક્રિકેટર મુરલી કાર્તિકએ પોતાની ટીમ ઓફ ધ ટુર્નામેન્ટ જાહેર કરી છે. તેમની પસંદગીમાં ઘણા સ્ટાર ખેલાડીઓને સ્થાન મળ્યું છે પરંતુ સૌથી વધુ ચર્ચા એ બાબતની થઈ રહી છે કે ગુજરાત ટાઇટન્સના કેપ્ટન શુભમન ગિલને આ ટીમમાં સ્થાન આપવામાં આવ્યું નથી. કાર્તિકે પોતાની ટીમમાં ઓપનર તરીકે સાઈ સુદર્શન અને વૈભવ સૂર્યવંશીને પસંદ કર્યા છે. જોકે વૈભવને તેમણે ઈમ્પેક્ટ પ્લેયર તરીકે રાખ્યો છે. વૈભવે આ સીઝનમાં શાનદાર બેટિંગ કરી છે અને 16 ઇનિંગ્સમાં 776 રન બનાવીને ઓરેન્જ કેપની રેસમાં ટોચ પર છે. બીજી તરફ સાઈ સુદર્શને 16 ઇનિંગ્સમાં 710 રન નોંધાવ્યા છે.

ત્રીજા નંબર પર વિરાટ કોહલી

કાર્તિકે પોતાની ટીમમાં ત્રીજા ક્રમે વિરાટ કોહલીને સ્થાન આપ્યું છે. કોહલીએ આ સીઝનમાં 15 ઇનિંગ્સમાં 600 રન બનાવ્યા છે અને સતત સારા પ્રદર્શનથી ટીમને મહત્વપૂર્ણ જીત અપાવી છે.

મિડલ ઓર્ડરમાં ઈશાન કિશનને ચોથા નંબર પર અને રજત પાટીદારને પાંચમા નંબર પર સ્થાન મળ્યું છે. જ્યારે છઠ્ઠા ક્રમે હેનરિક ક્લાસેન અને સાતમા ક્રમે ક્રુણાલ પંડ્યાનો સમાવેશ કરવામાં આવ્યો છે.

ઓલરાઉન્ડરોમાં નરેન અને રેડ્ડીને ચાન્સ

ઓલરાઉન્ડર તરીકે નિતીશ કુમાર રેડ્ડી, ક્રુણાલ પંડ્યા અને સુનીલ નરેનને સ્થાન મળ્યું છે. ત્રણેય ખેલાડીઓએ બેટ અને બોલ બંનેથી ટીમ માટે મહત્વપૂર્ણ યોગદાન આપ્યું છે.

આ ત્રણ ફાસ્ટ બોલર પર વિશ્વાસ

બોલિંગ વિભાગમાં કાર્તિકે ત્રણ ઝડપી બોલરોને પસંદ કર્યા છે. તેમાં ભુવનેશ્વર કુમાર, જોફ્રા આર્ચર અને કગિસો રબાડાનો સમાવેશ થાય છે.

રબાડા હાલમાં 28 વિકેટ સાથે પર્પલ કેપ હોલ્ડર છે. ભુવનેશ્વર કુમાર 26 વિકેટ સાથે બીજા સ્થાને છે, જ્યારે જોફ્રા આર્ચરે 25 વિકેટ મેળવી ત્રીજું સ્થાન મેળવ્યું છે.

આ પણ વાંચોઃ RCB vs GT મહાફાઇનલ: કિંગ કોહલીની સેના બાજી મારશે કે ઘરઆંગણે ગુજરાત રચશે નવો ઇતિહાસ!

મુરલી કાર્તિકની IPL 2026 ટીમ ઓફ ધ ટુર્નામેન્ટ

• સાઈ સુદર્શન
• વૈભવ સૂર્યવંશી (ઈમ્પેક્ટ પ્લેયર)
• વિરાટ કોહલી
• ઈશાન કિશન
• રજત પાટીદાર
• હેનરિક ક્લાસેન
• નિતીશ કુમાર રેડ્ડી
• ક્રુણાલ પંડ્યા
• સુનીલ નરેન
• ભુવનેશ્વર કુમાર
• જોફ્રા આર્ચર
• કગિસો રબાડા

શુભમન ગિલને ટીમમાં સ્થાન ન મળતાં ક્રિકેટ ચાહકોમાં ચર્ચા શરૂ થઈ છે, કારણ કે તેમણે સીઝન દરમિયાન અનેક યાદગાર ઇનિંગ્સ રમી હતી. તેમ છતાં, મુરલી કાર્તિકે પોતાના મત અનુસાર સર્વશ્રેષ્ઠ પ્રદર્શન કરનાર ખેલાડીઓને પસંદ કરીને આ ટીમ જાહેર કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ